|
|
| [1]Voca ergo, si est qui tibi respondeat, et ad aliquem sanctorum convertere. |
[No book] |
| [2]Vere stultum interficit iracundia, et parvulum occidit invidia. |
[No book] |
| [3]Ego vidi stultum firma radice; et maledixi pulchritudini ejus statim. |
[No book] |
| [4]Longe fient filii ejus a salute, et conterentur in porta, et non erit qui eruat. |
[No book] |
| [5]Cujus messem famelicus comedet, et ipsum rapiet armatus, et bibent sitientes divitias ejus. |
[No book] |
| [6]Nihil in terra sine causa fit, et de humo non oritur dolor. |
[No book] |
| [7]Homo nascitur ad laborem, et avis ad volatum. |
[No book] |
| [8]Quam ob rem ego deprecabor Dominum, et ad Deum ponam eloquium meum, |
[No book] |
| [9]qui facit magna et inscrutabilia, et mirabilia absque numero; |
[No book] |
| [10]qui dat pluviam super faciem terræ, et irrigat aquis universa; |
[No book] |
| [11]qui ponit humiles in sublime, et mœrentes erigit sospitate; |
[No book] |
| [12]qui dissipat cogitationes malignorum, ne possint implere manus eorum quod cœperant; |
[No book] |
| [13]qui apprehendit sapientes in astutia eorum, et consilium pravorum dissipat. |
[No book] |
| [14]Per diem incurrent tenebras, et quasi in nocte, sic palpabunt in meridie. |
[No book] |
| [15]Porro salvum faciet egenum a gladio oris eorum, et de manu violenti pauperem. |
[No book] |
| [16]Et erit egeno spes; iniquitas autem contrahet os suum. |
[No book] |
| [17]Beatus homo qui corripitur a Deo. Increpationem ergo Domini ne reprobes; |
[No book] |
| [18]quia ipse vulnerat, et medetur; percutit, et manus ejus sanabunt. |
[No book] |
| [19]In sex tribulationibus liberabit te, et in septima non tangent te malum. |
[No book] |
| [20]In fame eruet te de morte, et in bello de manu gladii. |
[No book] |
| [21]A flagello linguæ absconderis, et non timebis calamitatem cum venerit. |
[No book] |
| [22]In vastitate et fame ridebis, et bestias terræ non formidabis. |
[No book] |
| [23]Sed cum lapidibus regionum pactum tuum, et bestiæ terræ pacificæ erunt tibi. |
[No book] |
| [24]Et scies quod pacem habeat tabernaculum tuum; et visitans speciem tuam, non peccabis. |
[No book] |
| [25]Scies quoque quoniam multiplex erit semen tuum, et progenies tua quasi herba terræ. |
[No book] |
| [26]Ingredieris in abundantia sepulchrum, sicut infertur acervus tritici in tempore suo. |
[No book] |
| [27]Ecce hoc, ut investigavimus, ita est. Quod auditum, mente pertracta. |
[No book] |