|
|
| [1]Et respondens Job, ait: |
[No book] |
| [2]Vere scio quod ita sit, et quod non justificetur homo compositus Deo. |
[No book] |
| [3]Si voluerit contendere cum eo, non poterit ei respondere unum pro mille. |
[No book] |
| [4]Sapiens corde est, et fortis robore: quis restitit ei, et pacem habuit? |
[No book] |
| [5]Qui transtulit montes, et nescierunt hi quos subvertit in furore suo. |
[No book] |
| [6]Qui commovet terram de loco suo, et columnæ ejus concutiuntur. |
[No book] |
| [7]Qui præcipit soli, et non oritur, et stellas claudit quasi sub signaculo. |
[No book] |
| [8]Qui extendit cælos solus, et graditur super fluctus maris. |
[No book] |
| [9]Qui facit Arcturum et Oriona, et Hyadas et interiora austri. |
[No book] |
| [10]Qui facit magna, et incomprehensibilia, et mirabilia, quorum non est numerus. |
[No book] |
| [11]Si venerit ad me, non videbo eum; si abierit, non intelligam. |
[No book] |
| [12]Si repente interroget, quis respondebit ei? vel quis dicere potest: Cur ita facis? |
[No book] |
| [13]Deus, cujus iræ nemo resistere potest, et sub quo curvantur qui portant orbem. |
[No book] |
| [14]Quantus ergo sum ego, ut respondeam ei, et loquar verbis meis cum eo? |
[No book] |
| [15]Qui, etiam si habuero quippiam justum, non respondebo: sed meum judicem deprecabor. |
[No book] |
| [16]Et cum invocantem exaudierit me, non credo quod audierit vocem meam. |
[No book] |
| [17]In turbine enim conteret me, et multiplicabit vulnera mea, etiam sine causa. |
[No book] |
| [18]Non concedit requiescere spiritum meum, et implet me amaritudinibus. |
[No book] |
| [19]Si fortitudo quæritur, robustissimus est; si æquitas judicii, nemo audet pro me testimonium dicere. |
[No book] |
| [20]Si justificare me voluero, os meum condemnabit me; si innocentem ostendero, pravum me comprobabit. |
[No book] |
| [21]Etiam si simplex fuero, hoc ipsum ignorabit anima mea, et tædebit me vitæ meæ. |
[No book] |
| [22]Unum est quod locutus sum: et innocentem et impium ipse consumit. |
[No book] |
| [23]Si flagellat, occidat semel, et non de pœnis innocentum rideat. |
[No book] |
| [24]Terra data est in manus impii, vultum judicum ejus operit. Quod si non ille est, quis ergo est? |
[No book] |
| [25]Dies mei velociores fuerunt cursore; fugerunt, et non viderunt bonum. |
[No book] |
| [26]Pertransierunt quasi naves poma portantes, sicut aquila volans ad escam. |
[No book] |
| [27]Cum dixero: Nequaquam ita loquar, commuto faciem meam, et dolore torqueor. |
[No book] |
| [28]Verebar omnia opera mea, sciens quod non parceres delinquenti. |
[No book] |
| [29]Si autem et sic impius sum, quare frustra laboravi? |
[No book] |
| [30]Si lotus fuero quasi aquis nivis, et fulserit velut mundissimæ manus meæ, |
[No book] |
| [31]tamen sordibus intinges me, et abominabuntur me vestimenta mea. |
[No book] |
| [32]Neque enim viro qui similis mei est, respondebo; nec qui mecum in judicio ex æquo possit audiri. |
[No book] |
| [33]Non est qui utrumque valeat arguere, et ponere manum suam in ambobus. |
[No book] |
| [34]Auferat a me virgam suam, et pavor ejus non me terreat. |
[No book] |
| [35]Loquar, et non timebo eum; neque enim possum metuens respondere. |
[No book] |