|
|
| [1]Et præteriens Jesus vidit hominem cæcum a nativitate: |
[No book] |
| [2]et interrogaverunt eum discipuli ejus: Rabbi, quis peccavit, hic, aut parentes ejus, ut cæcus nasceretur? |
[No book] |
| [3]Respondit Jesus: Neque hic peccavit, neque parentes ejus: sed ut manifestentur opera Dei in illo. |
[No book] |
| [4]Me oportet operari opera ejus qui misit me, donec dies est: venit nox, quando nemo potest operari: |
[No book] |
| [5]quamdiu sum in mundo, lux sum mundi. |
[No book] |
| [6]Hæc cum dixisset, exspuit in terram, et fecit lutum ex sputo, et linivit lutum super oculos ejus, |
[No book] |
| [7]et dixit ei: Vade, lava in natatoria Siloë (quod interpretatur Missus). Abiit ergo, et lavit, et venit videns. |
[No book] |
| [8]Itaque vicini, et qui viderant eum prius quia mendicus erat, dicebant: Nonne hic est qui sedebat, et mendicabat? Alii dicebant: Quia hic est. |
[No book] |
| [9]Alii autem: Nequaquam, sed similis est ei. Ille vero dicebat: Quia ego sum. |
[No book] |
| [10]Dicebant ergo ei: Quomodo aperti sunt tibi oculi? |
[No book] |
| [11]Respondit: Ille homo qui dicitur Jesus, lutum fecit: et unxit oculos meos, et dixit mihi: Vade ad natatoria Siloë, et lava. Et abii, et lavi, et video. |
[No book] |
| [12]Et dixerunt ei: Ubi est ille? Ait: Nescio. |
[No book] |
| [13]Adducunt eum ad pharisæos, qui cæcus fuerat. |
[No book] |
| [14]Erat autem sabbatum quando lutum fecit Jesus, et aperuit oculos ejus. |
[No book] |
| [15]Iterum ergo interrogabant eum pharisæi quomodo vidisset. Ille autem dixit eis: Lutum mihi posuit super oculos, et lavi, et video. |
[No book] |
| [16]Dicebant ergo ex pharisæis quidam: Non est hic homo a Deo, qui sabbatum non custodit. Alii autem dicebant: Quomodo potest homo peccator hæc signa facere? Et schisma erat inter eos. |
[No book] |
| [17]Dicunt ergo cæco iterum: Tu quid dicis de illo qui aperuit oculos tuos? Ille autem dixit: Quia propheta est. |
[No book] |
| [18]Non crediderunt ergo Judæi de illo, quia cæcus fuisset et vidisset, donec vocaverunt parentes ejus, qui viderat: |
[No book] |
| [19]et interrogaverunt eos, dicentes: Hic est filius vester, quem vos dicitis quia cæcus natus est? quomodo ergo nunc videt? |
[No book] |
| [20]Responderunt eis parentes ejus, et dixerunt: Scimus quia hic est filius noster, et quia cæcus natus est: |
[No book] |
| [21]quomodo autem nunc videat, nescimus: aut quis ejus aperuit oculos, nos nescimus; ipsum interrogate: ætatem habet, ipse de se loquatur. |
[No book] |
| [22]Hæc dixerunt parentes ejus, quoniam timebant Judæos: jam enim conspiraverunt Judæi, ut si quis eum confiteretur esse Christum, extra synagogam fieret. |
[No book] |
| [23]Propterea parentes ejus dixerunt: Quia ætatem habet, ipsum interrogate. |
[No book] |
| [24]Vocaverunt ergo rursum hominem qui fuerat cæcus, et dixerunt ei: Da gloriam Deo: nos scimus quia hic homo peccator est. |
[No book] |
| [25]Dixit ergo eis ille: si peccator est, nescio; unum scio, quia cæcus cum essem, modo video. |
[No book] |
| [26]Dixerunt ergo illi: Quid fecit tibi? quomodo aperuit tibi oculos? |
[No book] |
| [27]Respondit eis: Dixi vobis jam, et audistis: quod iterum vultis audire? numquid et vos vultis discipuli ejus fieri? |
[No book] |
| [28]Maledixerunt ergo ei, et dixerunt: Tu discipulus illius sis: nos autem Moysi discipuli sumus. |
[No book] |
| [29]Nos scimus quia Moysi locutus est Deus; hunc autem nescimus unde sit. |
[No book] |
| [30]Respondit ille homo, et dixit eis: In hoc enim mirabile est quia vos nescitis unde sit, et aperuit meos oculos: |
[No book] |
| [31]scimus autem quia peccatores Deus non audit: sed si quis Dei cultor est, et voluntatem ejus facit, hunc exaudit. |
[No book] |
| [32]A sæculo non est auditum quia quis aperuit oculos cæci nati. |
[No book] |
| [33]Nisi esset hic a Deo, non poterat facere quidquam. |
[No book] |
| [34]Responderunt, et dixerunt ei: In peccatis natus es totus, et tu doces nos? Et ejecerunt eum foras. |
[No book] |
| [35]Audivit Jesus quia ejecerunt eum foras: et cum invenisset eum, dixit ei: Tu credis in Filium Dei? |
[No book] |
| [36]Respondit ille, et dixit: Quis est, Domine, ut credam in eum? |
[No book] |
| [37]Et dixit ei Jesus: Et vidisti eum, et qui loquitur tecum, ipse est. |
[No book] |
| [38]At ille ait: Credo, Domine. Et procidens adoravit eum. |
[No book] |
| [39]Et dixit Jesus: In judicium ego in hunc mundum veni: ut qui non vident videant, et qui vident cæci fiant. |
[No book] |
| [40]Et audierunt quidam ex pharisæis qui cum ipso erant, et dixerunt ei: Numquid et nos cæci sumus? |
[No book] |
| [41]Dixit eis Jesus: Si cæci essetis, non haberetis peccatum. Nunc vero dicitis, Quia videmus: peccatum vestrum manet. |
[No book] |