|
|
| [1]ܘܗܵܠܹܝܢ ܕܝܼܪܬ̣ܘ ܒ̈ܢܲܝ ܝܼܣܪܵܝܹܠ ܒܐܲܪܥܵܐ ܕܲܟ݂ܢܲܥܢ: ܕܐܵܘܪܸܬ̣ ܐܸܢܘܿܢ ܐܹܠܝܼܥܵܙܲܪ ܟܵܗܢܵܐ ܘܝܼܫܘܿܥ ܒܲܪܢܘܿܢ: ܘܪܹ̈ܫܹܐ ܕܐܲܒ̣ܵـ̈ـܗܵܬ̣ܵܐ ܕܫܲܒ̣̈ܛܹܐ ܕܝܼܣܪܵܝܹܠ. |
[No book] |
| [2]ܒܲܡܢܵܬ̣ܵܐ ܕܝܵܪܬ̇ܘܼܬ̣ܗܘܿܢ: ܐܲܝܟܲܢܵܐ ܕܦܲܩܸܕ݂ ܡܵܪܝܵܐ ܒܐܝܼܕ݂ܵܐ ܕܡܘܼܫܹܐ: ܠܡܸܬܲܠ ܠܬܸܫܥܵܐ ܫܲܒ̣̈ܛܝܼܢ ܘܲܠܦܸܠܓܘܼܬ̣ ܫܲܒ̣ܛܵܐ. |
[No book] |
| [3]ܡܸܛܠ ܕܝܲܗ̄ܒ̣ ܡܘܼܫܹܐ ܝܵܪܬ̇ܘܼܬ̣ܵܐ ܠܲܬ̣ܪܹܝܢ ܫܲܒ̣ܛ̈ܝܼܢ: ܘܲܠܦܸܠܓ̇ܘܼܬ̣ ܫܲܒ̣ܛܵܐ ܒܥܸܒ̣ܪܵܐ ܕܝܘܿܪܕ̇ܢܵܢ. ܘܲܠܠܹܘܵܝܹ̈ܐ ܠܵܐ ܝܲܗ̄ܒ̣ ܝܲܪܬ̇ܘܼܬ̣ܵܐ ܒܲܝܢܵܬ̣ܗܘܿܢ. |
[No book] |
| [4]ܡܸܛܠ ܕܲܗܘ̤ܵܘ ܒ̈ܢܲܝ ܝܵܘܣܸܦ ܬܪܹܝܢ ܫܲܒ̣̈ܛܝܼܢ: ܡܢܲܫܹܐ ܘܐܲܦܪܹܝܡ. ܘܠܵܐ ܝܲܗ̄ܒ̣ ܦܵܠܓ̇ܘܼܬ̣ܵܐ ܠܠܹܘܵܝܹ̈ܐ ܒܐܲܪܥܵܐ: ܐܸܠܵܐ ܐܸܢ ܩܘܼܪ̈ܝܵܐ ܠܡܸܥܡܲܪ ܒܗܹܝܢ: ܘܐܵܓ̣ܘܼܪ̈ܣܹܐ ܠܲܒ̣ܥܝܼܪܗܘܿܢ: ܘܲܠܩܸܢܝܵܢܗܘܿܢ. |
[No book] |
| [5]ܐܲܝܟܲܢܵܐ ܕܦܲܩܸܕ݂ ܡܵܪܝܵܐ ܠܡܘܼܫܹܐ: ܗܵܟܲܢܵܐ ܥܒܲܕ݂ܘ ܒ̈ܢܲܝ ܝܼܣܪܵܝܹܠ: ܘܦܲܠܓܘܼܗ̇ ܠܐܲܪܥܵܐ. |
[No book] |
| [6]ܘܲܩܪܸܒ̣ܘ ܒ̈ܢܲܝ ܝܼܗܘܼܕ݂ܵܐ ܠܘܵܬ̣ ܝܼܫܘܿܥ ܒܓܲܠܓܵܠܵܐ. ܘܐܸܡܲܪ ܟܵܠܵܒ̣ ܒܲܪܝܘܿܦܲܢܵܐ ܩܲܢܙܵܝܵܐ ܠܝܼܫܘܿܥ ܐܲܢ̄ܬ̇ ܝܵܕܲܥ ܐܲܢ̄ܬ̇ ܦܸܬ̣ܓ̣ܵܡܵܐ ܕܡܲܠܸܠ̣ ܡܵܪܝܵܐ ܥܲܡ ܡܘܼܫܹܐ ܥܲܒ̣ܕܹ̇ܗ: ܥܲܠ ܨܒ̣ܘܼܬ̣ܝ ܘܥܲܠ ܨܒ̣ܘܼܬ̣ܵܟ݂ ܒܲܪܩܸܡ ܕܓܲܝܵܐ. |
[No book] |
| [7]ܟܲܕ݂ ܒܲܪ ܐܲܪܒ̇ܥܝܼܢ ܗܘܹܝܬ̣ ܫܢ̈ܝܼܢ ܗܵܝܕܹ̇ܝܢ: ܟܲܕ݂ ܫܲܕ̇ܪܲܢܝ ܡܘܼܫܹܐ ܥܲܒ̣ܕܹ̇ܗ ܕܐܲܠܵܗܵܐ: ܡ̣ܢ ܪܩܸܡ ܕܓܲܠܝܵܐ ܠܡܸܓܫܵܗ̇ ܠܐܲܪܥܵܐ: ܘܐܲܬ̣ܝܼܒ̣ܬܹ̇ܗ ܦܸܬ̣ܓ̣ܵܡܵܐ ܐܲܝܟ݂ ܕܐܝܼܬ̣ ܗ̄ܘ̣ܵܐ ܒܠܹܒ̇ܝ. |
[No book] |
| [8]ܘܐܲܚܲܝ̈ܢ ܕܲܣܠܸܩܘ ܗ̄ܘ̣ܵܘ ܥܲܡܵܢ: ܐܲܙܝܼܥܘܼܗܝ ܠܸܒܹ̇ܗ ܕܥܲܡܵܐ. ܘܐܸܢܵܐ ܫܲܡܠܝܼܬ̣ ܒܵܬܲܪ ܡܵܪܝܵܐ ܐܲܠܵܗܝ. |
[No book] |
| [9]ܘܝܼܡܵܐ ܡܘܼܫܹܐ ܒܹܗ ܒܙܲܒ̣ܢܵܐ: ܗܵܘ̇: ܘܐܸܡܲܪ: ܐܲܪܥܵܐ ܕܕܸܪܟܲܬ̤ ܒܵܗ̇ ܪܓ̣ܠܵܟ݂: ܠܵܟ݂ ܬܸܗܘܹܐ ܝܵܪܬ̇ܘܼܬ̣ܵܐ: ܘܠܲܒ̣ܢܲܝ̈ܟ ܠܥܵܠܲܡ: ܡܸܛܠ ܕܫܲܡ̣ܠܝܼܬ̇ ܒܵܬܲܪ ܡܵܪܝܵܐ ܐܲܠܵܗܵܐ. |
[No book] |
| [10]ܘܗܵܫܵܐ ܗܵܐ ܐܲܢܝܼܚ ܠܲܢ ܡܵܪܝܵܐ ܐܲܝܟܲܢܵܐ ܕܐܸܡܲܪ: ܗܵܐ ܐܲܪܒ̇ܥܝܼܢ ܘܚܲܡܸܫ ܫܢ̈ܝܼܢ: ܗܵܐ ܡ̣ܢ ܕܐܸܡܲܪ ܡܵܪܝܵܐ ܡܸܠܬ̣ܵܐ ܗܵܕܹܐ ܠܡܘܼܫܹܐ: ܕܲܢܗܲܠܸܟ݂ ܠܝܼܣܪܵܝܹܠ ܒܡܲܕ݂ܒ̇ܪܵܐ. ܘܗܵܫܵܐ ܐܸܢܵܐ ܝܵܘܡܵܢܵܐ: ܒܲܪ ܬܡܵܢܐܝܼܢ ܐ̄ܢܵܐ ܘܚܲܡܸܫ ܫܢ̈ܝܼܢ. |
[No book] |
| [11]ܘܲܥܕܲܡܵܐ ܠܗܵܫܵܐ ܚܲܝܠܵܐ ܐܝܼܬ̣ ܒܝܼ: ܐܲܝܟ݂ ܕܲܒ̣ܝܵܘܡܵܐ ܗܵܘ̇ ܕܫܲܕܲܪܲܢܝ ܡܘܼܫܹܐ ܚܲܝܠܝ ܕܗܵܝܕܹ̇ܝܢ ܘܲܕ݂ܗܵܫܵܐ ܫܘܸܐ ܗ̄ܘ̣ ܠܲܩܪܵܒ̣ܵܐ ܘܲܠܡܸܦܲܩ ܘܲܠܡܸܥܲܠ. |
[No book] |
| [12]ܗܵܫܵܐ ܗܲܒ̣ ܠܝܼ ܛܘܼܪܵܐ ܗܵܢܵܐ ܕܐܸܡܲܪ ܡܵܪܝܵܐ ܒܹܗ ܒܝܵܘܡܵܐ ܗܵܘ̇. ܘܐܲܢ̄ܬ̇ ܫܡܲܥܬ̇ ܒܹܗ ܒܝܵܘܡܵܐ ܗܵܘ̇ ܕܓܲܢ̄ܒܵܪܹ̈ܐ ܐܝܼܬ̣ ܬܲܡܵܢ. ܘܲܡܕ݂ܝܼ̈ܢܵܬ̣ܵܐ ܪܵܘ̱ܪ̈ܒ̣ܵܢ ܐܸܢܹܝܢ ܘܚܲܣ̈ܝܼܢܵܢ: ܟܒܲܪ ܢܸܗܘܹܐ ܡܵܪܝܵܐ ܥܲܡܝ ܘܐܸܚܪܘܿܒ̣ ܐܸܢܘܿܢ: ܐܲܝܟ݂ ܕܐܸܡܲܪ ܡܵܪܝܵܐ. |
[No book] |
| [13]ܘܒܲܪܟܹܗ ܝܼܫܘܿܥ ܠܟ݂ܵܠܵܒ̣ ܒܲܪ ܝܘܿܦܲܢܵܐ: ܘܝܲܗ̄ܒ̣ ܠܹܗ ܠܚܸܒ̣ܪܘܿܢ ܟܲܪܟ݂ܵܐ ܝܵܪܬ̇ܘܼܬ̣ܵܐ. |
[No book] |
| [14]ܡܸܛܠ ܗܵܢܵܐ ܗܘ̤ܵܐ ܚܸܒ̣ܪܘܿܢ ܟܲܪܟ݂ܵܐ ܝܵܪܬ̇ܘܼܬ̣ܵܐ ܠܟ݂ܵܠܵܒ̣ ܒܲܪ ܝܘܿܦܲܢܵܐ ܩܲܢܙܵܝܵܐ ܥܕܲܡܵܐ ܠܝܵܘܡܵܢܵܐ: ܡܸܛܠ ܕܫܲܡܠܝܼ ܒܵܬܲܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ. |
[No book] |
| [15]ܘܲܫܡܵܗ̇ ܕܚܸܒ̣ܪܘܿܢ ܟܲܪܟ݂ܵܐ ܡ̣ܢ ܩܕ݂ܝܼܡ: ܩܘܼܪܝܲܬ̣ ܐܲܪܒܲܥ ܕܐ̄ܢܵܫܵܐ ܓܲܢ̄ܒܵܪܹ̈ܐ. ܘܐܲܪܥܵܐ ܐܲܬ̇ܬ̇ܢܝܼܚܲܬ̣ ܡ̣ܢ ܩܪܵܒ̣ܵܐ. |
[No book] |