➖ »
«
➖ ➕
Aleppo Codex (~920)
Alep
Peshitta NT (Khabouris)
PesNT(Kha)
←
Leviticus
Lev
15
→
[1]וידבר יהוה אל משה ואל אהרן לאמר [No book]
[2]דברו אל בני ישראל ואמרתם אלהם איש איש כי יהיה זב מבשרו־זובו טמא הוא [No book]
[3]וזאת תהיה טמאתו בזובו רר בשרו את זובו או החתים בשרו מזובו־טמאתו הוא [No book]
[4]כל המשכב אשר ישכב עליו הזב־יטמא וכל הכלי אשר ישב עליו יטמא [No book]
[5]ואיש אשר יגע במשכבו־יכבס בגדיו ורחץ במים וטמא עד הערב [No book]
[6]והישב על הכלי אשר ישב עליו הזב־יכבס בגדיו ורחץ במים וטמא עד הערב [No book]
[7]והנגע בבשר הזב־יכבס בגדיו ורחץ במים וטמא עד הערב [No book]
[8]וכי ירק הזב בטהור־וכבס בגדיו ורחץ במים וטמא עד הערב [No book]
[9]וכל המרכב אשר ירכב עליו הזב־יטמא [No book]
[10]וכל הנגע בכל אשר יהיה תחתיו־יטמא עד הערב והנושא אותם־יכבס בגדיו ורחץ במים וטמא עד הערב [No book]
[11]וכל אשר יגע בו הזב וידיו לא שטף במים־וכבס בגדיו ורחץ במים וטמא עד הערב [No book]
[12]וכלי חרש אשר יגע בו הזב ישבר וכל כלי עץ־ישטף במים [No book]
[13]וכי יטהר הזב מזובו־וספר לו שבעת ימים לטהרתו וכבס בגדיו ורחץ בשרו במים חיים וטהר [No book]
[14]וביום השמיני יקח לו שתי תרים או שני בני יונה ובא לפני יהוה אל פתח אהל מועד ונתנם אל הכהן [No book]
[15]ועשה אתם הכהן־אחד חטאת והאחד עלה וכפר עליו הכהן לפני יהוה מזובו [No book]
[16]ואיש כי תצא ממנו שכבת זרע־ורחץ במים את כל בשרו וטמא עד הערב [No book]
[17]וכל בגד וכל עור אשר יהיה עליו שכבת זרע־וכבס במים וטמא עד הערב [No book]
[18]ואשה אשר ישכב איש אתה שכבת זרע־ורחצו במים וטמאו עד הערב [No book]
[19]ואשה כי תהיה זבה דם יהיה זבה בבשרה־שבעת ימים תהיה בנדתה וכל הנגע בה יטמא עד הערב [No book]
[20]וכל אשר תשכב עליו בנדתה יטמא וכל אשר תשב עליו יטמא [No book]
[21]וכל הנגע במשכבה־יכבס בגדיו ורחץ במים וטמא עד הערב [No book]
[22]וכל הנגע־בכל כלי אשר תשב עליו יכבס בגדיו ורחץ במים וטמא עד הערב [No book]
[23]ואם על המשכב הוא או על הכלי אשר הוא ישבת עליו־בנגעו בו יטמא עד הערב [No book]
[24]ואם שכב ישכב איש אתה ותהי נדתה עליו־וטמא שבעת ימים וכל המשכב אשר ישכב עליו יטמא [No book]
[25]ואשה כי יזוב זוב דמה ימים רבים בלא עת נדתה או כי תזוב על נדתה כל ימי זוב טמאתה כימי נדתה תהיה־טמאה הוא [No book]
[26]כל המשכב אשר תשכב עליו כל ימי זובה־כמשכב נדתה יהיה לה וכל הכלי אשר תשב עליו־טמא יהיה כטמאת נדתה [No book]
[27]וכל הנוגע בם יטמא וכבס בגדיו ורחץ במים וטמא עד הערב [No book]
[28]ואם טהרה מזובה־וספרה לה שבעת ימים ואחר תטהר [No book]
[29]וביום השמיני תקח לה שתי תרים או שני בני יונה והביאה אותם אל הכהן אל פתח אהל מועד [No book]
[30]ועשה הכהן את האחד חטאת ואת האחד עלה וכפר עליה הכהן לפני יהוה מזוב טמאתה [No book]
[31]והזרתם את בני ישראל מטמאתם ולא ימתו בטמאתם בטמאם את משכני אשר בתוכם [No book]
[32]זאת תורת הזב ואשר תצא ממנו שכבת זרע לטמאה בה [No book]
[33]והדוה בנדתה והזב את זובו לזכר ולנקבה ולאיש אשר ישכב עם טמאה [No book]
Source: unbound.biola.edu
Top