|
|
| [1]Locutusque est Dominus ad Moysen, dicens: |
[No book] |
| [2]Tolle Aaron cum filiis suis, vestes eorum, et unctionis oleum, vitulum pro peccato, duos arietes, canistrum cum azymis: |
[No book] |
| [3]et congregabis omnem cœtum ad ostium tabernaculi. |
[No book] |
| [4]Fecit Moyses ut Dominus imperaverat. Congregataque omni turba ante fores tabernaculi, |
[No book] |
| [5]ait: Iste est sermo, quem jussit Dominus fieri. |
[No book] |
| [6]Statimque obtulit Aaron et filios ejus. Cumque lavisset eos, |
[No book] |
| [7]vestivit pontificem subucula linea, accingens eum balteo, et induens eum tunica hyacinthina, et desuper humerale imposuit, |
[No book] |
| [8]quod astringens cingulo aptavit rationali, in quo erat Doctrina et Veritas. |
[No book] |
| [9]Cidari quoque texit caput: et super eam, contra frontem, posuit laminam auream consecratam in sanctificatione, sicut præceperat ei Dominus. |
[No book] |
| [10]Tulit et unctionis oleum, quo linivit tabernaculum cum omni supellectili sua. |
[No book] |
| [11]Cumque sanctificans aspersisset altare septem vicibus, unxit illud, et omnia vasa ejus, labrumque cum basi sua sanctificavit oleo. |
[No book] |
| [12]Quod fundens super caput Aaron, unxit eum, et consecravit: |
[No book] |
| [13]filios quoque ejus oblatos vestivit tunicis lineis, et cinxit balteis, imposuitque mitras, ut jusserat Dominus. |
[No book] |
| [14]Obtulit et vitulum pro peccato: cumque super caput ejus posuisset Aaron et filii ejus manus suas, |
[No book] |
| [15]immolavit eum, hauriens sanguinem, et tincto digito, tetigit cornua altaris per gyrum: quo expiato et sanctificato, fudit reliquum sanguinem ad fundamenta ejus. |
[No book] |
| [16]Adipem vero qui erat super vitalia, et reticulum jecoris, duosque renunculos, cum arvinulis suis, adolevit super altare: |
[No book] |
| [17]vitulum cum pelle, et carnibus, et fimo, cremans extra castra, sicut præceperat Dominus. |
[No book] |
| [18]Obtulit et arietem in holocaustum: super cujus caput cum imposuissent Aaron et filii ejus manus suas, |
[No book] |
| [19]immolavit eum, et fudit sanguinem ejus per circuitum altaris. |
[No book] |
| [20]Ipsumque arietem in frusta concidens, caput ejus, et artus, et adipem adolevit igni, |
[No book] |
| [21]lotis prius intestinis et pedibus: totumque simul arietem incendit super altare, eo quod esset holocaustum suavissimi odoris Domino, sicut præceperat ei. |
[No book] |
| [22]Obtulit et arietem secundum in consecratione sacerdotum, posueruntque super caput ejus Aaron et filii ejus manus suas: |
[No book] |
| [23]quem cum immolasset Moyses, sumens de sanguine ejus, tetigit extremum auriculæ dextræ Aaron, et pollicem manus ejus dextræ, similiter et pedis. |
[No book] |
| [24]Obtulit et filios Aaron: cumque de sanguine arietis immolati tetigisset extremum auriculæ singulorum dextræ, et pollices manus ac pedis dextri, reliquum fudit super altare per circuitum: |
[No book] |
| [25]adipem vero, et caudam, omnemque pinguedinem quæ operit intestina, reticulumque jecoris, et duos renes cum adipibus suis et armo dextro separavit. |
[No book] |
| [26]Tollens autem de canistro azymorum, quod erat coram Domino, panem absque fermento, et collyridam conspersam oleo, laganumque, posuit super adipes, et armum dextrum, |
[No book] |
| [27]tradens simul omnia Aaron et filiis ejus. Qui postquam levaverunt ea coram Domino, |
[No book] |
| [28]rursum suscepta de manibus eorum, adolevit super altare holocausti, eo quod consecrationis esset oblatio, in odorem suavitatis, sacrificii Domino. |
[No book] |
| [29]Tulitque pectusculum, elevans illud coram Domino, de ariete consecrationis in partem suam, sicut præceperat ei Dominus. |
[No book] |
| [30]Assumensque unguentum, et sanguinem qui erat in altari, aspersit super Aaron et vestimenta ejus, et super filios illius ac vestes eorum. |
[No book] |
| [31]Cumque sanctificasset eos in vestitu suo, præcepit eis, dicens: Coquite carnes ante fores tabernaculi, et ibi comedite eas; panes quoque consecrationis edite, qui positi sunt in canistro, sicut præcepit mihi Dominus, dicens: Aaron et filii ejus comedent eos: |
[No book] |
| [32]quidquid autem reliquum fuerit de carne et panibus, ignis absumet. |
[No book] |
| [33]De ostio quoque tabernaculi non exibitis septem diebus, usque ad diem quo complebitur tempus consecrationis vestræ; septem enim diebus finitur consecratio: |
[No book] |
| [34]sicut et impræsentiarum factum est, ut ritus sacrificii compleretur. |
[No book] |
| [35]Die ac nocte manebitis in tabernaculo observantes custodias Domini, ne moriamini: sic enim mihi præceptum est. |
[No book] |
| [36]Feceruntque Aaron et filii ejus cuncta quæ locutus est Dominus per manum Moysi. |
[No book] |