|
|
| [No book] |
[1]Jesus autem plenus Spiritu Sancto regressus est a Jordane: et agebatur a Spiritu in desertum |
| [No book] |
[2]diebus quadraginta, et tentabatur a diabolo. Et nihil manducavit in diebus illis: et consummatis illis esuriit. |
| [No book] |
[3]Dixit autem illi diabolus: Si Filius Dei es, dic lapidi huic ut panis fiat. |
| [No book] |
[4]Et respondit ad illum Jesus: Scriptum est: Quia non in solo pane vivit homo, sed in omni verbo Dei. |
| [No book] |
[5]Et duxit illum diabolus in montem excelsum, et ostendit illi omnia regna orbis terræ in momento temporis, |
| [No book] |
[6]et ait illi: Tibi dabo potestatem hanc universam, et gloriam illorum: quia mihi tradita sunt, et cui volo do illa. |
| [No book] |
[7]Tu ergo si adoraveris coram me, erunt tua omnia. |
| [No book] |
[8]Et respondens Jesus, dixit illi: Scriptum est: Dominum Deum tuum adorabis, et illi soli servies. |
| [No book] |
[9]Et duxit illum in Jerusalem, et statuit eum super pinnam templi, et dixit illi: Si Filius Dei es, mitte te hinc deorsum. |
| [No book] |
[10]Scriptum est enim quod angelis suis mandavit de te, ut conservent te: |
| [No book] |
[11]et quia in manibus tollent te, ne forte offendas ad lapidem pedem tuum. |
| [No book] |
[12]Et respondens Jesus, ait illi: Dictum est: Non tentabis Dominum Deum tuum. |
| [No book] |
[13]Et consummata omni tentatione, diabolus recessit ab illo, usque ad tempus. |
| [No book] |
[14]Et regressus est Jesus in virtute Spiritus in Galilæam, et fama exiit per universam regionem de illo. |
| [No book] |
[15]Et ipse docebat in synagogis eorum, et magnificabatur ab omnibus. |
| [No book] |
[16]Et venit Nazareth, ubi erat nutritus, et intravit secundum consuetudinem suam die sabbati in synagogam, et surrexit legere. |
| [No book] |
[17]Et traditus est illi liber Isaiæ prophetæ. Et ut revolvit librum, invenit locum ubi scriptum erat: |
| [No book] |
[18]Spiritus Domini super me: propter quod unxit me, evangelizare pauperibus misit me, sanare contritos corde, |
| [No book] |
[19]prædicare captivis remissionem, et cæcis visum, dimittere confractos in remissionem, prædicare annum Domini acceptum et diem retributioni. |
| [No book] |
[20]Et cum plicuisset librum, reddit ministro, et sedit. Et omnium in synagoga oculi erant intendentes in eum. |
| [No book] |
[21]Cœpit autem dicere ad illos: Quia hodie impleta est hæc scriptura in auribus vestris. |
| [No book] |
[22]Et omnes testimonium illi dabant: et mirabantur in verbis gratiæ, quæ procedebant de ore ipsius, et dicebant: Nonne hic est filius Joseph? |
| [No book] |
[23]Et ait illis: Utique dicetis mihi hanc similitudinem: Medice cura teipsum: quanta audivimus facta in Capharnaum, fac et hic in patria tua. |
| [No book] |
[24]Ait autem: Amen dico vobis, quia nemo propheta acceptus est in patria sua. |
| [No book] |
[25]In veritate dico vobis, multæ viduæ erant in diebus Eliæ in Israël, quando clausum est cælum annis tribus et mensibus sex, cum facta esset fames magna in omni terra: |
| [No book] |
[26]et ad nullam illarum missus est Elias, nisi in Sarepta Sidoniæ, ad mulierem viduam. |
| [No book] |
[27]Et multi leprosi erant in Israël sub Elisæo propheta: et nemo eorum mundatus est nisi Naaman Syrus. |
| [No book] |
[28]Et repleti sunt omnes in synagoga ira, hæc audientes. |
| [No book] |
[29]Et surrexerunt, et ejecerunt illum extra civitatem: et duxerunt illum usque ad supercilium montis, super quem civitas illorum erat ædificata, ut præcipitarent eum. |
| [No book] |
[30]Ipse autem transiens per medium illorum, ibat. |
| [No book] |
[31]Et descendit in Capharnaum civitatem Galilææ, ibique docebat illos sabbatis. |
| [No book] |
[32]Et stupebant in doctrina ejus, quia in potestate erat sermo ipsius. |
| [No book] |
[33]Et in synagoga erat homo habens dæmonium immundum, et exclamavit voce magna, |
| [No book] |
[34]dicens: Sine, quid nobis et tibi, Jesu Nazarene? venisti perdere nos? scio te quis sis, Sanctus Dei. |
| [No book] |
[35]Et increpavit illum Jesus, dicens: Obmutesce, et exi ab eo. Et cum projecisset illum dæmonium in medium, exiit ab illo, nihilque illum nocuit. |
| [No book] |
[36]Et factus est pavor in omnibus, et colloquebantur ad invicem, dicentes: Quod est hoc verbum, quia in potestate et virtute imperat immundis spiritibus, et exeunt? |
| [No book] |
[37]Et divulgabatur fama de illo in omnem locum regionis. |
| [No book] |
[38]Surgens autem Jesus de synagoga, introivit in domum Simonis. Socrus autem Simonis tenebatur magnis febribus: et rogaverunt illum pro ea. |
| [No book] |
[39]Et stans super illam imperavit febri: et dimisit illam. Et continuo surgens, ministrabat illis. |
| [No book] |
[40]Cum autem sol occidisset, omnes qui habebant infirmos variis languoribus, ducebant illos ad eum. At ille singulis manus imponens, curabat eos. |
| [No book] |
[41]Exibant autem dæmonia a multis clamantia, et dicentia: Quia tu es Filius Dei: et increpans non sinebat ea loqui: quia sciebant ipsum esse Christum. |
| [No book] |
[42]Facta autem die egressus ibat in desertum locum, et turbæ requirebant eum, et venerunt usque ad ipsum: et detinebant illum ne discederet ab eis. |
| [No book] |
[43]Quibus ille ait: Quia et aliis civitatibus oportet me evangelizare regnum Dei: quia ideo missus sum. |
| [No book] |
[44]Et erat prædicans in synagogis Galilææ. |