|
|
| [1]Et cum appropinquarent Jerosolymæ et Bethaniæ ad montem Olivarum, mittit duos ex discipulis suis, |
[No book] |
| [2]et ait illis: Ite in castellum, quod contra vos est, et statim introëuntes illuc, invenietis pullum ligatum, super quem nemo adhuc hominum sedit: solvite illum, et adducite. |
[No book] |
| [3]Et si quis vobis dixerit: Quid facitis? dicite, quia Domino necessarius est: et continuo illum dimittet huc. |
[No book] |
| [4]Et abeuntes invenerunt pullum ligatum ante januam foris in bivio: et solvunt eum. |
[No book] |
| [5]Et quidam de illic stantibus dicebant illis: Quid facitis solventes pullum? |
[No book] |
| [6]Qui dixerunt eis sicut præceperat illis Jesus, et dimiserunt eis. |
[No book] |
| [7]Et duxerunt pullum ad Jesum: et imponunt illi vestimenta sua, et sedit super eum. |
[No book] |
| [8]Multi autem vestimenta sua straverunt in via: alii autem frondes cædebant de arboribus, et sternebant in via. |
[No book] |
| [9]Et qui præibant, et qui sequebantur, clamabant, dicentes: Hosanna: benedictus qui venit in nomine Domini: |
[No book] |
| [10]benedictum quod venit regnum patris nostri David: hosanna in excelsis. |
[No book] |
| [11]Et introivit Jerosolymam in templum: et circumspectis omnibus, cum jam vespera esset hora, exiit in Bethaniam cum duodecim. |
[No book] |
| [12]Et alia die cum exirent a Bethania, esuriit. |
[No book] |
| [13]Cumque vidisset a longe ficum habentem folia, venit si quid forte inveniret in ea: et cum venisset ad eam, nihil invenit præter folia: non enim erat tempus ficorum. |
[No book] |
| [14]Et respondens dixit ei: Jam non amplius in æternum ex te fructum quisquam manducet. Et audiebant discipuli ejus. |
[No book] |
| [15]Et veniunt in Jerosolymam. Et cum introisset in templum, cœpit ejicere vendentes et ementes in templo: et mensas numulariorum, et cathedras vendentium columbas evertit: |
[No book] |
| [16]et non sinebat ut quisquam transferret vas per templum: |
[No book] |
| [17]et docebat, dicens eis: Nonne scriptum est: Quia domus mea, domus orationis vocabitur omnibus gentibus? vos autem fecistis eam speluncam latronum. |
[No book] |
| [18]Quo audito principes sacerdotum et scribæ, quærebant quomodo eum perderent: timebant enim eum, quoniam universa turba admirabatur super doctrina ejus. |
[No book] |
| [19]Et cum vespera facta esset, egrediebatur de civitate. |
[No book] |
| [20]Et cum mane transirent, viderunt ficum aridam factam a radicibus. |
[No book] |
| [21]Et recordatus Petrus, dixit ei: Rabbi, ecce ficus, cui maledixisti, aruit. |
[No book] |
| [22]Et respondens Jesus ait illis: Habete fidem Dei. |
[No book] |
| [23]Amen dico vobis, quia quicumque dixerit huic monti: Tollere, et mittere in mare, et non hæsitaverit in corde suo, sed crediderit, quia quodcumque dixerit fiat, fiat ei. |
[No book] |
| [24]Propterea dico vobis, omnia quæcumque orantes petitis, credite quia accipietis, et evenient vobis. |
[No book] |
| [25]Et cum stabitis ad orandum, dimittite si quis habetis adversus aliquem: ut et Pater vester, qui in cælis est, dimittat vobis peccata vestra. |
[No book] |
| [26]Quod si vos non dimiseritis: nec Pater vester, qui in cælis est, dimittet vobis peccata vestra. |
[No book] |
| [27]Et veniunt rursus Jerosolymam. Et cum ambularet in templo, accedunt ad eum summi sacerdotes, et scribæ, et seniores: |
[No book] |
| [28]et dicunt ei: In qua potestate hæc facis? et quis dedit tibi hanc potestatem ut ista facias? |
[No book] |
| [29]Jesus autem respondens, ait illis: Interrogabo vos et ego unum verbum, et respondete mihi: et dicam vobis in qua potestate hæc faciam. |
[No book] |
| [30]Baptismus Joannis, de cælo erat, an ex hominibus? Respondete mihi. |
[No book] |
| [31]At illi cogitabant secum, dicentes: Si dixerimus: De cælo, dicet: Quare non credidistis ei? |
[No book] |
| [32]Si dixerimus: Ex hominibus, timemus populum: omnes enim habebant Joannem quia vere propheta esset. |
[No book] |
| [33]Et respondentes dicunt Jesu: Nescimus. Et respondens Jesus ait illis: Neque ego dico vobis in qua potestate hæc faciam. |
[No book] |