|
|
| [No book] |
[1]Et conveniunt ad eum pharisæi, et quidam de scribis, venientes ab Jerosolymis. |
| [No book] |
[2]Et cum vidissent quosdam ex discipulis ejus communibus manibus, id est non lotis, manducare panes, vituperaverunt. |
| [No book] |
[3]Pharisæi enim, et omnes Judæi, nisi crebro laverint manus, non manducant, tenentes traditionem seniorum: |
| [No book] |
[4]et a foro nisi baptizentur, non comedunt: et alia multa sunt, quæ tradita sunt illis servare, baptismata calicum, et urceorum, et æramentorum, et lectorum: |
| [No book] |
[5]et interrogabant eum pharisæi et scribæ: Quare discipuli tui non ambulant juxta traditionem seniorum, sed communibus manibus manducant panem? |
| [No book] |
[6]At ille respondens, dixit eis: Bene prophetavit Isaias de vobis hypocritis, sicut scriptum est: Populus hic labiis me honorat, cor autem eorum longe est a me: |
| [No book] |
[7]in vanum autem me colunt, docentes doctrinas, et præcepta hominum. |
| [No book] |
[8]Relinquentes enim mandatum Dei, tenetis traditionem hominum, baptismata urceorum et calicum: et alia similia his facitis multa. |
| [No book] |
[9]Et dicebat illis: Bene irritum facitis præceptum Dei, ut traditionem vestram servetis. |
| [No book] |
[10]Moyses enim dixit: Honora patrem tuum, et matrem tuam. Et: Qui maledixerit patri, vel matri, morte moriatur. |
| [No book] |
[11]Vos autem dicitis: Si dixerit homo patri, aut matri, Corban (quod est donum) quodcumque ex me, tibi profuerit: |
| [No book] |
[12]et ultra non dimittitis eum quidquam facere patri suo, aut matri, |
| [No book] |
[13]rescindentes verbum Dei per traditionem vestram, quam tradidistis: et similia hujusmodi multa facitis. |
| [No book] |
[14]Et advocans iterum turbam, dicebat illis: Audite me omnes, et intelligite. |
| [No book] |
[15]Nihil est extra hominem introiens in eum, quod possit eum coinquare, sed quæ de homine procedunt illa sunt quæ communicant hominem. |
| [No book] |
[16]Si quis habet aures audiendi, audiat. |
| [No book] |
[17]Et cum introisset in domum a turba, interrogabant eum discipuli ejus parabolam. |
| [No book] |
[18]Et ait illis: Sic et vos imprudentes estis? Non intelligitis quia omne extrinsecus introiens in hominem, non potest eum communicare: |
| [No book] |
[19]quia non intrat in cor ejus, sed in ventrum vadit, et in secessum exit, purgans omnes escas? |
| [No book] |
[20]Dicebat autem, quoniam quæ de homine exeunt, illa communicant hominem. |
| [No book] |
[21]Ab intus enim de corde hominum malæ cogitationes procedunt, adulteria, fornicationes, homicidia, |
| [No book] |
[22]furta, avaritiæ, nequitiæ, dolus, impudicitiæ, oculus malus, blasphemia, superbia, stultitia. |
| [No book] |
[23]Omnia hæc mala ab intus procedunt, et communicant hominem. |
| [No book] |
[24]Et inde surgens abiit in fines Tyri et Sidonis: et ingressus domum, neminem voluit scire, et non potuit latere. |
| [No book] |
[25]Mulier enim statim ut audivit de eo, cujus filia habebat spiritum immundum, intravit, et procidit ad pedes ejus. |
| [No book] |
[26]Erat enim mulier gentilis, Syrophœnissa genere. Et rogabat eum ut dæmonium ejiceret de filia ejus. |
| [No book] |
[27]Qui dixit illi: Sine prius saturari filios: non est enim bonum sumere panem filiorum, et mittere canibus. |
| [No book] |
[28]At illa respondit, et dixit illi: Utique Domine, nam et catelli comedunt sub mensa de micis puerorum. |
| [No book] |
[29]Et ait illi: Propter hunc sermonem vade: exiit dæmonium a filia tua. |
| [No book] |
[30]Et cum abiisset domum suam, invenit puellam jacentem supra lectum, et dæmonium exiisse. |
| [No book] |
[31]Et iterum exiens de finibus Tyri, venit per Sidonem ad mare Galilææ inter medios fines Decapoleos. |
| [No book] |
[32]Et adducunt ei surdum, et mutum, et deprecabantur eum, ut imponat illi manum. |
| [No book] |
[33]Et apprehendens eum de turba seorsum, misit digitos suos in auriculas ejus: et exspuens, tetigit linguam ejus: |
| [No book] |
[34]et suscipiens in cælum, ingemuit, et ait illi: Ephphetha, quod est, Adaperire. |
| [No book] |
[35]Et statim apertæ sunt aures ejus, et solutum est vinculum linguæ ejus, et loquebatur recte. |
| [No book] |
[36]Et præcepit illis ne cui dicerent. Quanto autem eis præcipiebat, tanto magis plus prædicabant: |
| [No book] |
[37]et eo amplius admirabantur, dicentes: Bene omnia fecit: et surdos fecit audire, et mutos loqui. |