|
|
| [1]אללי לי כי הייתי כאספי קיץ כעללת בציר אין אשכול לאכול בכורה אותה נפשי |
[No book] |
| [2]אבד חסיד מן הארץ וישר באדם אין כלם לדמים יארבו איש את אחיהו יצודו חרם |
[No book] |
| [3]על הרע כפים להיטיב השר שאל והשפט בשלום והגדול דבר הות נפשו הוא־ויעבתוה |
[No book] |
| [4]טובם כחדק ישר ממסוכה יום מצפיך פקדתך באה עתה תהיה מבוכתם |
[No book] |
| [5]אל תאמינו ברע אל תבטחו באלוף משכבת חיקך שמר פתחי פיך |
[No book] |
| [6]כי בן מנבל אב בת קמה באמה כלה בחמתה איבי איש אנשי ביתו |
[No book] |
| [7]ואני ביהוה אצפה אוחילה לאלהי ישעי ישמעני אלהי |
[No book] |
| [8]אל תשמחי איבתי לי כי נפלתי קמתי כי אשב בחשך יהוה אור לי |
[No book] |
| [9]זעף יהוה אשא כי חטאתי לו עד אשר יריב ריבי ועשה משפטי־יוציאני לאור אראה בצדקתו |
[No book] |
| [10]ותרא איבתי ותכסה בושה־האמרה אלי איו יהוה אלהיך עיני תראינה בה עתה תהיה למרמס כטיט חוצות |
[No book] |
| [11]יום לבנות גדריך יום ההוא ירחק חק |
[No book] |
| [12]יום הוא ועדיך יבוא למני אשור וערי מצור ולמני מצור ועד נהר וים מים והר ההר |
[No book] |
| [13]והיתה הארץ לשממה על ישביה מפרי מעלליהם |
[No book] |
| [14]רעה עמך בשבטך צאן נחלתך־שכני לבדד יער בתוך כרמל ירעו בשן וגלעד כימי עולם |
[No book] |
| [15]כימי צאתך מארץ מצרים אראנו נפלאות |
[No book] |
| [16]יראו גוים ויבשו מכל גבורתם ישימו יד על פה אזניהם תחרשנה |
[No book] |
| [17]ילחכו עפר כנחש־כזחלי ארץ ירגזו ממסגרתיהם אל יהוה אלהינו יפחדו ויראו ממך |
[No book] |
| [18]מי אל כמוך נשא עון ועבר על פשע לשארית נחלתו לא החזיק לעד אפו כי חפץ חסד הוא |
[No book] |
| [19]ישוב ירחמנו יכבש עונתינו ותשליך במצלות ים כל חטאותם |
[No book] |
| [20]תתן אמת ליעקב חסד לאברהם אשר נשבעת לאבתינו מימי קדם |
[No book] |