➖ »
«
➖ ➕
Patriarchal Greek NT (1904)
Patr
Peshitta OT
PesOT
←
Nahum
Nah
2
→
[No book] [1]ܣ̣ܠܸܩ ܡܕܲܒ̇ܪܵܢܵܐ ܩܕ݂ܵܡܲܝܟ: ܘܢܵܛܲܪ ܡܲܛܲܪܬܵܐ ܘܚܵܐܲܪ ܐܘܼܪܚܵܐ: ܘܐܵܚܹ̇ܕ݂ ܒܚܲܨܹ̈ܐ: ܘܛܵܒ̣ ܚܲܣܝܼܢ ܚܲܝܠܹܗ.
[No book] [2]ܡܸܛܠ ܕܡܲܦܢܸܐ ܐ̄ܢܵܐ ܐܝܼܩܵܪܹܗ ܕܝܲܥܩܘܿܒ̣ ܐܲܝܟ݂ ܐܝܼܩܵܪܹܗ ܕܝܼܣܪܵܝܹܠ: ܡܸܛܠ ܕܕ݂ܵܫ̣ܘ ܐܸܢܘܿܢ ܕܵܝܘܿܫܹ̈ܐ: ܘܚܲܒܸ̇ܠܘ ܫܲܒ̇ܘܼܩܲܝ̈ܗܘܿܢ.
[No book] [3]ܣܲܟ̇ܪܹ̈ܐ ܕܓܲܢ̄ܒܵܪ̈ܲܝܗܘܿܢ ܡܲܣ̱ܡ̈ܩܵܢ: ܘܓܲܒ̣ܪܹ̈ܐ ܓܲܢ̄ܒܵܪܹ̈ܐ ܡܸܫܬܲܥܹܝܢ ܒܠܲܡܦܹܝ̈ܕܹܐ ܕܢܘܼܪܵܐ: ܘܲܒ̣ܡܲܪ̈ܟ̇ܒ̣ܵܬ̣ܵܐ ܒܝܵܘܡܵܐ ܕܡܸܬ̇ܛܲܝܒ̣ܝܼܢ: ܘܦܲܪ̈ܵܫܹܐ ܕܡܸܬ̣ܒܲܠܗܹܝܢ.
[No book] [4]ܘܲܒ̣ܫܘܼܩܹ̈ܐ ܡܸܫܬܲܒ̇ܚܝܼܢ ܒܡܲܪ̈ܟ̇ܒ̣ܵܬ̣ܗܘܿܢ ܘܡܸܫܬܲܒ̣ܗ̄ܪܝܼܢ: ܘܚܸܙ̱ܘܗܘܿܢ ܐܲܝܟ݂ ܠܲܡܦܹܝ̈ܕܹܐ: ܘܐܲܝܟ݂ ܒܲܪ̈ܩܹܐ ܪܵܗ̇ܛܝܼܢ.
[No book] [5]ܢܹܐܚܕ̇ܘܼܢ ܠܫܲܠܝܼܛܵܢܲܝ̈ܗܘܿܢ: ܘܢܸܬ̇ܬܲܩܠܘܼܢ ܒܗܲܠܟ݂ܵـ̈ـܬ̣ܗܘܿܢ: ܘܢܸܣܬܲܪܗܒ̣ܘܼܢ ܠܫܘܼܪܵܐ: ܘܲܢܛܲܝܒ̣ܘܼܢ ܥܵܥ̈ܝܵܬ̣ܵܐ.
[No book] [6]ܬܲܪ̈ܥܹܐ ܕܲܝܗܘܼܕ݂ܵܐ ܐܸܬ̣ܦܲܬܲܚܘ: ܘܗܲܝܟ̇ܠܵܐ ܙܵܥ̣.
[No book] [7]ܘܐܲܩܝܼܡܲܬ̤ ܦܲܪ̈ܵܫܹܝܗ̇ ܘܣܸܠܩܲܬ̤: ܘܐܲܡ̈ܗܵܬ̣ܵܗ̇ ܡܢܲܗ̈ܡܵܢ ܗ̄ܘܲܝ̈ ܒܠܸܒܲܝ̈ܗܹܝܢ ܐܲܝܟ݂ ܝܵܘܢܹ̈ܐ.
[No book] [8]ܘܢܝܼܢܘܹܐ ܐܲܝܟ݂ ܝܲܡܬ̣ܵܐ ܗ̄ܝܼ ܕܡܲـ̈ـܝܵܐ ܘܒܹܝܬ̣ ܡܲـ̈ـܝܵܐ ܗ̄ܝܼ: ܘܗܸܢ̣ܘܿܢ ܥܵܪܩܝܼܢ: ܐܲܩܝܼܡܘ: ܐܲܩܝܼܡܘ ܘܠܲܝܬ̇ ܕܡܸܬ̣ܦܢܸܐ.
[No book] [9]ܒܲܙ̣ܘ ܣܹܐܡܵܐ ܘܒܲܙ̣ܘ ܕܲܗܒ̣ܵܐ: ܘܠܲܝܬ̇ ܣܵܟ݂ܵܐ ܠܨܸܒ̣ܬܵܗ̇: ܥܲܫܝܼܢܝܼܢ ܟܠܗܘܿܢ ܡܵܐܢܹ̈ܐ ܕܪܸܓ̇ܬ̣ܵܗ̇.
[No book] [10]ܕܝܼܫܬܵܐ ܘܲܣܝܼܦܬܵܐ ܘܲܡܬܲܪܲܥܬܵܐ: ܘܠܸܒܵܐ ܬܒ̣ܝܼܪܵܐ ܘܦܘܼܪܵܩ ܒܘܼܪ̈ܟܹ̇ܐ: ܘܲܪܥܵܠܵܐ ܒܟ݂ܠ ܚܲܨܝܼ̈ܢ: ܘܐܲܦܲܝ̈ ܟܠܗܘܿܢ ܐܲܟ݂ܘܼܡ ܐܲܝܟ݂ ܫܘܼܚܵܪܹ̈ܐ ܕܩܸܕ݂ܪܵܐ.
[No book] [11]ܐܲܝܟܵܐ ܗ̄ܝܼ ܡܲܪܒ̇ܘܿܥܝܼܬ̣ܵܗ̇ ܕܐܲܪܝܘܿܬ̣ܵܐ: ܘܒܹܝܬ̣ ܪܸܥܝܵܐ ܕܓ̣ܘܼܪܝܵܐ ܕܐܲܪܝܘܼܬ̣ܵܐ: ܕܐܸܙܲܠ ܐܲܪܝܵܐ ܠܡܸܥܲܠ ܠܬܲܡܵܢ: ܘܓ̣ܘܼܪܝܵܐ ܕܐܲܪܝܵܐ ܘܠܲܝܬ̇ ܕܡܲܗܲܪ.
[No book] [12]ܐܲܪܝܵܐ ܬܒܲܪ ܡܸܣܲܬ̣ ܡܹܐܟ݂ܘܼܠܬܵܐ ܕܲܓ̣ܪ̈ܵܘܗܝ: ܘܲܦܣܲܩ̣ ܐܵܦ ܠܬܸܢܝܵܢܵܘ̈ܗܝ: ܘܲܡ̣ܠܵܐ ܢܸܩܥܵܘ̈ܗܝ ܘܡܲܪܒ̇ܘܿܥܝܼܬܹܗ ܬܒ̣ܵܪܵܐ.
[No book] [13]ܗܵܐ ܐܸܢܵܐ ܥܠܲܝܟ̇ܝ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܘܐܵܘܒܸ̇ܕ݂ ܒܬܸܢܵܢܵܐ ܟܸܢܫܲܝ̈ܟ̇ܝ: ܘܲܓ̣ܪ̈ܲܝܟ̇ܝ ܬܹܐܟ݂ܘܿܠ ܚܲܪܒܵܐ: ܘܐܵܘܒܸ̇ܕ݂ ܡ̣ܢ ܐܲܪܥܵܐ ܬܒ̣ܵܪܹܟ݂ܝ: ܘܬ̣ܘܼܒ̣ ܠܵܐ ܢܸܫܬ̇ܡܲܥ ܩܵܠܵܐ ܕܲܥܒ̣ܵܕܲܝ̈ܟ̇ܝ.
Author: Ecumenical Patriarchate of Constantinople
Source: www.hagiascriptura.com
Top