|
|
| [No book] |
[1]ܘܵܝ ܠܲܡܕ݂ܝܼܢ̄ܬܵܐ ܕܲܕ݂ܡܵܐ: ܕܟ݂ܠܵܗ̇ ܟܲܕܵܒ̣ܘܼܬ̣ܵܐ ܘܡܲܠܝܵܐ ܥܵܘܼܠܵܐ: ܘܠܵܐ ܡܸܬ̇ܬ̇ܡܝܼܫ ܒܵܗ̇ ܬܒ̣ܵܪܵܐ. |
| [No book] |
[2]ܩܵܠܵܐ ܕܫܵܘܛܵܐ ܘܩܵܠܵܐ ܕܙܵܘܥܵܐ ܕܓ̣ܝܼܓ̣̈ܠܹܐ: ܘܣܘܼܣܝܵܐ ܕܢܵܦܲܪ: ܘܡܲܪܟܲܒ̣ܬ̣ܵܐ ܕܲܡܢܲܕ݂ܝܵܐ. |
| [No book] |
[3]ܘܦܲܪܵܫܵܐ ܕܕ݂ܵܒܲܪ: ܘܣܲܝܦܵܐ ܕܡܲܙܗܲܪ: ܘܢܲܝܙܟ݂ܵܐ ܕܡܲܒ̣ܪܸܩ: ܘܣܘܿܓ̣ܵܐܐ ܕܲܩܛܝܼ̈ܠܹܐ: ܘܥܘܼܫܢܵܐ ܕܲܫ̈ܠܲܕܹ̇ܐ: ܘܠܲܝܬ̇ ܣܵܟ݂ܵܐ ܠܲܫ̈ܠܲܝܕܹ̇ܐ: ܢܸܬ̇ܬܲܩܠܘܼܢ ܒܗܹܝܢ ܒܲܫܠܲܕܲܝ̈ܗܘܿܢ. |
| [No book] |
[4]ܡ̣ܢ ܣܘܿܓܲܐܬ̣ ܙܵܢܝܘܼܬ̣ܵܗ̇ ܕܙܵܢܝܼܬ̣ܵܐ ܫܲܦܪܲܬ̣ ܚܸܙܘܵܐ ܘܡܵܪܲܬ̤ ܚܲܪ̈ܵܫܹܐ: ܕܲܡܪܲܒ̇ܝܵܐ ܥܲܡܡܹ̈ܐ ܒܙܵܢܝܘܼܬ̣ܵܗ̇: ܘܫܲܪ̈ܒ̣ܵܬ̣ܵܐ ܒܚܲܪ̈ܫܹܝܗ̇. |
| [No book] |
[5]ܗܵܐ ܐܸܢܵܐ ܥܠܲܝܟ̇ܝ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܘܐܸܣܚܘܿܦ ܫܦܘܿܠܲܝ̈ܟ̇ܝ ܥܲܠ ܐܲܦܲܝ̈ܟ̇ܝ: ܘܐܹܚܵܘܹܐ ܦܘܼܪܣܵܝܹܟ݂ܝ ܠܥܲܡܡܹ̈ܐ: ܘܨܲܥܪܹܟ݂ܝ ܠܡܲܠܟ̇ܘܵܬ̣ܵܐ. |
| [No book] |
[6]ܘܐܸܫܕܸ̇ܐ ܥܠܲܝܟ̇ܝ ܛܲܢܦܘܼܬ̣ܵܐ ܘܐܹܨܲܥܪܸܟ݂ܝ: ܘܐܸܥܒ̇ܕܹܟ݂ܝ ܠܚܸܙܘܵܐ. |
| [No book] |
[7]ܘܟ݂ܠ ܡܲܢ ܕܚܵܙܹ̇ܐ ܠܹܟ݂ܝ ܢܸܢܲܕ݂ ܡܸܢܹܟ݂ܝ: ܘܢܹܐܡܲܪ ܐܸܬ̣ܒܲܙܙܲܬ̤ ܢܝܼܢܘܹܐ. ܠܡܲܢ ܬܸܟ݂ܪܸܐ ܥܠܲܝܟ̇ܝ: ܘܐܲܝܡܸܟܵܐ ܐܸܒ̣ܥܸܐ ܠܹܟ݂ܝ ܡܒܲܝܐܵܢܵܐ. |
| [No book] |
[8]ܕܲܠܡܵܐ ܛܵܒ̣ܵܐ ܐܲܢ̄ܬ̇ܝ ܡ̣ܢ ܝܘܿܢ ܕܐܲܡܘܿܢ: ܕܝܵܬ̣ܒܵܐ ܒܢܲܗܪ̈ܵܘܵܬ̣ܵܐ ܘܡܲـ̈ـܝܵܐ ܚܕ݂ܝܼܪܝܼܢ ܠܵܗ̇: ܕܚܲܝܠܵܗ̇ ܝܲܡܵܐ ܘܡܲـ̈ـܝܵܐ ܫܘܼܪܵܗ̇. |
| [No book] |
[9]ܟܘܼܫ ܘܡܸܨܪܹܝܢ ܥܘܼܫܢܵܗ̇ ܘܠܲܝܬ̇ ܠܵܗ̇ ܣܵܟ݂: ܦܘܿܛܵܝܹ̈ܐ ܘܠܹܘܒ̣ܵܝܹ̈ܐ ܗܘ̤ܵܘ ܒܥܘܼܕ݂ܪܵܢܵܗ̇. |
| [No book] |
[10]ܐܵܦ ܗܝ̤ ܒܲܫܒ̣ܝܼܬ̣ܵܐ ܐܸܙܲܠ̄ܬ̤: ܘܝܲܠܘܼܕܹܝ̈ܗ̇ ܐܸܫܬܲܩܲܦܘ ܒܪܸܫ ܟܠܗܘܿܢ ܫܘܼܩܹ̈ܝܗ̇: ܘܥܲܠ ܝܲܩܝܼܪܹܝܗ̇ ܐܲܪܡܝܼܘ ܦܸܨܹ̈ܐ: ܘܟ݂ܠܗܘܿܢ ܪܵܘܪ̈ܒ̣ܵܢܹܝܗ̇ ܐܸܬ̣ܐ̱ܣܲܪܘ ܒܫܸܫ̈ܠܵܬ̣ܵܐ. |
| [No book] |
[11]ܐܵܦ ܐܲܢ̄ܬ̇ܝ ܬܸܕ݂ܘܹܝܢ ܘܬܸܗܘܹܝܢ ܫܝܼܛܬܵܐ: ܐܵܦ ܐܲܢ̄ܬ̇ܝ ܬܸܒ̣ܥܹܝܢ ܥܘܼܕ݂ܪܵܢܵܐ ܡ̣ܢ ܒܥܸܠܕ̇ܒ̣ܵܒܲܝ̈ܟ̇ܝ. |
| [No book] |
[12]ܟܠܗܘܿܢ ܟܲܪ̈ܟܲܝܟ̇ܝ ܐܲܝܟ݂ ܬܹܐܢܹ̈ܐ ܐܸܢܘܿܢ ܒܲܟܵܪ̈ܵܬ̣ܵܐ: ܕܡܵܐ ܕܲܒ̣ܫܸܠ̣ ܢܵܦ̈ܠܵܢ ܒܦܘܼܡܹܗ ܕܐܵܟ݂ܘܿܠܵܐ. |
| [No book] |
[13]ܘܥܲܡܹܟ݂ܝ ܐܲܝܟ݂ ܢܸܫܹ̈ܐ ܐܸܢܘܿܢ ܒܓ̣ܵܘܹܟ݂ܝ: ܢܸܬ̣ܦܲܬ̇ܚܘܼܢ ܬܲܪ̈ܥܹܐ ܕܐܲܪܥܹܟ݂ܝ ܠܲܒ̣ܥܸܠܕ̇ܒ̣ܵܒܲܝ̈ܟ̇ܝ: ܘܬܹܐܟ݂ܘܿܠ ܢܘܼܪܵܐ ܠܡܘܼܟ݂̈ܠܲܝܟ̇ܝ. |
| [No book] |
[14]ܡܲـ̈ـܝܵܐ ܒܐܘܼܠܨܵܢܵܐ ܡܠܵܝ ܠܹܟ݂ܝ: ܘܐܲܥܫܸܢܝ ܟܲܪ̈ܟܲܝܟ̇ܝ: ܥܘܿܠܝ ܒܲܣܝܵܢܵܐ ܘܕ݂ܘܼܫܝ ܒܛܝܼܢܵܐ: ܘܐܲܥܫܸܢܝ ܡܘܼܠܟܵܢܵܐ. |
| [No book] |
[15]ܬܲܡܵܢ ܬܹܐܟ݂ܠܹܟ݂ܝ ܢܘܼܪܵܐ: ܘܬܵܘܒ̇ܕܹܟ݂ܝ ܚܲܪܒܵܐ: ܘܬܹܐܟ݂ܠܹܟ݂ܝ ܐܲܝܟ݂ ܙܵܚܠܵܐ: ܥܲܠ ܕܲܥܫܸܢ̣ܬ̇ܝ ܐܲܝܟ݂ ܙܵܚܠܵܐ: ܘܲܣܓܲܝ̣ܬ̇ܝ ܐܲܝܟ݂ ܩܲܡܨܵܐ. |
| [No book] |
[16]ܘܐܲܣܓ̇ܝܼܬ̇ܝ ܬܲܓܵܪ̈ܲܝܟ̇ܝ ܛܵܒ̣ ܡ̣ܢ ܟܵܘܟ̇ܒܲܝ̈ ܫܡܲܝܵܐ: ܙܵܚܠܵܐ ܫ̣ܠܲܚ ܘܲܦ̣ܪܲܚ. |
| [No book] |
[17]ܢܙܝܼܪ̈ܲܝܟ̇ܝ ܐܲܝܟ݂ ܩܲܡܨܵܐ: ܘܲܟ݂ܬ̣ܝܼܫܲܝ̈ܟ̇ܝ ܐܲܝܟ݂ ܩܲܡܨܵܐ ܕܲܣܒ̣ܝܼܟ݂ ܒܲܣܝܵܓ̣ܵܐ ܒܝܵܘܡܵܐ ܩܲܪܝܼܪܵܐ: ܡܵܐ ܕܕܸܢܚܲܬ̤ ܫܸܡܫܵܐ: ܡܲܫܩܸܠ ܘܠܵܐ ܡܸܬ̣ܝܲܕ݂ܥܵܐ ܕܘܼܟ̇ܬܹܗ. |
| [No book] |
[18]ܢܡ̣ܘ ܚܲܒ̣ܪ̈ܲܝܟ̇ܝ ܡܲܠ̈ܟܹ̇ܐ ܕܐܵܬ̣ܘܿܪ: ܘܲܫ̣ܪܵܘ ܩܲܪ̈ܝܼܒܲܝܟ̇ܝ: ܐܸܬ̣ܒܲܕܲܪ ܥܲܡܹܟ݂ܝ ܥܲܠ ܛܘܼܪܹ̈ܐ: ܘܠܲܝܬ̇ ܠܗܘܿܢ ܡܟܲܢܫܵܢܵܐ. |
| [No book] |
[19]ܘܠܲܝܬ̇ ܕܟ݂ܵܐܹ̇ܒ̣ ܠܹܗ ܥܲܠ ܬܒ̣ܵܪܹܟ݂ܝ: ܟܵܝ̇ܒܵܐ ܗ̄ܝܼ ܡܚܘܿܬܹܟ݂ܝ: ܟܠ ܕܲܫܡܲܥ̣ܘ ܫܸܡܥܹܟ݂ܝ ܢܩܲܫ̣ܘ ܟܲܦܵܐ ܥܠܲܝܟ̇ܝ: ܡܸܛܠ ܕܥܲܠ ܟܠ ܐ̄ܢܵܫ ܐܲܡܝܼܢܵܐܝܼܬ̣ ܥܸܒ̣ܪܲܬ̤ ܒܝܼܫܬܹ̇ܟ݂ܝ. |