➖ »
«
➖ ➕
Vulgata Clementina (1592)
Vul
The Sonnini Manuscript: The Lost Chapter 29 of Acts
Acts29
←
Numbers
Num
10
→
[1]Locutusque est Dominus ad Moysen, dicens: [No book]
[2]Fac tibi duas tubas argenteas ductiles, quibus convocare possis multitudinem quando movenda sunt castra. [No book]
[3]Cumque increpueris tubis, congregabitur ad te omnis turba ad ostium tabernaculi fœderis. [No book]
[4]Si semel clangueris, venient ad te principes, et capita multitudinis Israël. [No book]
[5]Si autem prolixior atque concisus clangor increpuerit, movebunt castra primi qui sunt ad orientalem plagam. [No book]
[6]In secundo autem sonitu et pari ululatu tubæ, levabunt tentoria qui habitant ad meridiem; et juxta hunc modum reliqui facient, ululantibus tubis in profectionem. [No book]
[7]Quando autem congregandus est populus, simplex tubarum clangor erit, et non concise ululabunt. [No book]
[8]Filii autem Aaron sacerdotes clangent tubis: eritque hoc legitimum sempiternum in generationibus vestris. [No book]
[9]Si exieritis ad bellum de terra vestra contra hostes qui dimicant adversum vos, clangetis ululantibus tubis, et erit recordatio vestri coram Domino Deo vestro, ut eruamini de manibus inimicorum vestrorum. [No book]
[10]Siquando habebitis epulum, et dies festos, et calendas, canetis tubis super holocaustis, et pacificis victimis, ut sint vobis in recordationem Dei vestri. Ego Dominus Deus vester. [No book]
[11]Anno secundo, mense secundo, vigesima die mensis, elevata est nubes de tabernaculo fœderis: [No book]
[12]profectique sunt filii Israël per turmas suas de deserto Sinai, et recubuit nubes in solitudine Pharan. [No book]
[13]Moveruntque castra primi juxta imperium Domini in manu Moysi. [No book]
[14]Filii Juda per turmas suas: quorum princeps erat Nahasson filius Aminadab. [No book]
[15]In tribu filiorum Issachar fuit princeps Nathanaël filius Suar. [No book]
[16]In tribu Zabulon erat princeps Eliab filius Helon. [No book]
[17]Depositumque est tabernaculum, quod portantes egressi sunt filii Gerson et Merari. [No book]
[18]Profectique sunt et filii Ruben, per turmas et ordinem suum: quorum princeps erat Helisur filius Sedeur. [No book]
[19]In tribu autem filiorum Simeon, princeps fuit Salamiel filius Surisaddai. [No book]
[20]Porro in tribu Gad erat princeps Eliasaph filius Duel. [No book]
[21]Profectique sunt et Caathitæ portantes sanctuarium. Tamdiu tabernaculum portabatur, donec venirent ad erectionis locum. [No book]
[22]Moverunt castra et filii Ephraim per turmas suas, in quorum exercitu princeps erat Elisama filius Ammiud. [No book]
[23]In tribu autem filiorum Manasse princeps fuit Gamaliel filius Phadassur. [No book]
[24]Et in tribu Benjamin erat dux Abidan filius Gedeonis. [No book]
[25]Novissimi castrorum omnium profecti sunt filii Dan per turmas suas, in quorum exercitu princeps fuit Ahiezer filius Ammisaddai. [No book]
[26]In tribu autem filiorum Aser erat princeps Phegiel filius Ochran. [No book]
[27]Et in tribu filiorum Nephthali princeps fuit Ahira filius Enan. [No book]
[28]Hæc sunt castra, et profectiones filiorum Israël per turmas suas quando egrediebantur. [No book]
[29]Dixitque Moyses Hobab filio Raguel Madianitæ, cognato suo: Proficiscimur ad locum quem Dominus daturus est nobis: veni nobiscum, ut benefaciamus tibi, quia Dominus bona promisit Israëli. [No book]
[30]Cui ille respondit: Non vadam tecum, sed revertar in terram meam, in qua natus sum. [No book]
[31]Et ille: Noli, inquit, nos relinquere: tu enim nosti in quibus locis per desertum castra ponere debeamus, et eris ductor noster. [No book]
[32]Cumque nobiscum veneris, quidquid optimum fuerit ex opibus, quas nobis traditurus est Dominus, dabimus tibi. [No book]
[33]Profecti sunt ergo de monte Domini viam trium dierum, arcaque fœderis Domini præcedebat eos, per dies tres providens castrorum locum. [No book]
[34]Nubes quoque Domini super eos erat per diem cum incederent. [No book]
[35]Cumque elevaretur arca, dicebat Moyses: Surge, Domine, et dissipentur inimici tui, et fugiant qui oderunt te, a facie tua. [No book]
[36]Cum autem deponeretur, aiebat: Revertere, Domine, ad multitudinem exercitus Israël. [No book]
Source: unbound.biola.edu
Top