|
|
| [1]Locutusque est Dominus ad Moysen, dicens: |
[No book] |
| [2]Ulciscere prius filios Israël de Madianitis, et sic colligeris ad populum tuum. |
[No book] |
| [3]Statimque Moyses: Armate, inquit, ex vobis viros ad pugnam, qui possint ultionem Domini expetere de Madianitis. |
[No book] |
| [4]Mille viri de singulis tribubus eligantur ex Israël qui mittantur ad bellum. |
[No book] |
| [5]Dederuntque millenos de singulis tribubus, id est, duodecim millia expeditorum ad pugnam: |
[No book] |
| [6]quos misit Moyses cum Phinees filio Eleazari sacerdotis, vasa quoque sancta, et tubas ad clangendum tradidit ei. |
[No book] |
| [7]Cumque pugnassent contra Madianitas atque vicissent, omnes mares occiderunt, |
[No book] |
| [8]et reges eorum, Evi, et Recem, et Sur, et Hur, et Rebe, quinque principes gentis: Balaam quoque filium Beor interfecerunt gladio. |
[No book] |
| [9]Ceperuntque mulieres eorum, et parvulos, omniaque pecora, et cunctam supellectilem: quidquid habere potuerant depopulati sunt: |
[No book] |
| [10]tam urbes quam viculos et castella flamma consumpsit. |
[No book] |
| [11]Et tulerunt prædam, et universa quæ ceperant tam ex hominibus quam ex jumentis, |
[No book] |
| [12]et adduxerunt ad Moysen, et Eleazarum sacerdotem, et ad omnem multitudinem filiorum Israël: reliqua autem utensilia portaverunt ad castra in campestribus Moab juxta Jordanem contra Jericho. |
[No book] |
| [13]Egressi sunt autem Moyses et Eleazar sacerdos, et omnes principes synagogæ, in occursum eorum extra castra. |
[No book] |
| [14]Iratusque Moyses principibus exercitus, tribunis, et centurionibus qui venerant de bello, |
[No book] |
| [15]ait: Cur feminas reservastis? |
[No book] |
| [16]nonne istæ sunt, quæ deceperunt filios Israël ad suggestionem Balaam, et prævaricari vos fecerunt in Domino super peccato Phogor, unde et percussus est populus? |
[No book] |
| [17]ergo cunctos interficite quidquid est generis masculinis, etiam in parvulis: et mulieres, quæ noverunt viros in coitu, jugulate: |
[No book] |
| [18]puellas autem et omnes feminas virgines reservate vobis: |
[No book] |
| [19]et manete extra castra septem diebus. Qui occiderit hominem, vel occisum tetigerit, lustrabitur die tertio et septimo. |
[No book] |
| [20]Et de omni præda, sive vestimentum fuerit, sive vas, et aliquid in utensilia præparatum, de caprarum pellibus, et pilis, et ligno, expiabitur. |
[No book] |
| [21]Eleazar quoque sacerdos ad viros exercitus, qui pugnaverunt, sic locutus est: Hoc est præceptum legis, quod mandavit Dominus Moysi: |
[No book] |
| [22]aurum, et argentum, et æs, et ferrum, et plumbum, et stannum, |
[No book] |
| [23]et omne, quod potest transire per flammas, igne purgabitur: quidquid autem ignem non potest sustinere, aqua expiationis sanctificabitur: |
[No book] |
| [24]et lavabitis vestimenta vestra die septimo, et purificati postea castra intrabitis. |
[No book] |
| [25]Dixit quoque Dominus ad Moysen: |
[No book] |
| [26]Tollite summam eorum quæ capta sunt, ab homine usque ad pecus, tu et Eleazar sacerdos et principes vulgi: |
[No book] |
| [27]dividesque ex æquo prædam inter eos qui pugnaverunt egressique sunt ad bellum, et inter omnem reliquam multitudinem. |
[No book] |
| [28]Et separabis partem Domino ab his qui pugnaverunt et fuerunt in bello, unam animam de quingentis, tam ex hominibus quam ex bobus et asinis et ovibus, |
[No book] |
| [29]et dabis eam Eleazaro sacerdoti, quia primitiæ Domini sunt. |
[No book] |
| [30]Ex media quoque parte filiorum Israël accipies quinquagesimum caput hominum, et boum, et asinorum, et ovium, cunctorum animantium, et dabis ea Levitis, qui excubant in custodiis tabernaculi Domini. |
[No book] |
| [31]Feceruntque Moyses et Eleazar sicut præceperat Dominus. |
[No book] |
| [32]Fuit autem præda, quam exercitus ceperat, ovium sexcenta septuaginta quinque millia, |
[No book] |
| [33]boum septuaginta duo millia, |
[No book] |
| [34]asinorum sexaginta millia et mille: |
[No book] |
| [35]animæ hominum sexus feminei, quæ non cognoverant viros, triginta duo millia. |
[No book] |
| [36]Dataque est media pars his qui in prælio fuerant, ovium trecenta triginta septem millia quingentæ: |
[No book] |
| [37]e quibus in partem Domini supputatæ sunt oves sexcentæ septuaginta quinque: |
[No book] |
| [38]et de bobus triginta sex millibus, boves septuaginta et duo: |
[No book] |
| [39]de asinis triginta millibus quingentis, asini sexaginta unus: |
[No book] |
| [40]de animabus hominum sedecim millibus, cesserunt in partem Domini triginta duæ animæ. |
[No book] |
| [41]Tradiditque Moyses numerum primitiarum Domini Eleazaro sacerdoti, sicut fuerat ei imperatum, |
[No book] |
| [42]ex media parte filiorum Israël, quam separaverat his qui in prælio fuerant. |
[No book] |
| [43]De media vero parte, quæ contigerat reliquæ multitudini, id est, de ovibus trecentis triginta septem millibus quingentis, |
[No book] |
| [44]et de bobus triginta sex millibus, |
[No book] |
| [45]et de asinis triginta millibus quingentis, |
[No book] |
| [46]et de hominibus sedecim millibus, |
[No book] |
| [47]tulit Moyses quinquagesimum caput, et dedit Levitis, qui excubabant in tabernaculo Domini, sicut præceperat Dominus. |
[No book] |
| [48]Cumque accessissent principes exercitus ad Moysen, et tribuni, centurionesque, dixerunt: |
[No book] |
| [49]Nos servi tui recensuimus numerum pugnatorum, quos habuimus sub manu nostra: et ne unus quidem defuit. |
[No book] |
| [50]Ob hanc causam offerimus in donariis Domini singuli quod in præda auri potuimus invenire, periscelides et armillas, annulos et dextralia, ac murænulas, ut depreceris pro nobis Dominum. |
[No book] |
| [51]Susceperuntque Moyses et Eleazar sacerdos omne aurum in diversis speciebus, |
[No book] |
| [52]pondo sedecim millia septingentos quinquaginta siclos, a tribunis et centurionibus. |
[No book] |
| [53]Unusquisque enim quod in præda rapuerat, suum erat. |
[No book] |
| [54]Et susceptum intulerunt in tabernaculum testimonii, in monimentum filiorum Israël coram Domino. |
[No book] |