➖ »
«
➖ ➕
Wycliffe's English Translation (1388)
Wyc
The Acts of Thomas
ActThom
←
Numbers
Num
7
→
[1]Forsothe it was don in the dai in which Moises fillide the tabernacle, and reiside it, and anoyntide and halewide with alle `hise vessels, the auter in lijk maner and the vessels therof. [No book]
[2]And the princes of Israel, and the heedis of meynees that weren bi alle lynagis, `the souereyns of hem that weren noumbrid, [No book]
[3]offeriden yiftis bifor the Lord, sixe waynes hylid with twelue oxun; twei duykis offeriden o wayn, and ech offeride oon oxe. And thei offeriden tho waynes `in the siyt of the tabernacle. [No book]
[4]Forsothe the Lord seide to Moises, [No book]
[5]Take thou of hem, that tho serue in the seruice of the tabernacle, and bitake thou tho to dekenes bi the ordre of her seruice. [No book]
[6]And so whanne Moises hadde take the waynes, and the oxun, he bitook tho to the dekenes. [No book]
[7]He yaf twei waynes and foure oxun to the sones of Gerson, bi that that thei hadden nedeful. [No book]
[8]He yaf four other waynes and eiyte oxun to the sones of Merari, bi her offices and religioun, vnder the hond of Ythamar, the sone of Aaron, preest. [No book]
[9]Forsothe he yaf not waynes and oxun to the sones of Caath, for thei seruen in the seyntuarye, and beren chargis with her owne schuldris. [No book]
[10]Therfor the duykis offeriden, in the halewyng of the auter, in the dai in which it was anoyntid, her offryng to the Lord, bifore the auter. [No book]
[11]And the Lord seide to Moises, Alle dukis bi hemsilf offre yiftis, bi alle daies bi hem silf, in to the halewyng of the auter. [No book]
[12]Naason, the sone of Amynadab, of the lynage of Juda, offeride his offryng in the firste day; [No book]
[13]and a siluerne vessel `to preue ensense and siche thingis, in the weiyte of an hundrid and thretti siclis, a viol of siluere, hauynge seuenti siclis bi the weiyt of the seyntuarie, `weren ther ynne, euer eithir ful of flour spreynt togidere with oile, in to sacrifice; [No book]
[14]a morter, of ten goldun siclis, ful of encence. [No book]
[15]He offride an oxe of the droue, and a ram, and a lomb of o yeer, in to brent sacrifice; [No book]
[16]and a `buk of geet, for synne. [No book]
[17]And he offeride in the sacrifice of pesible thingis, tweyne oxun, fyue rammys, fyue `buckis of geet, fyue lambren of o yeer. This is the offryng of Naason, the sone of Amynadab. [No book]
[18]In the secounde dai Nathanael, the sone of Suar, duyk of the lynage of Isachar, [No book]
[19]offeride a siluerne vessel `to preue encense and siche thingis, peisynge an hundrid and thretti siclis, a siluerne viole, hauynge seuenti syclis bi the weiyte of seyntuarie, euer either ful of flour spreynt togidere with oile, in to sacrifice; [No book]
[20]a goldun morter, hauynge ten siclis, ful of encense; [No book]
[21]an oxe of the droue, and a ram, and a lomb of o yeer, in to brent sacrifice; [No book]
[22]and a `buc of geet, for synne. [No book]
[23]And in the sacrifice of pesible thingis he offride tweyne oxun, and fyue rammes, fyue `buckis of geet, fyue lambren of o yeer. This was the offryng of Nathanael the sone of Suar. [No book]
[24]In the thridde dai Eliab, the sone of Elon, prince of the sones of Zabulon, [No book]
[25]offeride a siluerne vessel to `preue encence and siche thingis, peisynge an hundrid and thretti siclis, a siluerne viol, hauynge seuenti siclis at the weiyte of seyntuarie, euer eithir ful of flour spreynt togidere with oile, in to sacrifice; a goldun morter, [No book]
[26]peisynge ten siclis, ful of encense; [No book]
[27]an oxe of the droue, and a ram, and a lomb of o yeer, in to brent sacrifice; and a buc of geet, for synne. [No book]
[28]And in sacrifice of pesible thingis he offride tweyne oxen, fyue rammes, fyue `buckis of geet, fyue lambren of o yeer. [No book]
[29]This is the offryng of Eliab, the sone of Helon. [No book]
[30]In the fourthe dai Helisur, the sone of Sedeur, the prince of the sones of Ruben, [No book]
[31]offride a siluerne vessel `to preue encense and siche thingis, peisynge an hundrid and thretti siclis, a siluerne viol, hauynge seuenti syclis at the weiyte of seyntuarie, euer eithir ful of flour spreynt togidere with oile, in to sacrifice; [No book]
[32]a goldun morter peisynge ten siclis, ful of encense; [No book]
[33]an oxe of the drooue, and a ram, and a lomb of o yeer in to brent sacrifice, [No book]
[34]and a `buc of geet, for synne. [No book]
[35]And in to sacrifice of pesible thingis he offride tweyne oxun, fyue rammes, fyue `buckis of geet, fyue lambren of o yeer. This was the offryng of Elisur, the sone of Sedeur. [No book]
[36]In the fyuethe dai Salamyhel, the sone of Surisaddai, the prince of the sones of Symeon, [No book]
[37]offeride a siluerne vessel `to preue encense and siche thingis, peysynge an hundrid and thretti siclis, a siluerne viol, hauynge seuenti siclis at the weiyte of seyntuarie, euer either ful of flour spreynt togidere with oile, in to sacrifice; [No book]
[38]a goldun morter, peisynge ten siclis, ful of encense; [No book]
[39]an oxe of the drooue, and a ram, and a lomb of o yeer, in to brent sacrifice; [No book]
[40]and a `bucke of geet, for synne. [No book]
[41]And in to sacrifice of pesible thingis he offeride tweyne oxun, fyue rammes, fyue `buckis of geet, fyue lambren of o yeer. This was the offring of Salamyhel, the sone of Surisaddai. [No book]
[42]In the sixte day Elisaphat, the sone of Duel, the prince of the sones of Gad, [No book]
[43]offride a siluerne vessel `to preue encense and sich thingis, peisynge an hundrid and thretti siclis, a siluerne viol, hauynge seuenti siclis at the weiyte of seyntuarie, euer eithir ful of flour spreynt togidere with oile in to sacrifice; [No book]
[44]a goldun morter, peisynge ten siclis, ful of encense; [No book]
[45]an oxe of the droue, and a ram, and a lomb of o yeer, in to brent sacrifice; [No book]
[46]and a `buc of geet, for synne. [No book]
[47]And in to sacrifice of pesible thingis he offride twei oxun, fyue rammes, fyue `buckis of geet, fyue lambren of o yeer. This was the offryng of Elisaphat, the sone of Duel. [No book]
[48]In the seuenthe dai Elisama, the sone of Amyud, the prince of the sones of Effraym, [No book]
[49]offride a siluerne vessel `to preue encense and siche thingis, peisynge an hundrid and thretti siclis, a siluerne viol, hauynge seuenti siclis at the weiyte of seyntuarie, euer either ful of flour spreynt togidere with oyle, in to sacrifice; a goldun morter, [No book]
[50]peisynge ten siclis, ful of encense; [No book]
[51]an oxe of the drooue, and a ram, and a lomb of o yeer, in to [No book]
[52]brent sacrifice; and a `buc of geet, for synne. [No book]
[53]And in to sacrifices of pesible thingis he offride tweyne oxun, fyue rammes, fyue `buckis of geet, fyue lambren of o yeer. This was the offryng of Elisama, the sone of Amyud. [No book]
[54]In the eiytthe dai Gamaliel, the sone of Fadussur, the prince of the sones of Manasses, [No book]
[55]offride a siluerne vessel `to preue encense and siche thingis, peisynge an hundrid and thretti syclis, a siluerne viole, hauynge seuenti siclis at the weiyte of seyntuarie, euer eithir ful of flour spreynt togidere with oile, in to sacrifice; a goldun morter, [No book]
[56]peisynge ten siclis, ful of encense; [No book]
[57]an oxe of the drooue, and a ram, and a lomb of o yeer, in to brent [No book]
[58]sacrifice; and a `buc of geet, for synne. [No book]
[59]And in to sacrificis of pesible thingis he offride tweyne oxun, fyue rammes, fyue `buckis of geet, fyue lambren of o yeer. This was the offryng of Gamaliel, the sone of Fadussur. [No book]
[60]In the nynthe dai Abidan, the sone of Gedeon, the prince of the sones of Beniamyn, [No book]
[61]offeride a siluerne vessel `to preue encense and siche thingis, peisynge an hundrid and thretti siclis, a siluerne viol, hauynge seuenti siclis at the weiyte of seyntuarie, euer eithir ful of flour sprent togidere with oile, in to sacrifice; [No book]
[62]a goldun morter, peisynge ten siclis, ful of encense; an oxe of the drooue, [No book]
[63]and a ram, and a lomb of o yeer in to brent sacrifice; [No book]
[64]and a `buc of geet, for synne. [No book]
[65]And in to sacrifice of pesible thingis he offride tweyne oxun, fyue rammes, fyue `buckis of geet, fyue lambren of o yeer. This was the offryng of Abidan, the sone of Gedeon. [No book]
[66]In the tenthe dai Abiezer, the sone of Amysaddai, the prince of the sones of Dan, [No book]
[67]offride a siluerne vessel `to preue encense and siche thingis, peisynge an hundrid and thretti siclis, a siluerne viol, hauynge seuenti siclis at the weiyte of seyntuarie, euer ethir ful of flour spreynt to gidere with oile in to sacrifice; [No book]
[68]a goldun morter, peisynge ten siclis, ful of encense; [No book]
[69]an oxe of the drooue, and a ram, and a lomb of o yeer, in to brent sacrifice; [No book]
[70]and a `buc of geet, for synne. [No book]
[71]And in to sacrifices of pesible thingis he offride tweyne oxun, fyue rammes, fyue `buckis of geet, fyue lambren of o yeer. This was the offryng of Abiezer, the sone of Amysaddai. [No book]
[72]In the enleuenthe dai Phegiel, the sone of Ocran, [No book]
[73]the prince of the sones of Aser, offride a siluerne vessel `to preue encense and siche thingis, peisynge an hundrid and thretti siclis, a siluerne viol, hauynge seuenti siclis at the weiyte of seyntuarie, euer either ful of flour spreynt to gidere with oile, in to sacrifice; [No book]
[74]a goldun morter, peisynge ten ciclis, ful of encense; [No book]
[75]an oxe of the drooue, and a ram, and a lomb of o yeer, in to brent sacrifice; [No book]
[76]and a `bucke of geet, for synne. [No book]
[77]And in to sacrifices of pesyble thingis he offride tweyne oxun, fyue rammes, fyue `buckis of geet, fyue lambren of o yeer. This was the offryng of Phegiel, the sone of Ochran. [No book]
[78]In the tweluethe dai Ahira, the sone of Enan, the prince of the sones of Neptalym, [No book]
[79]offride a siluerne vessel `to preue encense and siche thingis, peisynge an hundrid and thetti siclis, a siluerne viol, hauynge seuenti siclis at the weiyte of seyntuarie, euer eithir ful of flour spreynt to gidere with oile, in to sacrifice; [No book]
[80]a goldun morter, peisynge ten siclis, ful of encense; [No book]
[81]an oxe of the drooue, and a ram, and a lomb of o yeer, in to brent sacrifice; [No book]
[82]and a `buc of geet, for synne. [No book]
[83]And in to sacrifices of pesible thingis he offride tweyne oxun, fyue rammes, fyue `buckis of geet, fyue lambren of o yeer. This was the offryng of Haira, the sone of Henan. [No book]
[84]These thingis weren offrid of the sones of Israel, in the halewyng of the auter, in the dai in which it was halewid; siluerne vessels `to preue, encense and siche thingis twelue, siluerne viols twelue, goldun morteris twelue; [No book]
[85]so that o vessel `to preue encense and siche thingis hadde an hundrid and thretti siclis `of siluer, and o viol hadde seuenti siclis, that is, in comyn, two thousynde and foure hundrid siclis of alle the `vessels of siluer, bi the weiyte of seyntuarie; [No book]
[86]goldun morteris twelue, ful of encense, peisynge ten siclis bi the weiyte of seyntuarie, that is to gidere an hundrid and twenti siclis of gold; [No book]
[87]oxun of the drooue in to brent sacrifice twelue, twelue rammes, twelue lambren of o yeer, and the fletynge sacryfices `of tho, twelue `buckis of geet for synne; [No book]
[88]the sacrifices of pesible thingis, foure and twenti oxun, sexty rammes, sexti `buckis of geet, sixti lambren of o yeer. These thingis weren offrid in the halewyng of the auter, whanne it was anoyntid. [No book]
[89]And whanne Moyses entride in to the tabernacle of boond of pees, `to axe counsel `of Goddis answeryng place, he herde the vois of God spekynge to hym fro `the propiciatorie, which was on the arke of witnessyng, bitwixe twei cherubyns, fro whennus also God spak to Moises. [No book]
Author: John Wycliffe (1328 – 1384)
Top