«
Vulgata Clementina (1592)
Vul
Westminster Leningrad Codex
WLC
[1]Itaque fratres mei carissimi, et desideratissimi, gaudium meum, et corona mea: sic state in Domino, carissimi. [No book]
[2]Evodiam rogo, et Syntychen deprecor, idipsum sapere in Domino. [No book]
[3]Etiam rogo et te, germane compar, adjuva illas, quæ mecum laboraverunt in Evangelio cum Clemente, et ceteris adjutoribus meis, quorum nomina sunt in libro vitæ. [No book]
[4]Gaudete in Domino semper: iterum dico gaudete. [No book]
[5]Modestia vestra nota sit omnibus hominibus: Dominus prope est. [No book]
[6]Nihil solliciti sitis: sed in omni oratione, et obsecratione, cum gratiarum actione petitiones vestræ innotescant apud Deum. [No book]
[7]Et pax Dei, quæ exuperat omnem sensum, custodiat corda vestra, et intelligentias vestras in Christo Jesu. [No book]
[8]De cetero fratres, quæcumque sunt vera, quæcumque pudica, quæcumque justa, quæcumque sancta, quæcumque amabilia, quæcumque bonæ famæ, siqua virtus, siqua laus disciplinæ, hæc cogitate. [No book]
[9]Quæ et didicistis, et accepistis, et audistis, et vidistis in me, hæc agite: et Deus pacis erit vobiscum. [No book]
[10]Gavisus sum autem in Domino vehementer, quoniam tandem aliquando refloruistis pro me sentire, sicut et sentiebatis: occupati autem eratis. [No book]
[11]Non quasi propter penuriam dico: ego enim didici, in quibus sum, sufficiens esse. [No book]
[12]Scio et humiliari, scio et abundare (ubique et in omnibus institutus sum): et satiari, et esurire, et abundare, et penuriam pati. [No book]
[13]Omnia possum in eo qui me confortat. [No book]
[14]Verumtamen bene fecistis, communicantes tribulationi meæ. [No book]
[15]Scitis autem et vos Philippenses, quod in principio Evangelii, quando profectus sum a Macedonia, nulla mihi ecclesia communicavit in ratione dati et accepti, nisi vos soli: [No book]
[16]quia et Thessalonicam semel et bis in usum mihi misistis. [No book]
[17]Non quia quæro datum, sed requiro fructum abundantem in ratione vestra. [No book]
[18]Habeo autem omnia, et abundo: repletus sum, acceptis ab Epaphrodito quæ misistis odorem suavitatis, hostiam acceptam, placentem Deo. [No book]
[19]Deus autem meus impleat omne desiderium vestrum secundum divitias suas in gloria in Christo Jesu. [No book]
[20]Deo autem et Patri nostro gloria in sæcula sæculorum. Amen. [No book]
[21]Salutate omnem sanctum in Christo Jesu. [No book]
[22]Salutant vos, qui mecum sunt, fratres. Salutant vos omnes sancti, maxime autem qui de Cæsaris domo sunt. [No book]
[23]Gratia Domini nostri Jesu Christi cum spiritu vestro. Amen. [No book]
Source: unbound.biola.edu
Source: unbound.biola.edu

See information...
Top