|
|
| [1]The parablis of Salomon, the sone of Dauid, king of Israel; |
[No book] |
| [2]to kunne wisdom and kunnyng; |
[No book] |
| [3]to vndurstonde the wordis of prudence; and to take the lernyng of teching; to take riytfulnesse, and dom, and equyte; |
[No book] |
| [4]that felnesse be youun to litle children, and kunnyng, and vndurstonding to a yong wexynge man. |
[No book] |
| [5]A wise man heringe schal be wisere; and a man vndurstondinge schal holde gouernails. |
[No book] |
| [6]He schal perseyue a parable, and expownyng; the wordis of wise men, and the derk figuratif spechis of hem. |
[No book] |
| [7]The drede of the Lord is the bigynning of wisdom; foolis dispisen wisdom and teching. |
[No book] |
| [8]My sone, here thou the teching of thi fadir, and forsake thou not the lawe of thi modir; |
[No book] |
| [9]that grace be addid, ethir encreessid, to thin heed, and a bie to thi necke. |
[No book] |
| [10]Mi sone, if synneris flateren thee, assente thou not to hem. |
[No book] |
| [11]If thei seien, Come thou with vs, sette we aspies to blood, hide we snaris of disseitis ayens an innocent without cause; |
[No book] |
| [12]swolowe we him, as helle swolowith a man lyuynge; and al hool, as goynge doun in to a lake; we schulen fynde al preciouse catel, |
[No book] |
| [13]we schulen fille oure housis with spuylis; sende thou lot with vs, |
[No book] |
| [14]o purs be of vs alle; |
[No book] |
| [15]my sone, go thou not with hem; forbede thi foot fro the pathis of hem. |
[No book] |
| [16]For the feet of hem rennen to yuel; and thei hasten to schede out blood. |
[No book] |
| [17]But a net is leid in veyn bifore the iyen of briddis, that han wengis. |
[No book] |
| [18]Also `thilke wickid disseyueris setten aspies ayens her owne blood; and maken redi fraudis ayens her soulis. |
[No book] |
| [19]So the pathis of ech auerouse man rauyschen the soulis of hem that welden. |
[No book] |
| [20]Wisdom prechith with outforth; in stretis it yyueth his vois. |
[No book] |
| [21]It crieth ofte in the heed of cumpenyes; in the leeues of yatis of the citee it bringith forth hise wordis, |
[No book] |
| [22]and seith, Hou long, ye litle men in wit, louen yong childhod, and foolis schulen coueyte tho thingis, that ben harmful to hem silf, and vnprudent men schulen hate kunnyng? |
[No book] |
| [23]Be ye conuertid at my repreuyng; lo, Y schal profre forth to you my spirit, and Y schal schewe my wordis. |
[No book] |
| [24]For Y clepide, and ye forsoken; Y helde forth myn hond, and noon was that bihelde. |
[No book] |
| [25]Ye dispisiden al my councel; and chargiden not my blamyngis. |
[No book] |
| [26]And Y schal leiye in youre perisching; and Y schal scorne you, whanne that, that ye dreden, cometh to you. |
[No book] |
| [27]Whanne sodeyne wretchidnesse fallith in, and perisching bifallith as tempest; whanne tribulacioun and angwisch cometh on you. |
[No book] |
| [28]Thanne thei schulen clepe me, and Y schal not here; thei schulen rise eerli, and thei schulen not fynde me. |
[No book] |
| [29]For thei hatiden teching, and thei token not the drede of the Lord, |
[No book] |
| [30]nether assentiden to my councel, and depraueden al myn amendyng. |
[No book] |
| [31]Therfor thei schulen ete the fruytis of her weie; and thei schulen be fillid with her counseils. |
[No book] |
| [32]The turnyng awei of litle men in wit schal sle hem; and the prosperite of foolis schal leese hem. |
[No book] |
| [33]But he that herith me, schal reste with outen drede; and he schal vse abundaunce, whanne the drede of yuels is takun awei. |
[No book] |