|
|
| [1]Hominis est animam præparare, et Domini gubernare linguam. |
[No book] |
| [2]Omnes viæ hominis patent oculis ejus; spirituum ponderator est Dominus. |
[No book] |
| [3]Revela Domino opera tua, et dirigentur cogitationes tuæ. |
[No book] |
| [4]Universa propter semetipsum operatus est Dominus; impium quoque ad diem malum. |
[No book] |
| [5]Abominatio Domini est omnis arrogans; etiamsi manus ad manum fuerit, non est innocens. Initium viæ bonæ facere justitiam; accepta est autem apud Deum magis quam immolare hostias. |
[No book] |
| [6]Misericordia et veritate redimitur iniquitas, et in timore Domini declinatur a malo. |
[No book] |
| [7]Cum placuerint Domino viæ hominis, inimicos quoque ejus convertet ad pacem. |
[No book] |
| [8]Melius est parum cum justitia, quam multi fructus cum iniquitate. |
[No book] |
| [9]Cor hominis disponit viam suam, sed Domini est dirigere gressus ejus. |
[No book] |
| [10]Divinatio in labiis regis; in judicio non errabit os ejus. |
[No book] |
| [11]Pondus et statera judicia Domini sunt, et opera ejus omnes lapides sacculi. |
[No book] |
| [12]Abominabiles regi qui agunt impie, quoniam justitia firmatur solium. |
[No book] |
| [13]Voluntas regum labia justa; qui recta loquitur diligetur. |
[No book] |
| [14]Indignatio regis nuntii mortis, et vir sapiens placabit eam. |
[No book] |
| [15]In hilaritate vultus regis vita, et clementia ejus quasi imber serotinus. |
[No book] |
| [16]Posside sapientiam, quia auro melior est, et acquire prudentiam, quia pretiosior est argento. |
[No book] |
| [17]Semita justorum declinat mala; custos animæ suæ servat viam suam. |
[No book] |
| [18]Contritionem præcedit superbia, et ante ruinam exaltatur spiritus. |
[No book] |
| [19]Melius est humiliari cum mitibus, quam dividere spolia cum superbis. |
[No book] |
| [20]Eruditus in verbo reperiet bona, et qui sperat in Domino beatus est. |
[No book] |
| [21]Qui sapiens est corde appellabitur prudens, et qui dulcis eloquio majora percipiet. |
[No book] |
| [22]Fons vitæ eruditio possidentis; doctrina stultorum fatuitas. |
[No book] |
| [23]Cor sapientis erudiet os ejus, et labiis ejus addet gratiam. |
[No book] |
| [24]Favus mellis composita verba; dulcedo animæ sanitas ossium. |
[No book] |
| [25]Est via quæ videtur homini recta, et novissima ejus ducunt ad mortem. |
[No book] |
| [26]Anima laborantis laborat sibi, quia compulit eum os suum. |
[No book] |
| [27]Vir impius fodit malum, et in labiis ejus ignis ardescit. |
[No book] |
| [28]Homo perversus suscitat lites, et verbosus separat principes. |
[No book] |
| [29]Vir iniquus lactat amicum suum, et ducit eum per viam non bonam. |
[No book] |
| [30]Qui attonitis oculis cogitat prava, mordens labia sua perficit malum. |
[No book] |
| [31]Corona dignitatis senectus, quæ in viis justitiæ reperietur. |
[No book] |
| [32]Melior est patiens viro forti; et qui dominatur animo suo, expugnatore urbium. |
[No book] |
| [33]Sortes mittuntur in sinum, sed a Domino temperantur. |
[No book] |