|
|
| [1]Melior est pauper qui ambulat in simplicitate sua quam dives torquens labia sua, et insipiens. |
[No book] |
| [2]Ubi non est scientia animæ, non est bonum, et qui festinus est pedibus offendet. |
[No book] |
| [3]Stultitia hominis supplantat gressus ejus, et contra Deum fervet animo suo. |
[No book] |
| [4]Divitiæ addunt amicos plurimos; a paupere autem et hi quos habuit separantur. |
[No book] |
| [5]Testis falsus non erit impunitus, et qui mendacia loquitur non effugiet. |
[No book] |
| [6]Multi colunt personam potentis, et amici sunt dona tribuentis. |
[No book] |
| [7]Fratres hominis pauperis oderunt eum; insuper et amici procul recesserunt ab eo. Qui tantum verba sectatur nihil habebit; |
[No book] |
| [8]qui autem possessor est mentis diligit animam suam, et custos prudentiæ inveniet bona. |
[No book] |
| [9]Falsus testis non erit impunitus, et qui loquitur mendacia peribit. |
[No book] |
| [10]Non decent stultum deliciæ, nec servum dominari principibus. |
[No book] |
| [11]Doctrina viri per patientiam noscitur, et gloria ejus est iniqua prætergredi. |
[No book] |
| [12]Sicut fremitus leonis, ita et regis ira, et sicut ros super herbam, ita et hilaritas ejus. |
[No book] |
| [13]Dolor patris filius stultus, et tecta jugiter perstillantia litigiosa mulier. |
[No book] |
| [14]Domus et divitiæ dantur a parentibus; a Domino autem proprie uxor prudens. |
[No book] |
| [15]Pigredo immittit soporem, et anima dissoluta esuriet. |
[No book] |
| [16]Qui custodit mandatum custodit animam suam; qui autem negligit viam suam mortificabitur. |
[No book] |
| [17]Fœneratur Domino qui miseretur pauperis, et vicissitudinem suam reddet ei. |
[No book] |
| [18]Erudi filium tuum; ne desperes: ad interfectionem autem ejus ne ponas animam tuam. |
[No book] |
| [19]Qui impatiens est sustinebit damnum, et cum rapuerit, aliud apponet. |
[No book] |
| [20]Audi consilium, et suscipe disciplinam, ut sis sapiens in novissimis tuis. |
[No book] |
| [21]Multæ cogitationes in corde viri; voluntas autem Domini permanebit. |
[No book] |
| [22]Homo indigens misericors est, et melior est pauper quam vir mendax. |
[No book] |
| [23]Timor Domini ad vitam, et in plenitudine commorabitur absque visitatione pessima. |
[No book] |
| [24]Abscondit piger manum suam sub ascella, nec ad os suum applicat eam. |
[No book] |
| [25]Pestilente flagellato stultus sapientior erit; si autem corripueris sapientem, intelliget disciplinam. |
[No book] |
| [26]Qui affligit patrem, et fugat matrem, ignominiosus est et infelix. |
[No book] |
| [27]Non cesses, fili, audire doctrinam, nec ignores sermones scientiæ. |
[No book] |
| [28]Testis iniquus deridet judicium, et os impiorum devorat iniquitatem. |
[No book] |
| [29]Parata sunt derisoribus judicia, et mallei percutientes stultorum corporibus. |
[No book] |