|
|
| [1]Melius est nomen bonum quam divitiæ multæ; super argentum et aurum gratia bona. |
[No book] |
| [2]Dives et pauper obviaverunt sibi: utriusque operator est Dominus. |
[No book] |
| [3]Callidus vidit malum, et abscondit se; innocens pertransiit, et afflictus est damno. |
[No book] |
| [4]Finis modestiæ timor Domini, divitiæ, et gloria, et vita. |
[No book] |
| [5]Arma et gladii in via perversi; custos autem animæ suæ longe recedit ab eis. |
[No book] |
| [6]Proverbium est: adolescens juxta viam suam; etiam cum senuerit, non recedet ab ea. |
[No book] |
| [7]Dives pauperibus imperat, et qui accipit mutuum servus est fœnerantis. |
[No book] |
| [8]Qui seminat iniquitatem metet mala, et virga iræ suæ consummabitur. |
[No book] |
| [9]Qui pronus est ad misericordiam benedicetur, de panibus enim suis dedit pauperi. Victoriam et honorem acquiret qui dat munera; animam autem aufert accipientium. |
[No book] |
| [10]Ejice derisorem, et exibit cum eo jurgium, cessabuntque causæ et contumeliæ. |
[No book] |
| [11]Qui diligit cordis munditiam, propter gratiam labiorum suorum habebit amicum regem. |
[No book] |
| [12]Oculi Domini custodiunt scientiam, et supplantantur verba iniqui. |
[No book] |
| [13]Dicit piger: Leo et foris, in medio platearum occidendus sum. |
[No book] |
| [14]Fovea profunda os alienæ; cui iratus est Dominus, incidet in eam. |
[No book] |
| [15]Stultitia colligata est in corde pueri, et virga disciplinæ fugabit eam. |
[No book] |
| [16]Qui calumniatur pauperem ut augeat divitias suas, dabit ipse ditiori, et egebit. |
[No book] |
| [17]Inclina aurem tuam, et audi verba sapientium, appone autem cor ad doctrinam meam: |
[No book] |
| [18]quæ pulchra erit tibi cum servaveris eam in ventre tuo, et redundabit in labiis tuis; |
[No book] |
| [19]ut sit in Domino fiducia tua: unde et ostendi eam tibi hodie. |
[No book] |
| [20]Ecce descripsi eam tibi tripliciter, in cogitationibus et scientia; |
[No book] |
| [21]ut ostenderem tibi firmitatem et eloquia veritatis, respondere ex his illis qui miserunt te. |
[No book] |
| [22]Non facias violentiam pauperi quia pauper est, neque conteras egenum in porta; |
[No book] |
| [23]quia judicabit Dominus causam ejus, et configet eos qui confixerunt animam ejus. |
[No book] |
| [24]Noli esse amicus homini iracundo, neque ambules cum viro furioso; |
[No book] |
| [25]ne forte discas semitas ejus, et sumas scandalum animæ tuæ. |
[No book] |
| [26]Noli esse cum his qui defigunt manus suas, et qui vades se offerunt pro debitis; |
[No book] |
| [27]si enim non habes unde restituas, quid causæ est ut tollat operimentum de cubili tuo? |
[No book] |
| [28]Ne transgrediaris terminos antiquos, quos posuerunt patres tui. |
[No book] |
| [29]Vidisti virum velocem in opere suo? coram regibus stabit, nec erit ante ignobiles. |
[No book] |