|
|
| [1]Sicut divisiones aquarum, ita cor regis in manu Domini; quocumque voluerit inclinabit illud. |
[No book] |
| [2]Omnis via viri recta sibi videtur, appendit autem corda Dominus. |
[No book] |
| [3]Facere misericordiam et judicium magis placet Domino quam victimæ. |
[No book] |
| [4]Exaltatio oculorum est dilatatio cordis; lucerna impiorum peccatum. |
[No book] |
| [5]Cogitationes robusti semper in abundantia, omnis autem piger semper in egestate est. |
[No book] |
| [6]Qui congregat thesauros lingua mendacii vanus et excors est, et impingetur ad laqueos mortis. |
[No book] |
| [7]Rapinæ impiorum detrahent eos, quia noluerunt facere judicium. |
[No book] |
| [8]Perversa via viri aliena est; qui autem mundus est, rectum opus ejus. |
[No book] |
| [9]Melius est sedere in angulo domatis, quam cum muliere litigiosa, et in domo communi. |
[No book] |
| [10]Anima impii desiderat malum: non miserebitur proximo suo. |
[No book] |
| [11]Mulctato pestilente, sapientior erit parvulus, et si sectetur sapientem, sumet scientiam. |
[No book] |
| [12]Excogitat justus de domo impii, ut detrahat impios a malo. |
[No book] |
| [13]Qui obturat aurem suam ad clamorem pauperis, et ipse clamabit, et non exaudietur. |
[No book] |
| [14]Munus absconditum extinguit iras, et donum in sinu indignationem maximam. |
[No book] |
| [15]Gaudium justo est facere judicium, et pavor operantibus iniquitatem. |
[No book] |
| [16]Vir qui erraverit a via doctrinæ in cœtu gigantum commorabitur. |
[No book] |
| [17]Qui diligit epulas in egestate erit; qui amat vinum et pinguia non ditabitur. |
[No book] |
| [18]Pro justo datur impius, et pro rectis iniquus. |
[No book] |
| [19]Melius est habitare in terra deserta, quam cum muliere rixosa et iracunda. |
[No book] |
| [20]Thesaurus desiderabilis, et oleum in habitaculo justi: et imprudens homo dissipabit illud. |
[No book] |
| [21]Qui sequitur justitiam et misericordiam inveniet vitam, justitiam, et gloriam. |
[No book] |
| [22]Civitatem fortium ascendit sapiens, et destruxit robur fiduciæ ejus. |
[No book] |
| [23]Qui custodit os suum et linguam suam custodit ab angustiis animam suam. |
[No book] |
| [24]Superbus et arrogans vocatur indoctus, qui in ira operatur superbiam. |
[No book] |
| [25]Desideria occidunt pigrum: noluerunt enim quidquam manus ejus operari. |
[No book] |
| [26]Tota die concupiscit et desiderat; qui autem justus est tribuet, et non cessabit. |
[No book] |
| [27]Hostiæ impiorum abominabiles, quia offeruntur ex scelere. |
[No book] |
| [28]Testis mendax peribit; vir obediens loquetur victoriam. |
[No book] |
| [29]Vir impius procaciter obfirmat vultum suum; qui autem rectus est corrigit viam suam. |
[No book] |
| [30]Non est sapientia, non est prudentia, non est consilium contra Dominum. |
[No book] |
| [31]Equus paratur ad diem belli; Dominus autem salutem tribuit. |
[No book] |