|
|
| [No book] |
[1]Fili mi, custodi sermones meos, et præcepta mea reconde tibi. |
| [No book] |
[2]Fili, serva mandata mea, et vives; et legem meam quasi pupillam oculi tui: |
| [No book] |
[3]liga eam in digitis tuis, scribe illam in tabulis cordis tui. |
| [No book] |
[4]Dic sapientiæ: Soror mea es, et prudentiam voca amicam tuam: |
| [No book] |
[5]ut custodiant te a muliere extranea, et ab aliena quæ verba sua dulcis facit. |
| [No book] |
[6]De fenestra enim domus meæ per cancellos prospexi, |
| [No book] |
[7]et video parvulos; considero vecordem juvenem, |
| [No book] |
[8]qui transit per plateam juxta angulum et prope viam domus illius graditur: |
| [No book] |
[9]in obscuro, advesperascente die, in noctis tenebris et caligine. |
| [No book] |
[10]Et ecce occurrit illi mulier ornatu meretricio, præparata ad capiendas animas: garrula et vaga, |
| [No book] |
[11]quietis impatiens, nec valens in domo consistere pedibus suis; |
| [No book] |
[12]nunc foris, nunc in plateis, nunc juxta angulos insidians. |
| [No book] |
[13]Apprehensumque deosculatur juvenem, et procaci vultu blanditur, dicens: |
| [No book] |
[14]Victimas pro salute vovi, hodie reddidi vota mea; |
| [No book] |
[15]idcirco egressa sum in occursum tuum, desiderans te videre, et reperi. |
| [No book] |
[16]Intexui funibus lectulum meum, stravi tapetibus pietis ex Ægypto; |
| [No book] |
[17]aspersi cubile meum myrrha, et aloë, et cinnamomo. |
| [No book] |
[18]Veni, inebriemur uberibus, et fruamur cupitis amplexibus donec illucescat dies. |
| [No book] |
[19]Non est enim vir in domo sua: abiit via longissima; |
| [No book] |
[20]sacculum pecuniæ secum tulit; in die plenæ lunæ reversurus est in domum suam. |
| [No book] |
[21]Irretivit eum multis sermonibus, et blanditiis labiorum protraxit illum. |
| [No book] |
[22]Statim eam sequitur quasi bos ductus ad victimam, et quasi agnus lasciviens; et ignorans quod ad vincula stultus trahatur: |
| [No book] |
[23]donec transfigat sagitta jecur ejus; velut si avis festinet ad laqueum, et nescit quod de periculo animæ illius agitur. |
| [No book] |
[24]Nunc ergo, fili mi, audi me, et attende verbis oris mei. |
| [No book] |
[25]Ne abstrahatur in viis illius mens tua, neque decipiaris semitis ejus; |
| [No book] |
[26]multos enim vulneratos dejecit, et fortissimi quique interfecti sunt ab ea. |
| [No book] |
[27]Viæ inferi domus ejus, penetrantes in interiora mortis. |