|
|
| [1]Whether wisdom crieth not ofte; and prudence yyueth his vois? |
[No book] |
| [2]In souereyneste and hiy coppis, aboue the weie, in the myddis of pathis, |
[No book] |
| [3]and it stondith bisidis the yate of the citee, in thilke closyngis, and spekith, and seith, A! |
[No book] |
| [4]ye men, Y crie ofte to you; and my vois is to the sones of men. |
[No book] |
| [5]Litle children, vndirstonde ye wisdom; and ye vnwise men, `perseyue wisdom. |
[No book] |
| [6]Here ye, for Y schal speke of grete thingis; and my lippis schulen be openyd, to preche riytful thingis. |
[No book] |
| [7]My throte schal bithenke treuthe; and my lippis schulen curse a wickid man. |
[No book] |
| [8]My wordis ben iust; no schrewid thing, nether weiward is in tho. |
[No book] |
| [9]`My wordis ben riytful to hem that vndurstonden; and ben euene to hem that fynden kunnyng. |
[No book] |
| [10]Take ye my chastisyng, and not money; chese ye teching more than tresour. |
[No book] |
| [11]For wisdom is betere than alle richessis moost preciouse; and al desirable thing mai not be comparisound therto. |
[No book] |
| [12]Y, wisdom, dwelle in counsel; and Y am among lernyd thouytis. |
[No book] |
| [13]The drede of the Lord hatith yuel; Y curse boost, and pride, and a schrewid weie, and a double tungid mouth. |
[No book] |
| [14]Counseil is myn, and equyte `is myn; prudence is myn, and strengthe `is myn. |
[No book] |
| [15]Kyngis regnen bi me; and the makeris of lawis demen iust thingis bi me. |
[No book] |
| [16]Princis comaunden bi me; and myyti men demen riytfulnesse bi me. |
[No book] |
| [17]I loue hem that louen me; and thei that waken eerli to me, schulen fynde me. |
[No book] |
| [18]With me ben rychessis, and glorie; souereyn richessis, and riytfulnesse. |
[No book] |
| [19]My fruyt is betere than gold, and precyouse stoon; and my seedis ben betere than chosun siluer. |
[No book] |
| [20]Y go in the weies of riytfulnesse, in the myddis of pathis of doom; |
[No book] |
| [21]that Y make riche hem that louen me, and that Y fille her tresouris. |
[No book] |
| [22]The Lord weldide me in the bigynnyng of hise weies; bifore that he made ony thing, at the bigynnyng. |
[No book] |
| [23]Fro with out bigynnyng Y was ordeined; and fro elde tymes, bifor that the erthe was maad. |
[No book] |
| [24]Depthis of watris weren not yit; and Y was conseyued thanne. The wellis of watris hadden not brokun out yit, |
[No book] |
| [25]and hillis stoden not togidere yit bi sad heuynesse; bifor litil hillis Y was born. |
[No book] |
| [26]Yit he hadde not maad erthe; and floodis, and the herris of the world. |
[No book] |
| [27]Whanne he made redi heuenes, Y was present; whanne he cumpasside the depthis of watris bi certeyn lawe and cumpas. |
[No book] |
| [28]Whanne he made stidfast the eir aboue; and weiede the wellis of watris. |
[No book] |
| [29]Whanne he cumpasside to the see his marke; and settide lawe to watris, that tho schulden not passe her coostis. Whanne he peiside the foundementis of erthe; |
[No book] |
| [30]Y was making alle thingis with him. And Y delitide bi alle daies, and pleiede bifore hym in al tyme, |
[No book] |
| [31]and Y pleiede in the world; and my delices ben to be with the sones of men. |
[No book] |
| [32]Now therfor, sones, here ye me; blessid ben thei that kepen my weies. |
[No book] |
| [33]Here ye teching, and be ye wise men; and nile ye caste it awei. |
[No book] |
| [34]Blessid is the man that herith me, and that wakith at my yatis al dai; and kepith at the postis of my dore. |
[No book] |
| [35]He that fyndith me, schal fynde lijf; and schal drawe helthe of the Lord. |
[No book] |
| [36]But he that synneth ayens me, schal hurte his soule; alle that haten me, louen deeth. |
[No book] |