|
|
| [1]The title of the hundrid and thre and fourtithe salm. `A salm. Blessid be my Lord God, that techith myn hondis to werre; and my fyngris to batel. |
[No book] |
| [2]Mi merci, and my refuyt; my takere vp, and my delyuerer. Mi defender, and Y hopide in him; and thou makist suget my puple vnder me. |
[No book] |
| [3]Lord, what is a man, for thou hast maad knowun to him; ether the sone of man, for thou arettist him of sum valu? |
[No book] |
| [4]A man is maad lijk vanyte; hise daies passen as schadow. |
[No book] |
| [5]Lord, bowe doun thin heuenes, and come thou doun; touche thou hillis, and thei schulen make smoke. |
[No book] |
| [6]Leite thou schynyng, and thou schalt scatere hem; sende thou out thin arowis, and thou schalt disturble hem. |
[No book] |
| [7]Sende out thin hond fro an hiy, rauysche thou me out, and delyuere thou me fro many watris; and fro the hond of alien sones. |
[No book] |
| [8]The mouth of which spak vanite; and the riythond of hem is the riyt hond of wickidnesse. |
[No book] |
| [9]God, Y schal synge to thee a new song; I schal seie salm to thee in a sautre of ten stringis. |
[No book] |
| [10]Which yyuest heelthe to kingis; which ayen bouytist Dauid, thi seruaunt, fro the wickid swerd rauische thou out me. |
[No book] |
| [11]And delyuere thou me fro `the hond of alien sones; the mouth of whiche spak vanyte, and the riythond of hem is the riyt hond of wickidnesse. |
[No book] |
| [12]Whose sones ben; as new plauntingis in her yongthe. The douytris of hem ben arayed; ourned about as the licnesse of the temple. |
[No book] |