|
|
| [1]David, cum immutavit vultum suum coram Achimelech, et dimisit eum, et abiit. |
[No book] |
| [2]Benedicam Dominum in omni tempore; semper laus ejus in ore meo. |
[No book] |
| [3]In Domino laudabitur anima mea: audiant mansueti, et lætentur. |
[No book] |
| [4]Magnificate Dominum mecum, et exaltemus nomen ejus in idipsum. |
[No book] |
| [5]Exquisivi Dominum, et exaudivit me; et ex omnibus tribulationibus meis eripuit me. |
[No book] |
| [6]Accedite ad eum, et illuminamini; et facies vestræ non confundentur. |
[No book] |
| [7]Iste pauper clamavit, et Dominus exaudivit eum, et de omnibus tribulationibus ejus salvavit eum. |
[No book] |
| [8]Immittet angelus Domini in circuitu timentium eum, et eripiet eos. |
[No book] |
| [9]Gustate, et videte quoniam suavis est Dominus; beatus vir qui sperat in eo. |
[No book] |
| [10]Timete Dominum, omnes sancti ejus, quoniam non est inopia timentibus eum. |
[No book] |
| [11]Divites eguerunt, et esurierunt; inquirentes autem Dominum non minuentur omni bono. |
[No book] |
| [12]Venite, filii, audite me; timorem Domini docebo vos. |
[No book] |
| [13]Quis est homo qui vult vitam, diligit dies videre bonos? |
[No book] |
| [14]Prohibe linguam tuam a malo, et labia tua ne loquantur dolum. |
[No book] |
| [15]Diverte a malo, et fac bonum; inquire pacem, et persequere eam. |
[No book] |
| [16]Oculi Domini super justos, et aures ejus in preces eorum. |
[No book] |
| [17]Vultus autem Domini super facientes mala, ut perdat de terra memoriam eorum. |
[No book] |
| [18]Clamaverunt justi, et Dominus exaudivit eos; et ex omnibus tribulationibus eorum liberavit eos. |
[No book] |
| [19]Juxta est Dominus iis qui tribulato sunt corde, et humiles spiritu salvabit. |
[No book] |
| [20]Multæ tribulationes justorum; et de omnibus his liberabit eos Dominus. |
[No book] |
| [21]Custodit Dominus omnia ossa eorum: unum ex his non conteretur. |
[No book] |
| [22]Mors peccatorum pessima; et qui oderunt justum delinquent. |
[No book] |
| [23]Redimet Dominus animas servorum suorum, et non delinquent omnes qui sperant in eo. |
[No book] |