|
|
| [1]Psalmus ipsi David. Noli æmulari in malignantibus, neque zelaveris facientes iniquitatem; |
[No book] |
| [2]quoniam tamquam fœnum velociter arescent, et quemadmodum olera herbarum cito decident. |
[No book] |
| [3]Spera in Domino, et fac bonitatem; et inhabita terram, et pasceris in divitiis ejus. |
[No book] |
| [4]Delectare in Domino, et dabit tibi petitiones cordis tui. |
[No book] |
| [5]Revela Domino viam tuam, et spera in eo, et ipse faciet. |
[No book] |
| [6]Et educet quasi lumen justitiam tuam, et judicium tuum tamquam meridiem. |
[No book] |
| [7]Subditus esto Domino, et ora eum. Noli æmulari in eo qui prosperatur in via sua, in homine faciente injustitias. |
[No book] |
| [8]Desine ab ira, et derelinque furorem; noli æmulari ut maligneris. |
[No book] |
| [9]Quoniam qui malignantur exterminabuntur; sustinentes autem Dominum, ipsi hæreditabunt terram. |
[No book] |
| [10]Et adhuc pusillum, et non erit peccator; et quæres locum ejus, et non invenies. |
[No book] |
| [11]Mansueti autem hæreditabunt terram, et delectabuntur in multitudine pacis. |
[No book] |
| [12]Observabit peccator justum, et stridebit super eum dentibus suis. |
[No book] |
| [13]Dominus autem irridebit eum, quoniam prospicit quod veniet dies ejus. |
[No book] |
| [14]Gladium evaginaverunt peccatores, intenderunt arcum suum, ut dejiciant pauperem et inopem, ut trucident rectos corde. |
[No book] |
| [15]Gladius eorum intret in corda ipsorum, et arcus eorum confringatur. |
[No book] |
| [16]Melius est modicum justo, super divitias peccatorum multas; |
[No book] |
| [17]quoniam brachia peccatorum conterentur, confirmat autem justos Dominus. |
[No book] |
| [18]Novit Dominus dies immaculatorum, et hæreditas eorum in æternum erit. |
[No book] |
| [19]Non confundentur in tempore malo, et in diebus famis saturabuntur, |
[No book] |
| [20]quia peccatores peribunt. Inimici vero Domini mox ut honorificati fuerint et exaltati, deficientes quemadmodum fumus deficient. |
[No book] |
| [21]Mutuabitur peccator, et non solvet, justus autem miseretur et tribuet; |
[No book] |
| [22]quia benedicentes ei hæreditabunt terram: maledicentes autem ei disperibunt. |
[No book] |
| [23]Apud Dominum gressus hominis dirigentur; et viam ejus volet. |
[No book] |
| [24]Cum ceciderit, non collidetur, quia Dominus supponit manum suam. |
[No book] |
| [25]Junior fui, etenim senui; et non vidi justum derelictum, nec semen ejus quærens panem. |
[No book] |
| [26]Tota die miseretur et commodat; et semen illius in benedictione erit. |
[No book] |
| [27]Declina a malo, et fac bonum, et inhabita in sæculum sæculi; |
[No book] |
| [28]quia Dominus amat judicium, et non derelinquet sanctos suos; in æternum conservabuntur. Injusti punientur, et semen impiorum peribit. |
[No book] |
| [29]Justi autem hæreditabunt terram, et inhabitabunt in sæculum sæculi super eam. |
[No book] |
| [30]Os justi meditabitur sapientiam, et lingua ejus loquetur judicium. |
[No book] |
| [31]Lex Dei ejus in corde ipsius, et non supplantabuntur gressus ejus. |
[No book] |
| [32]Considerat peccator justum, et quærit mortificare eum. |
[No book] |
| [33]Dominus autem non derelinquet eum in manibus ejus, nec damnabit eum cum judicabitur illi. |
[No book] |
| [34]Exspecta Dominum, et custodi viam ejus; et exaltabit te ut hæreditate capias terram; cum perierint peccatores, videbis. |
[No book] |
| [35]Vidi impium superexaltatum, et elevatum sicut cedros Libani; |
[No book] |
| [36]et transivi, et ecce non erat; et quæsivi eum, et non est inventus locus ejus. |
[No book] |
| [37]Custodi innocentiam, et vide æquitatem, quoniam sunt reliquiæ homini pacifico. |
[No book] |
| [38]Injusti autem disperibunt simul; reliquiæ impiorum interibunt. |
[No book] |
| [39]Salus autem justorum a Domino; et protector eorum in tempore tribulationis. |
[No book] |
| [40]Et adjuvabit eos Dominus, et liberabit eos; et eruet eos a peccatoribus, et salvabit eos, quia speraverunt in eo. |
[No book] |