Electronic Study Bible

➖ »	« ➖ ➕
Aleppo Codex (~920) Alep	Biblia Hebraica Stuttgartensia (1977) BHS
← Psalms Psa 4 →
[1]למנצח בנגינות מזמור לדוד	[1]לַמְנַצֵּחַ בִּנְגִינֹות מִזְמֹור לְדָוִד׃
[2]בקראי ענני אלהי צדקי־בצר הרחבת לי חנני ושמע תפלתי	[2]בְּקָרְאִי עֲנֵנִי אֱלֹהֵי צִדְקִי בַּצָּר הִרְחַבְתָּ לִּי חָנֵּנִי וּשְׁמַע תְּפִלָּתִי׃
[3]בני איש עד־מה כבודי לכלמה־תאהבון ריק תבקשו כזב סלה	[3]בְּנֵי אִישׁ עַד־מֶה כְבֹודִי לִכְלִמָּה תֶּאֱהָבוּן רִיק תְּבַקְשׁוּ כָזָב סֶלָה׃
[4]ודעו־כי־הפלה יהוה חסיד לו יהוה ישמע בקראי אליו	[4]וּדְעוּ כִּי־הִפְלָה יְהוָה חָסִיד לֹו יְהוָה יִשְׁמַע בְּקָרְאִי אֵלָיו׃
[5]רגזו ואל־תחטאו אמרו בלבבכם על־משכבכם ודמו סלה	[5]רִגְזוּ וְאַל־תֶּחֱטָאוּ אִמְרוּ בִלְבַבְכֶם עַל־מִשְׁכַּבְכֶם וְדֹמּוּ סֶלָה׃
[6]זבחו זבחי־צדק ובטחו אל־יהוה	[6]זִבְחוּ זִבְחֵי־צֶדֶק וּבִטְחוּ אֶל־יְהוָה׃
[7]רבים אמרים מי־יראנו־טוב נסה עלינו אור פניך יהוה	[7]רַבִּים אֹמְרִים מִי־יַרְאֵנוּ טֹוב נְסָה־עָלֵינוּ אֹור פָּנֶיךָ יְהוָה׃
[8]נתתה שמחה בלבי מעת דגנם ותירושם רבו	[8]נָתַתָּה שִׂמְחָה בְלִבִּי מֵעֵת דְּגָנָם וְתִירֹושָׁם רָבּוּ׃
[9]בשלום יחדו אשכבה ואישן כי־אתה יהוה לבדד לבטח תושיבני	[9]בְּשָׁלֹום יַחְדָּו אֶשְׁכְּבָה וְאִישָׁן כִּי־אַתָּה יְהוָה לְבָדָד לָבֶטַח תֹּושִׁיבֵנִי׃
Source: unbound.biola.edu	Source: unbound.biola.edu See information...