➖ »
«
➖ ➕
Biblia Hebraica Stuttgartensia (1977)
BHS
Aleppo Codex (~920)
Alep
←
Psalms
Psa
4
→
[1]לַמְנַצֵּחַ בִּנְגִינֹות מִזְמֹור לְדָוִד׃ [1]למנצח בנגינות מזמור לדוד
[2]בְּקָרְאִי עֲנֵנִי אֱלֹהֵי צִדְקִי בַּצָּר הִרְחַבְתָּ לִּי חָנֵּנִי וּשְׁמַע תְּפִלָּתִי׃ [2]בקראי ענני אלהי צדקי־בצר הרחבת לי חנני ושמע תפלתי
[3]בְּנֵי אִישׁ עַד־מֶה כְבֹודִי לִכְלִמָּה תֶּאֱהָבוּן רִיק תְּבַקְשׁוּ כָזָב סֶלָה׃ [3]בני איש עד־מה כבודי לכלמה־תאהבון ריק תבקשו כזב סלה
[4]וּדְעוּ כִּי־הִפְלָה יְהוָה חָסִיד לֹו יְהוָה יִשְׁמַע בְּקָרְאִי אֵלָיו׃ [4]ודעו־כי־הפלה יהוה חסיד לו יהוה ישמע בקראי אליו
[5]רִגְזוּ וְאַל־תֶּחֱטָאוּ אִמְרוּ בִלְבַבְכֶם עַל־מִשְׁכַּבְכֶם וְדֹמּוּ סֶלָה׃ [5]רגזו ואל־תחטאו אמרו בלבבכם על־משכבכם ודמו סלה
[6]זִבְחוּ זִבְחֵי־צֶדֶק וּבִטְחוּ אֶל־יְהוָה׃ [6]זבחו זבחי־צדק ובטחו אל־יהוה
[7]רַבִּים אֹמְרִים מִי־יַרְאֵנוּ טֹוב נְסָה־עָלֵינוּ אֹור פָּנֶיךָ יְהוָה׃ [7]רבים אמרים מי־יראנו־טוב נסה עלינו אור פניך יהוה
[8]נָתַתָּה שִׂמְחָה בְלִבִּי מֵעֵת דְּגָנָם וְתִירֹושָׁם רָבּוּ׃ [8]נתתה שמחה בלבי מעת דגנם ותירושם רבו
[9]בְּשָׁלֹום יַחְדָּו אֶשְׁכְּבָה וְאִישָׁן כִּי־אַתָּה יְהוָה לְבָדָד לָבֶטַח תֹּושִׁיבֵנִי׃ [9]בשלום יחדו אשכבה ואישן כי־אתה יהוה לבדד לבטח תושיבני
Source: unbound.biola.edu

See information...
 Source: unbound.biola.edu
Top