|
|
| [1]לַמְנַצֵּחַ אֶל־הַנְּחִילֹות מִזְמֹור לְדָוִד׃ |
[1]למנצח אל־הנחילות מזמור לדוד |
| [2]אֲמָרַי הַאֲזִינָה יְהוָה בִּינָה הֲגִיגִי׃ |
[2]אמרי האזינה יהוה בינה הגיגי |
| [3]הַקְשִׁיבָה לְקֹול שַׁוְעִי מַלְכִּי וֵאלֹהָי כִּי־אֵלֶיךָ אֶתְפַּלָּל׃ |
[3]הקשיבה לקול שועי־מלכי ואלהי כי־אליך אתפלל |
| [4]יְהוָה בֹּקֶר תִּשְׁמַע קֹולִי בֹּקֶר אֶעֱרָךְ־לְךָ וַאֲצַפֶּה׃ |
[4]יהוה־בקר תשמע קולי בקר אערך־לך ואצפה |
| [5]כִּי לֹא אֵל־חָפֵץ רֶשַׁע אָתָּה לֹא יְגֻרְךָ רָע׃ |
[5]כי לא אל חפץ רשע אתה לא יגרך רע |
| [6]לֹא־יִתְיַצְּבוּ הֹולְלִים לְנֶגֶד עֵינֶיךָ שָׂנֵאתָ כָּל־פֹּעֲלֵי אָוֶן׃ |
[6]לא־יתיצבו הוללים לנגד עיניך שנאת כל־פעלי און |
| [7]תְּאַבֵּד דֹּבְרֵי כָזָב אִישׁ־דָּמִים וּמִרְמָה יְתָעֵב יְהוָה׃ |
[7]תאבד דברי כזב איש־דמים ומרמה יתעב יהוה |
| [8]וַאֲנִי בְּרֹב חַסְדְּךָ אָבֹוא בֵיתֶךָ אֶשְׁתַּחֲוֶה אֶל־הֵיכַל־קָדְשְׁךָ בְּיִרְאָתֶךָ׃ |
[8]ואני־ברב חסדך אבוא ביתך אשתחוה אל־היכל־קדשך ביראתך |
| [9]יְהוָה נְחֵנִי בְצִדְקָתֶךָ לְמַעַן שֹׁורְרָי הֹושַׁר [Q: הַיְשַׁר] לְפָנַי דַּרְךֶּךָ׃ |
[9]יהוה נחני בצדקתך־למען שוררי הושר [Q: הישר] לפני דרכך |
| [10]כִּי אֵין בְּפִיהוּ נְכֹונָה קִרְבָּם הַוֹּות קֶבֶר־פָּתוּחַ גְּרֹונָם לְשֹׁונָם יַחֲלִיקוּן׃ |
[10]כי אין בפיהו נכונה־קרבם הוות קבר־פתוח גרנם לשונם יחליקון |
| [11]הַאֲשִׁיםֵם אֱלֹהִים יִפְּלוּ מִמֹּעֲצֹותֵיהֶם בְּרֹב פִּשְׁעֵיהֶם הַדִּיחֵמֹו כִּי־מָרוּ בָךְ׃ |
[11]האשימם אלהים יפלו ממעצותיהם ברב פשעיהם הדיחמו כי־מרו בך |
| [12]וְיִשְׂמְחוּ כָל־חֹוסֵי בָךְ לְעֹולָם יְרַנֵּנוּ וְתָסֵךְ עָלֵימֹו וְיַעְלְצוּ בְךָ אֹהֲבֵי שְׁמֶךָ׃ |
[12]וישמחו כל־חוסי בך לעולם ירננו ותסך עלימו ויעלצו בך אהבי שמך |
| [13]כִּי־אַתָּה תְּבָרֵךְ צַדִּיק יְהוָה כַּצִּנָּה רָצֹון תַּעְטְרֶנּוּ׃ |
[13]כי־אתה תברך צדיק יהוה־כצנה רצון תעטרנו |