|
|
| [No book] |
[1]The title of the nyne and fourtithe salm. The salm of Asaph. God, the Lord of goddis, spak; and clepide the erthe, |
| [No book] |
[2]fro the risynge of the sunne til to the goyng doun. The schap of his fairnesse fro Syon, |
| [No book] |
[3]God schal come opynli; oure God, and he schal not be stille. Fier schal brenne an hiye in his siyt; and a strong tempest in his cumpas. |
| [No book] |
[4]He clepide heuene aboue; and the erthe, to deme his puple. |
| [No book] |
[5]Gadere ye to hym hise seyntis; that ordeynen his testament aboue sacrifices. |
| [No book] |
[6]`And heuenes schulen schewe his riytfulnesse; for God is the iuge. |
| [No book] |
[7]Mi puple, here thou, and Y schal speke to Israel; and Y schal witnesse to thee, Y am God, thi God. |
| [No book] |
[8]I schal not repreue thee in thi sacrifices; and thi brent sacrifices ben euere bifor me. |
| [No book] |
[9]I schal not take calues of thin hows; nethir geet buckis of thi flockis. |
| [No book] |
[10]For alle the wyelde beestis of wodis ben myne; werk beestis, and oxis in hillis. |
| [No book] |
[11]I haue knowe alle the volatils of heuene; and the fairnesse of the feeld is with me. |
| [No book] |
[12]If Y schal be hungry, Y schal not seie to thee; for the world and the fulnesse therof is myn. |
| [No book] |
[13]Whether Y schal eete the fleischis of boolis? ethir schal Y drynke the blood of geet buckis? |
| [No book] |
[14]Offre thou to God the sacrifice of heriyng; and yelde thin avowis to the hiyeste God. |
| [No book] |
[15]And inwardli clepe thou me in the dai of tribulacioun; and Y schal delyuere thee, and thou schalt onoure me. |
| [No book] |
[16]But God seide to the synnere, Whi tellist thou out my riytfulnessis; and takist my testament bi thi mouth? |
| [No book] |
[17]Sotheli thou hatidist lore; and hast cast awey my wordis bihynde. |
| [No book] |
[18]If thou siyest a theef, thou `hast runne with hym; and thou settidist thi part with avowtreris. |
| [No book] |
[19]Thi mouth was plenteuouse of malice; and thi tunge medlide togidere giles. |
| [No book] |
[20]Thou sittynge spakist ayens thi brother, and thou settidist sclaundir ayens the sone of thi modir; |