|
|
| [No book] |
[1]In finem, pro populo qui a sanctis longe factus est. David in tituli inscriptionem, cum tenuerunt eum Allophyli in Geth. |
| [No book] |
[2]Miserere mei, Deus, quoniam conculcavit me homo; tota die impugnans, tribulavit me. |
| [No book] |
[3]Conculcaverunt me inimici mei tota die; quoniam multi bellantes adversum me. |
| [No book] |
[4]Ab altitudine diei timebo: ego vero in te sperabo. |
| [No book] |
[5]In Deo laudabo sermones meos; in Deo speravi; non timebo quid faciat mihi caro. |
| [No book] |
[6]Tota die verba mea execrabantur; adversum me omnes cogitationes eorum in malum. |
| [No book] |
[7]Inhabitabunt, et abscondent; ipsi calcaneum meum observabunt. Sicut sustinuerunt animam meam, |
| [No book] |
[8]pro nihilo salvos facies illos; in ira populos confringes. |
| [No book] |
[9]Deus, vitam meam annuntiavi tibi; posuisti lacrimas meas in conspectu tuo, sicut et in promissione tua; |
| [No book] |
[10]tunc convertentur inimici mei retrorsum: in quacumque die invocavero te, ecce cognovi quoniam Deus meus es. |
| [No book] |
[11]In Deo laudabo verbum; in Domino laudabo sermonem. In Deo speravi: non timebo quid faciat mihi homo. |
| [No book] |
[12]In me sunt, Deus, vota tua, quæ reddam, laudationes tibi: |
| [No book] |
[13]quoniam eripuisti animam meam de morte, et pedes meos de lapsu, ut placeam coram Deo in lumine viventium. |