|
|
| [1]The title of the fyue and fiftithe salm. `In Ebreu thus, To the ouercomyng on the doumb culuer of fer drawing awei, the comely song of Dauid, whanne Filisteis helden hym in Geth. `In Jeroms translacioun thus, To the ouercomer for the doumb culuer, for it yede awei fer. Dauid meke and symple made this salm, whanne Palesteyns helden hym in Geth. |
[No book] |
| [2]God, haue thou merci on me, for a man hath defoulid me; al dai he impugnyde, and troublide me. |
[No book] |
| [3]Myn enemyes defouliden me al dai; for manye fiyteris weren ayens me. |
[No book] |
| [4]Of the hiynesse of dai Y schal drede; but God Y schal hope in thee. |
[No book] |
| [5]In God Y schal preise my wordis; Y hopide in God, Y schal not drede what thing fleisch schal do to me. |
[No book] |
| [6]Al dai thei cursiden my wordis; ayens me alle her thouytis weren in to yuel. |
[No book] |
| [7]Thei schulen dwelle, and schulen hide; thei schulen aspie myn heele. |
[No book] |
| [8]As thei abiden my lijf, for nouyt schalt thou make hem saaf; in ire thou schalt breke togidre puplis. |
[No book] |
| [9]God, Y schewide my lijf to thee; thou hast set my teeris in thi siyt. As and in thi biheest, Lord; |
[No book] |
| [10]thanne myn enemyes schulen be turned abak. In what euere dai Y schal inwardli clepe thee; lo! Y haue knowe, that thou art my God. |
[No book] |
| [11]In God Y schal preise a word; in the Lord Y schal preyse a word. Y schal hope in God; Y schal not drede what thing a man schal do to me. |
[No book] |
| [12]God, thin auowis ben in me; whiche Y schal yelde heriyngis to thee. |
[No book] |
| [13]For thou hast delyuerid my lijf fro deth, and my feet fro slidyng; that Y pleese bifore God in the liyt of hem that lyuen. |
[No book] |
| 14[No verse] |
[No book] |
| 15[No verse] |
[No book] |
| 16[No verse] |
[No book] |
| 17[No verse] |
[No book] |
| 18[No verse] |
[No book] |
| 19[No verse] |
[No book] |
| 20[No verse] |
[No book] |
| 21[No verse] |
[No book] |
| 22[No verse] |
[No book] |
| 23[No verse] |
[No book] |