|
|
| [1]The `title of the two and seuentithe salm. `The salm of Asaph. God of Israel is ful good; to hem that ben of riytful herte. |
[No book] |
| [2]But my feet weren moued almeest; my steppis weren sched out almeest. |
[No book] |
| [3]For Y louede feruentli on wickid men; seynge the pees of synneris. |
[No book] |
| [4]For biholdyng is not to the deth of hem; and stidefastnesse in the sikenesse of hem. |
[No book] |
| [5]Thei ben not in the trauel of men; and thei schulen not be betun with men. |
[No book] |
| [6]Therfore pride helde hem; thei weren hilid with her wickidnesse and vnfeithfulnesse. |
[No book] |
| [7]The wickidnesse of hem cam forth as of fatnesse; thei yeden in to desire of herte. |
[No book] |
| [8]Thei thouyten and spaken weiwardnesse; thei spaken wickidnesse an hiy. |
[No book] |
| [9]Thei puttiden her mouth in to heuene; and her tunge passide in erthe. |
[No book] |
| [10]Therfor my puple schal be conuertid here; and fulle daies schulen be foundun in hem. |
[No book] |
| [11]And thei seiden, How woot God; and whether kunnyng is an heiye, `that is, in heuene? |
[No book] |
| [12]Lo! thilke synneris and hauynge aboundance in the world; helden richessis. |
[No book] |
| [13]And Y seide, Therfor without cause Y iustifiede myn herte; and waischide myn hoondis among innocentis. |
[No book] |
| [14]And Y was betun al dai; and my chastisyng was in morutidis. |
[No book] |
| [15]If Y seide, Y schal telle thus; lo! Y repreuede the nacioun of thi sones. |
[No book] |
| [16]I gesside, that Y schulde knowe this; trauel is bifore me. |
[No book] |
| [17]Til Y entre in to the seyntuarie of God; and vndurstonde in the last thingis of hem. |
[No book] |
| [18]Netheles for gilis thou hast put to hem; thou castidist hem doun, while thei weren reisid. |
[No book] |
| [19]Hou ben thei maad into desolacioun; thei failiden sodeynli, thei perischiden for her wickidnesse. |
[No book] |
| [20]As the dreem of men that risen; Lord, thou schalt dryue her ymage to nouyt in thi citee. |
[No book] |