|
|
| [1]In finem, pro occultis filii. Psalmus David. |
[No book] |
| [2]Confitebor tibi, Domine, in toto corde meo; narrabo omnia mirabilia tua. |
[No book] |
| [3]Lætabor et exsultabo in te; psallam nomini tuo, Altissime. |
[No book] |
| [4]In convertendo inimicum meum retrorsum; infirmabuntur, et peribunt a facie tua. |
[No book] |
| [5]Quoniam fecisti judicium meum et causam meam; sedisti super thronum, qui judicas justitiam. |
[No book] |
| [6]Increpasti gentes, et periit impius: nomen eorum delesti in æternum, et in sæculum sæculi. |
[No book] |
| [7]Inimici defecerunt frameæ in finem, et civitates eorum destruxisti. Periit memoria eorum cum sonitu; |
[No book] |
| [8]et Dominus in æternum permanet. Paravit in judicio thronum suum; |
[No book] |
| [9]et ipse judicabit orbem terræ in æquitate, judicabit populos in justitia. |
[No book] |
| [10]Et factus est Dominus refugium pauperi; adjutor in opportunitatibus, in tribulatione. |
[No book] |
| [11]Et sperent in te qui noverunt nomen tuum, quoniam non dereliquisti quærentes te, Domine. |
[No book] |
| [12]Psallite Domino qui habitat in Sion; annuntiate inter gentes studia ejus, |
[No book] |
| [13]quoniam requirens sanguinem eorum recordatus est; non est oblitus clamorem pauperum. |
[No book] |
| [14]Miserere mei, Domine: vide humilitatem meam de inimicis meis, |
[No book] |
| [15]qui exaltas me de portis mortis, ut annuntiem omnes laudationes tuas in portis filiæ Sion. |
[No book] |
| [16]Exultabo in salutari tuo. Infixæ sunt gentes in interitu quem fecerunt; in laqueo isto quem absconderunt comprehensus est pes eorum. |
[No book] |
| [17]Cognoscetur Dominus judicia faciens; in operibus manuum suarum comprehensus est peccator. |
[No book] |
| [18]Convertantur peccatores in infernum, omnes gentes quæ obliviscuntur Deum. |
[No book] |
| [19]Quoniam non in finem oblivio erit pauperis; patientia pauperum non peribit in finem. |
[No book] |
| [20]Exsurge, Domine; non confortetur homo: judicentur gentes in conspectu tuo. |
[No book] |
| [21]Constitue, Domine, legislatorem super eos, ut sciant gentes quoniam homines sunt. |
[No book] |
| [22]Ut quid, Domine, recessisti longe, despicis in opportunitatibus, in tribulatione? |
[No book] |
| [23]Dum superbit impius, incenditur pauper: comprehenduntur in consiliis quibus cogitant. |
[No book] |
| [24]Quoniam laudatur peccator in desideriis animæ suæ, et iniquus benedicitur. |
[No book] |
| [25]Exacerbavit Dominum peccator, secundum multitudinem iræ suæ, non quæret. |
[No book] |
| [26]Non est Deus in conspectu ejus, inquinatæ sunt viæ illius in omni tempore. Auferuntur judicia tua a facie ejus; omnium inimicorum suorum dominabitur. |
[No book] |
| [27]Dixit enim in corde suo: Non movebor a generatione in generationem, sine malo. |
[No book] |
| [28]Cujus maledictione os plenum est, et amaritudine, et dolo; sub lingua ejus labor et dolor. |
[No book] |
| [29]Sedet in insidiis cum divitibus in occultis, ut interficiat innocentem. |
[No book] |
| [30]Oculi ejus in pauperem respiciunt; insidiatur in abscondito, quasi leo in spelunca sua. Insidiatur ut rapiat pauperem; rapere pauperem dum attrahit eum. |
[No book] |
| [31]In laqueo suo humiliabit eum; inclinabit se, et cadet cum dominatus fuerit pauperum. |
[No book] |
| [32]Dixit enim in corde suo: Oblitus est Deus; avertit faciem suam, ne videat in finem. |
[No book] |
| [33]Exsurge, Domine Deus, exaltetur manus tua; ne obliviscaris pauperum. |
[No book] |
| [34]Propter quid irritavit impius Deum? dixit enim in corde suo: Non requiret. |
[No book] |
| [35]Vides, quoniam tu laborem et dolorem consideras, ut tradas eos in manus tuas. Tibi derelictus est pauper; orphano tu eris adjutor. |
[No book] |
| [36]Contere brachium peccatoris et maligni; quæretur peccatum illius, et non invenietur. |
[No book] |
| [37]Dominus regnabit in æternum, et in sæculum sæculi; peribitis, gentes, de terra illius. |
[No book] |
| [38]Desiderium pauperum exaudivit Dominus; præparationem cordis eorum audivit auris tua, |
[No book] |
| [39]judicare pupillo et humili, ut non apponat ultra magnificare se homo super terram. |
[No book] |