|
|
| [1]Laus cantici David. Qui habitat in adjutorio Altissimi, in protectione Dei cæli commorabitur. |
[No book] |
| [2]Dicet Domino: Susceptor meus es tu et refugium meum; Deus meus, sperabo in eum. |
[No book] |
| [3]Quoniam ipse liberavit me de laqueo venantium, et a verbo aspero. |
[No book] |
| [4]Scapulis suis obumbrabit tibi, et sub pennis ejus sperabis. |
[No book] |
| [5]Scuto circumdabit te veritas ejus: non timebis a timore nocturno; |
[No book] |
| [6]a sagitta volante in die, a negotio perambulante in tenebris, ab incursu, et dæmonio meridiano. |
[No book] |
| [7]Cadent a latere tuo mille, et decem millia a dextris tuis; ad te autem non appropinquabit. |
[No book] |
| [8]Verumtamen oculis tuis considerabis et retributionem peccatorum videbis. |
[No book] |
| [9]Quoniam tu es, Domine, spes mea; Altissimum posuisti refugium tuum. |
[No book] |
| [10]Non accedet ad te malum, et flagellum non appropinquabit tabernaculo tuo. |
[No book] |
| [11]Quoniam angelis suis mandavit de te, ut custodiant te in omnibus viis tuis. |
[No book] |
| [12]In manibus portabunt te, ne forte offendas ad lapidem pedem tuum. |
[No book] |
| [13]Super aspidem et basiliscum ambulabis, et conculcabis leonem et draconem. |
[No book] |
| [14]Quoniam in me speravit, liberabo eum; protegam eum, quoniam cognovit nomen meum. |
[No book] |
| [15]Clamabit ad me, et ego exaudiam eum; cum ipso sum in tribulatione; eripiam eum, et glorificabo eum. |
[No book] |
| [16]Longitudine dierum replebo eum, et ostendam illi salutare meum. |
[No book] |