|
|
| [1]Psalmus ipsi David, quarta sabbati. Deus ultionum Dominus; Deus ultionum libere egit. |
[No book] |
| [2]Exaltare, qui judicas terram, redde retributionem superbis. |
[No book] |
| [3]Usquequo peccatores, Domine, usquequo peccatores gloriabuntur? |
[No book] |
| [4]effabuntur et loquentur iniquitatem, loquentur omnes qui operantur injustitiam? |
[No book] |
| [5]Populum tuum, Domine, humiliaverunt; et hæreditatem tuam vexaverunt. |
[No book] |
| [6]Viduam et advenam interfecerunt, et pupillos occiderunt. |
[No book] |
| [7]Et dixerunt: Non videbit Dominus, nec intelliget Deus Jacob. |
[No book] |
| [8]Intelligite, insipientes in populo; et stulti, aliquando sapite. |
[No book] |
| [9]Qui plantavit aurem non audiet? aut qui finxit oculum non considerat? |
[No book] |
| [10]Qui corripit gentes non arguet, qui docet hominem scientiam? |
[No book] |
| [11]Dominus scit cogitationes hominum, quoniam vanæ sunt. |
[No book] |
| [12]Beatus homo quem tu erudieris, Domine, et de lege tua docueris eum; |
[No book] |
| [13]ut mitiges ei a diebus malis, donec fodiatur peccatori fovea. |
[No book] |
| [14]Quia non repellet Dominus plebem suam, et hæreditatem suam non derelinquet: |
[No book] |
| [15]Quoadusque justitia convertatur in judicium, et qui juxta illam omnes qui recto sunt corde. |
[No book] |
| [16]Quis consurget mihi adversus malignantes? aut quis stabit mecum adversus operantes iniquitatem? |
[No book] |
| [17]Nisi quia Dominus adjuvit me, paulo minus habitasset in inferno anima mea. |
[No book] |
| [18]Si dicebam: Motus est pes meus, misericordia tua, Domine, adjuvabat me. |
[No book] |
| [19]Secundum multitudinem dolorum meorum in corde meo, consolationes tuæ lætificaverunt animam meam. |
[No book] |
| [20]Numquid adhæret tibi sedes iniquitatis, qui fingis laborem in præcepto? |
[No book] |
| [21]Captabunt in animam justi, et sanguinem innocentem condemnabunt. |
[No book] |
| [22]Et factus est mihi Dominus in refugium, et Deus meus in adjutorium spei meæ. |
[No book] |
| [23]Et reddet illis iniquitatem ipsorum, et in malitia eorum disperdet eos; disperdet illos Dominus Deus noster. |
[No book] |