➖ »
«
➖ ➕
Epistle to the Laodiceans (Latin)
Lao[LA]
Vulgata Clementina (1592)
Vul
←
Psalms
Psa
96
→
[No book] [1]Huic David, quando terra ejus restituta est. Dominus regnavit; exsultet terra; lætentur insulæ multæ.
[No book] [2]Nubes et caligo in circuitu ejus; justitia et judicium correctio sedis ejus.
[No book] [3]Ignis ante ipsum præcedet, et inflammabit in circuitu inimicos ejus.
[No book] [4]Illuxerunt fulgura ejus orbi terræ; vidit, et commota est terra.
[No book] [5]Montes sicut cera fluxerunt a facie Domini; a facie Domini omnis terra.
[No book] [6]Annuntiaverunt cæli justitiam ejus; et viderunt omnes populi gloriam ejus.
[No book] [7]Confundantur omnes qui adorant sculptilia, et qui gloriantur in simulacris suis. Adorate eum omnes angeli ejus.
[No book] [8]Audivit, et lætata est Sion; et exsultaverunt filiæ Judæ, propter judicia tua, Domine.
[No book] [9]Quoniam tu Dominus altissimus super omnem terram; nimis exaltatus es super omnes deos.
[No book] [10]Qui diligitis Dominum, odite malum; custodit Dominus animas sanctorum suorum, de manu peccatoris liberabit eos.
[No book] [11]Lux orta est justo, et rectis corde lætitia.
[No book] [12]Lætamini, justi, in Domino, et confitemini memoriæ sanctificationis ejus.
Source: unbound.biola.edu
Top