➖ »
«
➖ ➕
Epistle to the Laodiceans (Latin)
Lao[LA]
Vulgata Clementina (1592)
Vul
←
Psalms
Psa
97
→
[No book] [1]Psalmus ipsi David. Cantate Domino canticum novum, quia mirabilia fecit. Salvavit sibi dextera ejus, et brachium sanctum ejus.
[No book] [2]Notum fecit Dominus salutare suum; in conspectu gentium revelavit justitiam suam.
[No book] [3]Recordatus est misericordiæ suæ, et veritatis suæ domui Israël. Viderunt omnes termini terræ salutare Dei nostri.
[No book] [4]Jubilate Deo, omnis terra; cantate et exsultate, et psallite.
[No book] [5]Psallite Domino in cithara; in cithara et voce psalmi;
[No book] [6]in tubis ductilibus, et voce tubæ corneæ. Jubilate in conspectu regis Domini;
[No book] [7]moveatur mare, et plenitudo ejus; orbis terrarum, et qui habitant in eo.
[No book] [8]Flumina plaudent manu, simul montes exsultabunt
[No book] [9]a conspectu Domini, quoniam venit judicare terram. Judicabit orbem terrarum in justitia, et populos in æquitate.
Source: unbound.biola.edu
Top