|
|
| [1]Omnis anima potestatibus sublimioribus subdita sit: non est enim potestas nisi a Deo: quæ autem sunt, a Deo ordinatæ sunt. |
[No book] |
| [2]Itaque qui resistit potestati, Dei ordinationi resistit. Qui autem resistunt, ipsi sibi damnationem acquirunt: |
[No book] |
| [3]nam principes non sunt timori boni operis, sed mali. Vis autem non timere potestatem? Bonum fac: et habebis laudem ex illa: |
[No book] |
| [4]Dei enim minister est tibi in bonum. Si autem malum feceris, time: non enim sine causa gladium portat. Dei enim minister est: vindex in iram ei qui malum agit. |
[No book] |
| [5]Ideo necessitate subditi estote non solum propter iram, sed etiam propter conscientiam. |
[No book] |
| [6]Ideo enim et tributa præstatis: ministri enim Dei sunt, in hoc ipsum servientes. |
[No book] |
| [7]Reddite ergo omnibus debita: cui tribulatum, tributum: cui vectigal, vectigal: cui timorem, timorem: cui honorem, honorem. |
[No book] |
| [8]Nemini quidquam debeatis, nisi ut invicem diligatis: qui enim diligit proximum, legem implevit. |
[No book] |
| [9]Nam: non adultaberis: non occides: non furaberis: non falsum testimonium dices: non concupisces: et si quod est aliud mandatum, in hoc verbo instauratur: diliges proximum tuum sicut teipsum. |
[No book] |
| [10]Dilectio proximi malum non operatur. Plenitudo ergo legis est dilectio. |
[No book] |
| [11]Et hoc scientes tempus: quia hora est jam nos de somno surgere. Nunc enim propior est nostra salus, quam cum credidimus. |
[No book] |
| [12]Nox præcessit, dies autem appropinquavit. Abjiciamus ergo opera tenebrarum, et induamur arma lucis. |
[No book] |
| [13]Sicut in die honeste ambulemus: non in comessationibus, et ebrietatibus, non in cubilibus, et impudicitiis, non in contentione, et æmulatione: |
[No book] |
| [14]sed induamini Dominum Jesum Christum, et carnis curam ne feceritis in desideriis. |
[No book] |