|
|
| [1]Qui timet Deum faciet bona, et qui continens est justitiæ apprehendet illam: |
[No book] |
| [2]et obviabit illi quasi mater honorificata, et quasi mulier a virginitate suscipiet illum. |
[No book] |
| [3]Cibabit illum pane vitæ et intellectus, et aqua sapientiæ salutaris potabit illum: et firmabitur in illo, et non flectetur: |
[No book] |
| [4]et continebit illum, et non confundetur: et exaltabit illum apud proximos suos, |
[No book] |
| [5]et in medio ecclesiæ aperiet os ejus, et adimplebit illum spiritu sapientiæ et intellectus, et stola gloriæ vestiet illum. |
[No book] |
| [6]Jucunditatem et exsultationem thesaurizabit super illum, et nomine æterno hæreditabit illum. |
[No book] |
| [7]Homines stulti non apprehendent illam, et homines sensati obviabunt illi. Homines stulti non videbunt eam: longe enim abest a superbia et dolo. |
[No book] |
| [8]Viri mendaces non erunt illius memores: et viri veraces invenientur in illa, et successum habebunt usque ad inspectionem Dei. |
[No book] |
| [9]Non est speciosa laus in ore peccatoris, |
[No book] |
| [10]quoniam a Deo profecta est sapientia. Sapientiæ enim Dei astabit laus, et in ore fideli abundabit, et Dominator dabit eam illi. |
[No book] |
| [11]Non dixeris: Per Deum abest: quæ enim odit ne feceris. |
[No book] |
| [12]Non dicas: Ille me implanavit: non enim necessarii sunt ei homines impii. |
[No book] |
| [13]Omne execramentum erroris odit Dominus, et non erit amabile timentibus eum. |
[No book] |
| [14]Deus ab initio constituit hominem, et reliquit illum in manu consilii sui: |
[No book] |
| [15]adjecit mandata et præcepta sua. |
[No book] |
| [16]Si volueris mandata servare, conservabunt te, et in perpetuum fidem placitam facere. |
[No book] |
| [17]Apposuit tibi aquam et ignem, ad quod volueris porrige manum tuam. |
[No book] |
| [18]Ante hominem vita et mors, bonum et malum: quod placuerit ei dabitur illi: |
[No book] |
| [19]quoniam multa sapientia Dei, et fortis in potentia, videns omnes sine intermissione. |
[No book] |
| [20]Oculi Domini ad timentes eum, et ipse agnoscit omnem operam hominis. |
[No book] |
| [21]Nemini mandavit impie agere, et nemini dedit spatium peccandi: |
[No book] |
| [22]non enim concupiscit multitudinem filiorum infidelium et inutilium. |
[No book] |