|
|
| [1]Quam bonum est arguere, quam irasci, et confitentem in oratione non prohibere ! |
[No book] |
| [2]Concupiscentia spadonis devirginabit juvenculam: |
[No book] |
| [3]sic qui facit per vim judicium iniquum. |
[No book] |
| [4]Quam bonum est correptum manifestare pœnitentiam ! sic enim effugies voluntarium peccatum. |
[No book] |
| [5]Est tacens qui invenitur sapiens: et est odibilis qui procax est ad loquendum. |
[No book] |
| [6]Est tacens non habens sensum loquelæ: et est tacens sciens tempus aptum. |
[No book] |
| [7]Homo sapiens tacebit usque ad tempus: lascivus autem et imprudens non servabunt tempus. |
[No book] |
| [8]Qui multis utitur verbis lædet animam suam: et qui potestatem sibi sumit injuste, odietur. |
[No book] |
| [9]Est processio in malis viro indisciplinato, et est inventio in detrimentum. |
[No book] |
| [10]Est datum quod non est utile, et est datum cujus retributio duplex. |
[No book] |
| [11]Est propter gloriam minoratio, et est qui ab humilitate levabit caput. |
[No book] |
| [12]Est qui multa redimat modico pretio, et restituens ea in septuplum. |
[No book] |
| [13]Sapiens in verbis seipsum amabilem facit: gratiæ autem fatuorum effundentur. |
[No book] |
| [14]Datus insipientis non erit utilis tibi: oculi enim illius septemplices sunt. |
[No book] |
| [15]Exigua dabit, et multa improperabit: et apertio oris illius inflammatio est. |
[No book] |
| [16]Hodie fœneratur quis, et cras expetit: odibilis est homo hujusmodi. |
[No book] |
| [17]Fatuo non erit amicus, et non erit gratia bonis illius: |
[No book] |
| [18]qui enim edunt panem illius, falsæ linguæ sunt. Quoties et quanti irridebunt eum ! |
[No book] |
| [19]neque enim quod habendum erat directo sensu distribuit; similiter et quod non erat habendum. |
[No book] |
| [20]Lapsus falsæ linguæ quasi qui in pavimento cadens: sic casus malorum festinanter veniet. |
[No book] |
| [21]Homo acharis quasi fabula vana, in ore indisciplinatorum assidua erit. |
[No book] |
| [22]Ex ore fatui reprobabitur parabola: non enim dicit illam in tempore suo. |
[No book] |
| [23]Est qui vetatur peccare præ inopia, et in requie sua stimulabitur. |
[No book] |
| [24]Est qui perdet animam suam præ confusione, et ab imprudenti persona perdet eam: personæ autem acceptione perdet se. |
[No book] |
| [25]Est qui præ confusione promittit amico, et lucratus est eum inimicum gratis. |
[No book] |
| [26]Opprobrium nequam in homine mendacium: et in ore indisciplinatorum assidue erit. |
[No book] |
| [27]Potior fur quam assiduitas viri mendacis: perditionem autem ambo hæreditabunt. |
[No book] |
| [28]Mores hominum mendacium sine honore, et confusio illorum cum ipsis sine intermissione. |
[No book] |
| [29]Sapiens in verbis producet seipsum, et homo prudens placebit magnatis. |
[No book] |
| [30]Qui operatur terram suam inaltabit acervum frugum, et qui operatur justitiam, ipse exaltabitur: qui vero placet magnatis effugiet iniquitatem. |
[No book] |
| [31]Xenia et dona excæcant oculos judicum, et quasi mutus, in ore avertit correptiones eorum. |
[No book] |
| [32]Sapientia absconsa, et thesaurus invisus, quæ utilitas in utrisque? |
[No book] |
| [33]Melior est qui celat insipientiam suam, quam homo qui abscondit sapientiam suam. |
[No book] |