|
|
| [1]Qui diligit filium suum assiduat illi flagella, ut lætetur in novissimo suo, et non palpet proximorum ostia. |
[No book] |
| [2]Qui docet filium suum laudabitur in illo, et in medio domesticorum in illo gloriabitur. |
[No book] |
| [3]Qui docet filium suum in zelum mittit inimicum, et in medio amicorum gloriabitur in illo. |
[No book] |
| [4]Mortuus est pater ejus, et quasi non est mortuus: similem enim reliquit sibi post se. |
[No book] |
| [5]In vita sua vidit, et lætatus est in illo: in obitu suo non est contristatus, nec confusus est coram inimicis: |
[No book] |
| [6]reliquit enim defensorem domus contra inimicos, et amicis reddentem gratiam. |
[No book] |
| [7]Pro animabus filiorum colligabit vulnera sua, et super omnem vocem turbabuntur viscera ejus. |
[No book] |
| [8]Equus indomitus evadit durus, et filius remissus evadet præceps. |
[No book] |
| [9]Lacta filium, et paventem te faciet: lude cum eo, et contristabit te. |
[No book] |
| [10]Non corrideas illi, ne doleas, et in novissimo obstupescent dentes tui. |
[No book] |
| [11]Non des illi potestatem in juventute, et ne despicias cogitatus illius. |
[No book] |
| [12]Curva cervicem ejus in juventute, et tunde latera ejus dum infans est, ne forte induret, et non credat tibi, et erit tibi dolor animæ. |
[No book] |
| [13]Doce filium tuum, et operare in illo, ne in turpitudinem illius offendas. |
[No book] |
| [14]Melior est pauper sanus, et fortis viribus, quam dives imbecillis et flagellatus malitia. |
[No book] |
| [15]Salus animæ in sanctitate justitiæ melior est omni auro et argento: et corpus validum quam census immensus. |
[No book] |
| [16]Non est census super censum salutis corporis, et non est oblectamentum super cordis gaudium. |
[No book] |
| [17]Melior est mors quam vita amara, et requies æterna quam languor perseverans. |
[No book] |
| [18]Bona abscondita in ore clauso, quasi appositiones epularum circumpositæ sepulchro. |
[No book] |
| [19]Quid proderit libatio idolo? nec enim manducabit, nec odorabit. |
[No book] |
| [20]Sic qui effugatur a Domino, portans mercedes iniquitatis: |
[No book] |
| [21]videns oculis et ingemiscens, sicut spado complectens virginem, et suspirans. |
[No book] |
| [22]Tristitiam non des animæ tuæ, et non affligas temetipsum in consilio tuo. |
[No book] |
| [23]Jucunditas cordis, hæc est vita hominis, et thesaurus sine defectione sanctitatis: et exsultatio viri est longævitas. |
[No book] |
| [24]Miserere animæ tuæ placens Deo, et contine: congrega cor tuum in sanctitate ejus, et tristitiam longe repelle a te. |
[No book] |
| [25]Multos enim occidit tristitia, et non est utilitas in illa. |
[No book] |
| [26]Zelus et iracundia minuunt dies, et ante tempus senectam adducet cogitatus. |
[No book] |
| [27]Splendidum cor et bonum in epulis est: epulæ enim illius diligenter fiunt. |
[No book] |