|
|
| [1]Honora medicum propter necessitatem: etenim illum creavit Altissimus. |
[No book] |
| [2]A Deo est enim omnis medela, et a rege accipiet donationem. |
[No book] |
| [3]Disciplina medici exaltabit caput illius, et in conspectu magnatorum collaudabitur. |
[No book] |
| [4]Altissimus creavit de terra medicamenta, et vir prudens non abhorrebit illa. |
[No book] |
| [5]Nonne a ligno indulcata est aqua amara? |
[No book] |
| [6]Ad agnitionem hominum virtus illorum: et dedit hominibus scientiam Altissimus, honorari in mirabilibus suis. |
[No book] |
| [7]In his curans mitigabit dolorem: et unguentarius faciet pigmenta suavitatis, et unctiones conficiet sanitatis: et non consummabuntur opera ejus. |
[No book] |
| [8]Pax enim Dei super faciem terræ. |
[No book] |
| [9]Fili, in tua infirmitate ne despicias teipsum: sed ora Dominum, et ipse curabit te. |
[No book] |
| [10]Averte a delicto, et dirige manus, et ab omni delicto munda cor tuum. |
[No book] |
| [11]Da suavitatem et memoriam similaginis, et impingua oblationem, et da locum medico: |
[No book] |
| [12]etenim illum Dominus creavit, et non discedat a te, quia opera ejus sunt necessaria. |
[No book] |
| [13]Est enim tempus quando in manus illorum incurras: |
[No book] |
| [14]ipsi vero Dominum deprecabuntur, ut dirigat requiem eorum, et sanitatem, propter conversationem illorum. |
[No book] |
| [15]Qui delinquit in conspectu ejus qui fecit eum, incidet in manus medici. |
[No book] |
| [16]Fili, in mortuum produc lacrimas, et quasi dira passus incipe plorare: et secundum judicium contege corpus illius, et non despicias sepulturam illius. |
[No book] |
| [17]Propter delaturam autem amare fer luctum illius uno die, et consolare propter tristitiam: |
[No book] |
| [18]et fac luctum secundum meritum ejus uno die, vel duobus, propter detractionem: |
[No book] |
| [19]a tristitia enim festinat mors, et cooperit virtutem, et tristitia cordis flectit cervicem. |
[No book] |
| [20]In abductione permanet tristitia, et substantia inopis secundum cor ejus. |
[No book] |
| [21]Ne dederis in tristitia cor tuum, sed repelle eam a te, et memento novissimorum. |
[No book] |
| [22]Noli obliviscari, neque enim est conversio: et huic nihil proderis, et teipsum pessimabis. |
[No book] |
| [23]Memor esto judicii mei: sic enim erit et tuum: mihi heri, et tibi hodie. |
[No book] |
| [24]In requie mortui requiescere fac memoriam ejus, et consolare illum in exitu spiritus sui. |
[No book] |
| [25]Sapientia scribæ in tempore vacuitatis, et qui minoratur actu sapientiam percipiet, qua sapientia replebitur. |
[No book] |
| [26]Qui tenet aratrum, et qui gloriatur in jaculo, stimulo boves agitat, et conversatur in operibus eorum, et enarratio ejus in filiis taurorum. |
[No book] |
| [27]Cor suum dabit ad versandos sulcos, et vigilia ejus in sagina vaccarum. |
[No book] |
| [28]Sic omnis faber et architectus, qui noctem tamquam diem transigit: qui sculpit signacula sculptilia, et assiduitas ejus variat picturam: cor suum dabit in similitudinem picturæ, et vigilia sua perficiet opus. |
[No book] |
| [29]Sic faber ferrarius sedens juxta incudem, et considerans opus ferri: vapor ignis uret carnes ejus, et in calore fornacis concertatur. |
[No book] |
| [30]Vox mallei innovat aurem ejus, et contra similitudinem vasis oculus ejus. |
[No book] |
| [31]Cor suum dabit in consummationem operum, et vigilia sua ornabit in perfectionem. |
[No book] |
| [32]Sic figulus sedens ad opus suum, convertens pedibus suis rotam, qui in sollicitudine positus est semper propter opus suum, et in numero est omnis operatio ejus. |
[No book] |
| [33]In brachio suo formabit lutum, et ante pedes suos curvabit virtutem suam. |
[No book] |
| [34]Cor suum dabit ut consummet linitionem, et vigilia sua mundabit fornacem. |
[No book] |
| [35]Omnes hi in manibus suis speraverunt, et unusquisque in arte sua sapiens est. |
[No book] |
| [36]Sine his omnibus non ædificatur civitas, |
[No book] |
| [37]et non inhabitabunt, nec inambulabunt, et in ecclesiam non transilient. |
[No book] |
| [38]Super sellam judicis non sedebunt, et testamentum judicii non intelligent, neque palam facient disciplinam et judicium, et in parabolis non invenientur: |
[No book] |
| [39]sed creaturam ævi confirmabunt: et deprecatio illorum in operatione artis, accomodantes animam suam, et conquirentes in lege Altissimi. |
[No book] |