|
|
| [1]Justorum autem animæ in manu Dei sunt, et non tangent illos tormentum mortis. |
[No book] |
| [2]Visi sunt oculis insipientium mori, et æstimata est afflictio exitus illorum, |
[No book] |
| [3]et quod a nobis est iter exterminium; illi autem sunt in pace; |
[No book] |
| [4]et si coram hominibus tormenta passi sunt, spes illorum immortalitate plena est. |
[No book] |
| [5]In paucis vexati sunt in multis bene disponentur, quoniam Deus tentavit eos, et invenit illos dignos se. |
[No book] |
| [6]Tamquam aurum in fornace probavit illos, et quasi holocausti hostiam accepit illos, et in tempore erit respectus illorum. |
[No book] |
| [7]Fulgebunt justi et tamquam scintillæ in arundineto discurrent. |
[No book] |
| [8]Judicabunt nationes, et dominabuntur populis, et regnabit Dominus illorum in perpetuum. |
[No book] |
| [9]Qui confidunt in illo intelligent veritatem, et fideles in dilectione acquiescent illi, quoniam donum et pax est electis ejus. |
[No book] |
| [10]Impii autem secundum quæ cogitaverunt correptionem habebunt, qui neglexerunt justum, et a Domino recesserunt. |
[No book] |
| [11]Sapientiam enim et disciplinam qui abjicit infelix est; et vacua est spes illorum, et labores sine fructu, et inutilia opera eorum. |
[No book] |
| [12]Mulieres eorum insensatæ sunt, et nequissimi filii eorum. |
[No book] |
| [13]Maledicta creatura eorum, quoniam felix est sterilis; et incoinquinata, quæ nescivit thorum in delicto, habebit fructum in respectione animarum sanctarum; |
[No book] |
| [14]et spado qui non operatus est per manus suas iniquitatem, nec cogitavit adversus Deum nequissima: dabitur enim illi fidei donum electum, et sors in templo Dei acceptissima. |
[No book] |
| [15]Bonorum enim laborum gloriosus est fructus, et quæ non concidat radix sapientiæ. |
[No book] |
| [16]Filii autem adulterorum in inconsummatione erunt, et ab iniquo thoro semen exterminabitur. |
[No book] |
| [17]Et si quidem longæ vitæ erunt, in nihilum computabuntur, et sine honore erit novissima senectus illorum. |
[No book] |
| [18]Et si celerius defuncti fuerint, non habebunt spem, nec in die agnitionis allocutionem. |
[No book] |
| [19]Nationis enim iniquæ diræ sunt consummationes. |
[No book] |