|
|
| [1]Melior est sapientia quam vires, et vir prudens quam fortis. |
[No book] |
| [2]Audite ergo, reges, et intelligite; discite, judices finium terræ. |
[No book] |
| [3]Præbete aures, vos qui continetis multitudines, et placetis vobis in turbis nationum. |
[No book] |
| [4]Quoniam data est a Domino potestas vobis, et virtus ab Altissimo, qui interrogabit opera vestra, et cogitationes scrutabitur; |
[No book] |
| [5]quoniam cum essetis ministri regni illius, non recte judicastis, nec custodistis legem justitiæ, neque secundum voluntatem Dei ambulastis. |
[No book] |
| [6]Horrende et cito aparebit vobis, quoniam judicium durissimum his qui præsunt fiet. |
[No book] |
| [7]Exiguo enim conceditur misericordia; potentes autem potenter tormenta patientur. |
[No book] |
| [8]Non enim subtrahet personam cujusquam Deus, nec verebitur magnitudinem ejus cujusquam, quoniam pusillum et magnum ipse fecit, et æqualiter cura est illi de omnibus. |
[No book] |
| [9]Fortioribus autem fortior instat cruciatio. |
[No book] |
| [10]Ad vos ergo, reges, sunt hi sermones mei, ut discatis sapientiam, et non excidatis. |
[No book] |
| [11]Qui enim custodierint justa juste, justificabuntur; et qui didicerint ista, invenient quid respondeant. |
[No book] |
| [12]Concupiscite ergo sermones meos; diligite illos, et habebitis disciplinam. |
[No book] |
| [13]Clara est, et quæ numquam marcescit, sapientia; et facile videtur ab his qui diligunt eam, et invenitur ab his qui quærunt illam. |
[No book] |
| [14]Præoccupat qui se concupiscunt, ut illis se prior ostendat. |
[No book] |
| [15]Qui de luce vigilaverit ad illam non laborabit; assidentem enim illam foribus suis inveniet. |
[No book] |
| [16]Cogitare ergo de illa sensus est consummatus, et qui vigilaverit propter illam cito securus erit. |
[No book] |
| [17]Quoniam dignos se ipsa circuit quærens, et in viis ostendit se hilariter, et in omni providentia occurrit illis. |
[No book] |
| [18]Initium enim illius verissima est disciplinæ concupiscentia. |
[No book] |
| [19]Cura ergo disciplinæ dilectio est, et dilectio custodia legum illius est; custoditio autem legum consummatio incorruptionis est; |
[No book] |
| [20]incorruptio autem facit esse proximum Deo. |
[No book] |
| [21]Concupiscentia itaque sapientiæ deducit ad regnum perpetuum. |
[No book] |
| [22]Si ergo delectamini sedibus et sceptris, o reges populi, diligite sapientiam, ut in perpetuum regnetis: |
[No book] |
| [23]diligite lumen sapientiæ, omnes qui præestis populis. |
[No book] |
| [24]Quid est autem sapientia, et quemadmodum facta sit referam, et non abscondam a vobis sacramenta Dei, sed ab initio nativitatis investigabo: et ponam in lucem scientiam illius, et non præteribo veritatem. |
[No book] |
| [25]Neque cum invidia tabescente iter habebo, quoniam talis homo non erit particeps sapientiæ. |
[No book] |
| [26]Multitudo autem sapientium sanitas est orbis terrarum, et rex sapiens stabilimentum populi est. |
[No book] |
| [27]Ergo accipite disciplinam per sermones meos, et proderit vobis. |
[No book] |