|
|
| [1]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܚܲܝܠܬ̣ܵܢܵܐ ܠܡܹܐܡܲܪ. |
[No book] |
| [2]ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܛܸܢܹ̇ܬ̣ ܒܨܸܗܝܘܿܢ ܛܢܵܢܵܐ ܪܲܒܵܐ: ܘܲܒ̣ܚܸܡܬ̣ܵܐ ܪܲܒ̇ܬ̣ܵܐ ܛܸܢܹ̇ܬ̣ ܒܵܗ̇. |
[No book] |
| [3]ܗܵܟܲܢܵܐ ܐܵܡܲܪ ܡܵܪܝܵܐ: ܡܸܬ̣ܒܲܝܲܐ ܐ̄ܢܵܐ ܒܨܸܗܝܘܿܢ: ܘܫܵܪܹܐ ܐ̄ܢܵܐ ܒܓ̣ܵܘ ܐܘܿܪܸܫܠܸܡ: ܘܬܸܬ̣ܩܪܸܐ ܐܘܿܪܸܫܠܸܡ ܡܕ݂ܝܼܢ̄ܬܵܐ ܩܲܕ̇ܝܼܫܬܵܐ: ܘܛܘܼܪܹܗ ܕܡܵܪܝܵܐ ܚܲܝܠܬ̣ܵܢܵܐ: ܛܘܼܪܵܐ ܩܲܕ̇ܝܼܫܵܐ. |
[No book] |
| [4]ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܡܸܟܹ̇ܝܠ ܢܸܬ̇ܒ̣ܘܼܢ ܣܵܒܹ̈ܐ ܘܣܵـ̈ـܒ̣ܵܬ̣ܵܐ ܒܫܘܼܩܹ̈ܝܗ̇ ܕܐܘܿܪܸܫܠܸܡ: ܘܲܓ̣ܒܲܪ ܚܘܼܛܪܹܗ ܢܸܗܘܸܐ ܐܲܚܝܼܕ݂ ܒܐܝܼܕܹܗ ܡ̣ܢ ܣܘܿܓ̣ܵܐܐ ܕܝܵܘ̈ܡܵܬ̣ܵܐ. |
[No book] |
| [5]ܘܫܘܼܩܹ̈ܝܗ̇ ܕܲܡܕ݂ܝܼܢ̄ܬܵܐ ܢܸܬ̣ܡ̱ܠܘܿܢ ܝܲܠܘܼܕܹ̈ܐ ܘܝܲܠܘܼ̈ܕ݂ܵܬ̣ܵܐ ܕܡܸܫܬܲܥܹܝܢ ܒܫܘܼܩܹ̈ܝܗ̇. |
[No book] |
| [6]ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܐܸܢ ܪܲܒܵܐ ܗ̄ܝܼ ܗܵܕܹܐ ܒܥܲܝ̈ܢܵܘܗܝ ܕܫܲܪܟܹ̇ܗ ܕܥܲܡܵܐ ܗܵܢܵܐ ܒܝܵܘ̈ܡܵܬ̣ܵܐ ܗܵܢܘܿܢ: ܐܵܦ ܒܥܲܝܢܲܝ̈ ܕܝܼܠܝ ܪܲܒܵܐ ܗ̄ܝܼ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. |
[No book] |
| [7]ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܗܵܐ ܦܵܪܹܩ ܐ̄ܢܵܐ ܠܥܲܡܝ ܡ̣ܢ ܐܲܪܥܵܐ ܕܡܲܕ݂ܢ̱ܚܵܐ: ܘܡ̣ܢ ܐܲܪܥܵܐ ܕܡܲܥܪ̈ܵܒܲܝ ܫܸܡܫܵܐ. |
[No book] |
| [8]ܘܐܲܝܬܸ̇ܐ ܐܸܢܘܿܢ ܘܢܸܫܪܘܿܢ ܒܐܘܿܪܸܫܠܸܡ: ܘܢܸܗܘܘܿܢ ܠܝܼ ܥܲܡܵܐ: ܘܐܸܢܵܐ ܐܸܗܘܹܐ ܠܗܘܿܢ ܐܲܠܵܗܵܐ: ܒܩܘܼܫܬܵܐ ܘܲܒ̣ܙܲܕ̇ܝܼܩܘܼܬ̣ܵܐ. |
[No book] |
| [9]ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܢܸܬ̣ܚܲܝ̈ܠܵܢ ܐܝܼ̈ܕ݂ܝܵܐ ܕܟ݂ܠ ܕܲܫ̣ܡܲܥܘ ܒܝܵܘ̈ܡܵܬ̣ܵܐ ܗܵܢ̇ܘܿܢ: ܦܸܬ̣ܓ̣ܵܡܹ̈ܐ ܗܵܠܹܝܢ ܡ̣ܢ ܦܘܼܡܗܘܿܢ ܕܲܢܒ̣̈ܝܹܐ: ܡ̣ܢ ܝܵܘܡܵܐ ܕܐܸܬ̇ܬ̇ܣܝܼܡܲܬ̤ ܫܲܬ̣ܐ̱ܣܬ̣ܵܐ ܕܗܲܝܟ̇ܠܹܗ ܕܡܵܪܝܵܐ ܚܲܝܠܬ̣ܵܢܵܐ ܠܡܸܬ̣ܒ̇ܢܵܝܘܼ. |
[No book] |
| [10]ܡܸܛܠ ܕܡ̣ܢ ܩܕ݂ܵܡ ܝܵܘ̈ܡܵܬ̣ܵܐ ܗܵܢ̇ܘܿܢ: ܘܡ̣ܢ ܩܕ݂ܵܡ ܙܲܒ̣ܢܵܐ ܗܵܘܿ: ܐܲܓ̣ܪܵܐ ܠܒܲܪܢܵܫܵܐ ܠܲܝܬ̇ ܗ̄ܘܼܵܐ: ܘܐܵܦܠܵܐ ܠܲܒ̣ܥܝܼܪܵܐ: ܘܲܠܡܲܢ ܕܢܵܦܹ̇ܩ ܘܥܵܐܹ̇ܠ: ܠܲܝܬ̇ ܗ̄ܘܼܵܐ ܫܠܵܡܵܐ ܡ̣ܢ ܩܕ݂ܵܡ ܐܵܠܘܿܨܵܐ: ܘܗܵܐ ܡܓܲܪܸܐ ܐ̄ܢܵܐ ܠܗܘܿܢ ܠܟ݂ܠܗܘܿܢ ܒܢܲܝ̈ܢܵܫܵܐ ܓܒܲܪ ܒܚܲܒ̣ܪܹܗ. |
[No book] |
| [11]ܡܸܟܹ̇ܝܠ ܠܵܐ ܗܘܹ̇ܝܬ̣ ܐܲܝܟ݂ ܕܲܒ̣ܝܵܘ̈ܡܵܬ̣ܵܐ ܩܲܕ݂ܡܵܝܹ̈ܐ: ܠܫܲܪܟܹ̇ܗ ܕܥܲܡܵܐ ܗܵܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. |
[No book] |
| [12]ܡܸܛܠ ܕܙܲܪܥܵܐ ܢܸܗܘܹܐ ܒܲܫܠܵܡܵܐ: ܘܲܓ̣ܦܸܬܵܐ ܬܸܬܸ̇ܠ ܦܹܐܪܹ̈ܝܗ̇: ܘܐܲܪܥܵܐ ܬܸܬܸ̇ܠ ܥܲܠ̈ܠܵܬ̣ܵܗ̇: ܘܲܫܡܲܝܵܐ ܢܸܬ̇ܠܘܼܢ ܛܲܠܗܘܿܢ: ܘܐܵܘܪܸܬ̣ ܠܫܲܪܟܹ̇ܗ ܕܥܲܡܵܐ ܗܵܢܵܐ ܗܵܠܹܝܢ ܟܠܗܹܝܢ. |
[No book] |
| [13]ܐܲܝܟ݂ ܕܲܗ̤ܘܲܝܬ̇ܘܿܢ ܠܠܵܘܛܬ̣ܵܐ ܒܥܲܡܡܹ̈ܐ ܕܒܹܝܬ̣ ܝܑܼܗܘܼܕ݂ܵܐ ܘܲܕ݂ܒܹܝܬ̣ ܝܑܼܣܪܵܝܹܠ: ܗܵܟܲܢܵܐ ܐܸܦܪܘܿܩܟ݂ܘܿܢ ܘܬܸܗܘܘܿܢ ܠܒ̣ܘܼܪܟ̇ܬ̣ܵܐ: ܘܢܸܬ̣ܚܲܝ̈ܠܵܢ ܐܝܼܕܲܝ̈ܟ̇ܘܿܢ ܘܠܵܐ ܬܸܕ݂ܚ̄ܠܘܼܢ. |
[No book] |
| [14]ܡܸܛܠ ܕܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܐܲܝܟ݂ ܕܐܸܬ̣ܚܲܫܒܹ̇ܬ̣ ܠܡܲܒ̣ܐܵܫܘܼ ܠܟ݂ܘܿܢ ܟܲܕ݂ ܐܲܪܓ̇ܙܘܼܢܝ ܐܲܒ̣ܵܗܲܝ̈ܟ̇ܘܿܢ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ ܘܠܵܐ ܗܸܦܟܹ̇ܝܬ̣. |
[No book] |
| [15]ܗܵܟܲܢܵܐ ܐܸܬ̣ܦ̇ܢܝܼܬ̣ ܘܐܸܬ̣ܚܲܫܒܹ̇ܬ̣ ܒܝܵܘ̈ܡܵܬ̣ܵܐ ܗܵܠܹܝܢ: ܕܐܲܛܐܸܒ̣ ܠܐܘܿܪܸܫܠܸܡ: ܘܠܲܕ݂ܒܹܝܬ̣ ܝܑܼܗܘܼܕ݂ܵܐ: ܠܵܐ ܬܸܕ݂ܚ̄ܠܘܼܢ. |
[No book] |
| [16]ܗܵܠܹܝܢ ܦܸܬ̣ܓ̣ܵܡܹ̈ܐ ܥܒܸܕ݂ܘ: ܡܲܠܸܠܘ ܩܘܼܫܬܵܐ ܐ̄ܢܵܫ ܥܲܡ ܚܲܒ̣ܪܹܗ: ܘܩܘܼܫܬܵܐ ܘܕ݂ܝܼܢܵܐ ܘܲܫܠܵܡܵܐ ܕܘܼܢܝ ܒܬܲܪ̈ܥܲܝܟ̇ܘܿܢ. |
[No book] |
| [17]ܘܐ̄ܢܵܫ ܥܲܠ ܚܲܒ̣ܪܹܗ ܒܝܼܫܬܵܐ ܠܵܐ ܬܸܬ̣ܚܲܫܒ̣ܘܼܢ ܒܠܸܒ̇ܟ݂ܘܿܢ: ܘܡܵܘ̈ܡܵܬ̣ܵܐ ܕܲܓܵܠܵـ̈ـܬ̣ܵܐ ܠܵܐ ܬܸܪܚ̄ܡܘܼܢ: ܡܸܛܠ ܕܗܵܠܹܝܢ ܟܠܗܹܝܢ ܣܢܹ̇ܝܬ̣ ܐܸܢܹܝܢ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. |
[No book] |
| [18]ܘܲܗܘ̤ܵܐ ܥܠܲܝ ܦܸܬ̣ܓ̣ܵܡܹܗ ܕܡܵܪܝܵܐ ܚܲܝܠܬ̣ܵܢܵܐ: ܠܡܹܐܡܲܪ. |
[No book] |
| [19]ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܨܵܘܡܵܐ ܪܒ̣ܝܼܥܵܝܵܐ: ܘܨܵܘܡܵܐ ܚܡܝܼܫܵܝܵܐ: ܘܨܵܘܡܵܐ ܫܒ̣ܝܼܥܵܝܵܐ: ܘܨܵܘܡܵܐ ܥܣܝܼܪܵܝܵܐ: ܢܸܗܘܘܿܢ ܠܲܕ݂ܒܹܝܬ̣ ܝܑܼܗܘܼܕ݂ܵܐ: ܠܲܕ݂ܝܵܨܵܐ: ܘܲܠܚܲܕ݂ܘܼܬ̣ܵܐ: ܘܲܠܥܲܕ݂ܥܹ̈ܕܹܐ ܛܵܒܹ̈ܐ: ܘܩܘܼܫܬܵܐ ܘܲܫܠܵܡܵܐ ܪܚܲܡܘ. |
[No book] |
| [20]ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܡܸܟܹ̇ܝܠ ܢܹܐܬ̣ܘܿܢ ܥܲܡܡܹ̈ܐ ܝܵܬ̣ܒܲܝ̈ ܡܕ݂ܝܼ̈ܢܵܬ̣ܵܐ ܣܲܓ̇ܝܼ̈ܐܵܬ̣ܵܐ. |
[No book] |
| [21]ܘܢܹܐܙܠ̄ܘܼܢ ܝܵܬ̣ܒܲܝ̈ ܚܕ݂ܵܐ ܠܘܵܬ̣ ܚܕ݂ܵܐ: ܘܢܹܐܡܪܘܿܢ: ܬܵܘ ܢܹܐܙܲܠ ܘܲܢܨܲܠܸܐ ܩܕ݂ܵܡ ܡܵܪܝܵܐ: ܘܢܸܒ̣ܥܸܐ ܡ̣ܢ ܡܵܪܝܵܐ ܚܲܝܠܬ̣ܵܢܵܐ: ܘܐܹܙܲܠ ܐܵܦ ܐܸܢܵܐ. |
[No book] |
| [22]ܘܢܹܐܬ̣ܘܿܢ ܥܲܡܡܹ̈ܐ ܣܲܓ̇ܝܼ̈ܐܹܐ: ܘܥܲܡܡܹ̈ܐ ܥܲܫܝܼܢܹ̈ܐ: ܠܡܸܒ̣ܥܵܐ ܠܡܵܪܝܵܐ ܚܲܝܠܬ̣ܵܢܵܐ ܒܐܘܿܪܸܫܠܸܡ: ܘܠܲܡܨܲܠܵܝܘܼ ܩܕ݂ܵܡ ܡܵܪܝܵܐ. |
[No book] |
| [23]ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܒܝܵܘ̈ܡܵܬ̣ܵܐ ܗܵܢ̇ܘܿܢ ܢܹܐܚܕ̇ܘܼܢ ܥܸܣܪܵܐ ܓܲܒ̣ܪ̈ܝܼܢ ܡ̣ܢ ܟܠ ܠܸܫܵܢܲܝ̈ ܥܲܡܡܹ̈ܐ: ܒܟܸܢܦܹܗ ܕܓܲܒ̣ܪܵܐ ܝܗ̄ܘܼܕ݂ܵܝܵܐ: ܘܢܹܐܡܪܘܼܢ ܠܹܗ: ܢܹܐܙܲܠ ܥܲܡܵܟ݂: ܡܸܛܠ ܕܲܫ̣ܡܲܥܢ ܕܐܲܠܵܗܵܐ ܥܲܡܟ݂ܘܿܢ. |
[No book] |