|
|
| [1]ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܐܲܪܥܵܐ ܕܚܸܕ݂ܪܵܟ݂. ܘܲܕ̇ܕܲܪܡܣܘܿܩ ܩܘܼܪܒܵܢܹܗ: ܡܸܛܠ ܕܲܠܡܵܪܝܵܐ ܓܠܹܝܢ ܒܢܲܝ̈ܢܵܫܵܐ: ܘܟ݂ܠܗܘܿܢ ܫܲܒ̣̈ܛܹܐ ܕܝܼܣܪܵܝܹܠ. |
[No book] |
| [2]ܐܵܦ ܚܡܵܬ̣ ܬܸܬܲܚܲܡ ܒܵܗ̇: ܘܨܘܿܪ ܘܨܲܝܕܵܢ ܕܛܵܒ̣ ܐܸܬ̣ܚܲܟܲܡ. |
[No book] |
| [3]ܘܲܒ̣ܢܵܬ̤ ܠܵܗ̇ ܨܘܿܪ ܚܸܣܢܵܐ: ܘܟܲܢܫܲܬ̤ ܣܹܐܡܵܐ ܐܲܝܟ݂ ܥܲܦܪܵܐ: ܘܕܲܗܒ̣ܵܐ ܐܲܝܟ݂ ܣܝܵܢܵܐ ܕܫܘܼܩܹ̈ܐ. |
[No book] |
| [4]ܡܸܛܠ ܗܵܢܵܐ ܡܵܪܝܵܐ ܢܵܘܒ̇ܕ݂ܝܼܗ̇: ܘܢܲܪܡܸܐ ܒܝܲܡܵܐ ܥܘܼܬ̣ܪܵܗ̇: ܘܗ̤ܝ ܒܢܘܼܪܵܐ ܬܸܬ̣ܐ̱ܟ݂ܠ. |
[No book] |
| [5]ܘܬܸܚܙܹܐ ܐܲܫܩܵܠܘܿܢ ܘܬܸܕ݂ܚܲܠ: ܘܥܵܐܙܵܐ ܬܸܬ̣ܟ̇ܪܲܗ ܛܵܒ̣: ܘܥܸܩܪܘܿܢ ܕܲܒ̣ܗܸܬ̣ ܠܹܗ ܣܲܒ̣ܪܵܗ̇: ܘܢܹܐܒܲܕ݂ ܡܲܠܟܵܐ ܡ̣ܢ ܥܵܐܙܵܐ: ܘܐܲܫܩܵܠܘܿܢ ܠܵܐ ܬܸܬܸ̇ܒ̣. |
[No book] |
| [6]ܘܢܸܬ̇ܒ̣ܘܼܢ ܢܘܼܟ݂ܪ̈ܵܝܹܐ ܒܐܲܫܕ̇ܘܿܕ݂: ܘܐܵܘܒܸ̇ܕ݂ ܓܲܐܝܘܼܬ̣ܗܘܿܢ ܕܲܦܠܸܫܬܵܝܹ̈ܐ. |
[No book] |
| [7]ܘܐܲܥܒܲܪ ܕܸܡܗܘܿܢ ܡ̣ܢ ܦܘܼܡܗܘܿܢ: ܘܛܲܢܦܘܼܬ̣ܗܘܿܢ ܡ̣ܢ ܒܹܝܬ̣ ܫܸܢܲܝ̈ܗܘܿܢ: ܘܢܸܫܬܲܚܪܘܿܢ ܐܵܦ ܗܸܢܘܿܢ ܠܐܲܠܵܗܵܐ: ܘܢܸܗܘܘܿܢ ܐܲܝܟ݂ ܪܵܘܪ̈ܒ̣ܵܢܹܐ ܕܲܝܗܘܼܕ݂ܵܐ: ܘܥܸܩܪܘܿܢ ܬܸܗܘܹܐ ܐܲܝܟ݂ ܥܸܒ̣ܪܘܿܢ. |
[No book] |
| [8]ܘܐܲܫܪܸܐ ܥܲܠ ܒܲܝܬ̇ܝ ܩܲܝܘܼܡܵܐ ܡ̣ܢ ܡܲܢ ܕܥܵܒܲܪ: ܘܡ̣ܢ ܕܬ̣ܵܐܹ̇ܒ̣: ܘܠܵܐ ܢܸܥܒܲܪ ܬܘܼܒ̣ ܥܠܲܝܗܘܿܢ ܡܫܲܥܒ̇ܕ݂ܵܢܵܐ: ܡܸܛܠ ܕܗܵܫܵܐ ܚܙܹ̇ܝܬ̣ ܒܥܲܝܢܲܝ̈. |
[No book] |
| [9]ܕܘܼܨܝ ܛܵܒ̣ ܒܲܪܬ̣ ܨܸܗܝܘܿܢ: ܘܲܩܥܵܝ ܒܲܪܬ̣ ܐܘܿܪܸܫܠܸܡ: ܗܵܐ ܡܲܠܟܹ̇ܟ݂ܝ ܐܵܬܹ̇ܐ ܠܹܟ݂ܝ: ܙܲܕ̇ܝܼܩܵܐ: ܘܦܵܪܘܿܩܵܐ: ܘܡܲܟ̇ܝܼܟ݂ܵܐ: ܘܲܪܟ݂ܝܼܒ̣ ܥܲܠ ܚܡܵܪܵܐ: ܘܥܲܠ ܥܝܼܠܵܐ ܒܲܪ ܐܲܬܵܢܵܐ. |
[No book] |
| [10]ܘܢܵܘܒܸ̇ܕ݂ ܡܲܪܟܲܒ̣ܬ̣ܵܐ ܡ̣̤ܢ ܐܲܦܪܹܝܡ: ܘܣܘܼܣܝܵܐ ܡ̣ܢ ܐܘܿܪܸܫܠܸܡ: ܢܸܬ̣ܒܲܪ ܩܸܫܬܵܐ ܒܲܩܪܵܒ̣ܵܐ: ܘܲܢܡܲܠܸܠ ܫܠܵܡܵܐ ܥܲܡ ܥܲܡܡܹ̈ܐ: ܘܢܸܫܠܲܛ ܡ̣ܢ ܝܲܡܵܐ ܠܝܲܡܵܐ: ܘܡ̣ܢ ܢܲܗܪܵܐ ܥܕܲܡܵܐ ܠܣܵܘ̈ܦܹܝܗ̇ ܕܐܲܪܥܵܐ. |
[No book] |
| [11]ܘܐܵܦ ܐܲܢ̄ܬ̇ ܒܲܕ݂ܡܵܐ ܕܲܕ݂ܝܵܬܹܩܹܐ ܕܝܼܠܵܟ݂: ܫ̣ܪܲܝܬ̇ ܐܲܣܝܼܪܹ̈ܐ ܡ̣ܢ ܓܘܼܒܵܐ ܕܠܲܝܬ̇ ܒܹܗ ܡܲـ̈ـܝܵܐ. |
[No book] |
| [12]ܬܸܒ̣ܘ ܒܚܸܣܢܵܐ ܐܲܣܝܼܪܹ̈ܐ ܕܲܟ݂ܢܘܼܫܬܵܐ: ܘܲܚܠܵܦ ܚܲܕ݂ ܢܘܿܡ ܬܪܹܝܢ ܦܵܪܲܥ ܐ̄ܢܵܐ ܠܟ݂ܘܿܢ. |
[No book] |
| [13]ܡܸܛܠ ܕܡܸܬ̣ܚܹ̇ܬ̣ ܩܸܫܬ̇ܝ ܥܲܠ ܝܑܼܗܘܼܕ݂ܵܐ: ܘܲܡܠܹܝܬ̣ ܥܲܠ ܐܲܦܪܹܝܡ: ܘܲܫܕܹܝ̇ܬ̣ ܒܢܲܝ̈ܟ̇ܝ ܨܸܗܝܘܿܢ ܥܲܠ ܒܢܲܝ̈ܟ̇ܝ ܝܵܘܵܢ: ܘܲܥܒܲܕ̇ܬܵܟ݂ ܐܲܝܟ݂ ܣܲܝܦܵܐ ܕܓܲܢ̄ܒܵܪܵܐ. |
[No book] |
| [14]ܘܡܵܪܝܵܐ ܥܠܲܝܗܘܿܢ ܢܸܬ̣ܓ̇ܠܹܐ: ܘܢܸܦܘܿܩ ܓܹܐܪܹܗ ܐܲܝܟ݂ ܒܲܪܩܵܐ: ܘܡܵܪܹܐ ܡܵܪ̈ܵܘܵܬ̣ܵܐ ܢܸܩܪܸܐ ܒܩܲܪܢܵܐ: ܘܢܹܐܙܲܠ ܒܥܲܠܥܵܠܵܐ ܠܬܲܝܡ̄ܢܵܐ. |
[No book] |
| [15]ܘܡܵܪܝܵܐ ܚܲܝܠܬ̣ܵܢܵܐ ܢܲܓܸ̇ܢ ܥܠܲܝܗܘܿܢ: ܘܢܹܐܟ݂ܠܘܼܢ ܘܢܸܟ݂ܒ̇ܫܘܼܢ ܟܹܐܦܹ̈ܐ ܒܩܸܠܥܵܐ: ܘܢܸܫܬ̇ܘܿܢ ܕܠܘܼܚܝܵܐ ܐܲܝܟ݂ ܚܲܡܪܵܐ: ܘܢܸܬ̣ܡ̱ܠܘܿܢ ܐܲܝܟ݂ ܡܙܵܓ̣ܵܐ ܘܐܲܝܟ݂ ܙܵܘܝܼܬ̣ܵܐ ܕܡܲܕ݂ܒ̇ܚܵܐ. |
[No book] |
| [16]ܘܢܸܦܪܘܿܩ ܐܸܢܘܿܢ ܡܲܪܝܵܐ ܐܲܠܵܗܗܘܿܢ ܒܝܵܘܡܵܐ ܗܵܘܿ ܠܥܲܡܹܗ ܐܲܝܟ݂ ܥܵـ̈ـܢܵܐ: ܡܸܛܠ ܕܟܹܐܦܹ̈ܐ ܗ̄ܘܲܝ̈ ܩܲܕ̇ܝܼ̈ܫܵܬ̣ܵܐ ܕܫܲܕ݂̈ܝܵܢ ܗ̄ܘܲܝ̈ ܒܐܲܪܥܹܗ. |
[No book] |
| [17]ܡܵܐ ܛܵܒ̣ ܘܡܵܐ ܫܲܦܝܼܪ ܥܒ̣ܘܼܪܵܐ ܠܓܕ̇ܘܼ̈ܕܹܐ ܘܚܲܡܪܵܐ ܡܒܲܣܸܡ ܒܬ̣ܘܼ̈ܠܵܬ̣ܵܐ. |
[No book] |