➖ »
«
➖ ➕
Aleppo Codex (~920)
Alep
Tregelles’ 2nd ed. from Alexandrinus, et al (1879)
Tregelles GNT
   
Micah
Mic
1
→
[1]דבר יהוה אשר היה אל מיכה המרשתי בימי יותם אחז יחזקיה מלכי יהודה־אשר חזה על שמרון וירושלם [No book]
[2]שמעו עמים כלם הקשיבי ארץ ומלאה ויהי אדני יהוה בכם לעד אדני מהיכל קדשו [No book]
[3]כי הנה יהוה יצא ממקומו וירד ודרך על במותי [Q: במתי] ארץ [No book]
[4]ונמסו ההרים תחתיו והעמקים יתבקעו כדונג מפני האש כמים מגרים במורד [No book]
[5]בפשע יעקב כל זאת ובחטאות בית ישראל מי פשע יעקב הלוא שמרון ומי במות יהודה הלוא ירושלם [No book]
[6]ושמתי שמרון לעי השדה למטעי כרם והגרתי לגי אבניה ויסדיה אגלה [No book]
[7]וכל פסיליה יכתו וכל אתנניה ישרפו באש וכל עצביה אשים שממה כי מאתנן זונה קבצה ועד אתנן זונה ישובו [No book]
[8]על זאת אספדה ואילילה אילכה שילל [Q: שולל] וערום אעשה מספד כתנים ואבל כבנות יענה [No book]
[9]כי אנושה מכותיה כי באה עד יהודה־נגע עד שער עמי עד ירושלם [No book]
[10]בגת אל תגידו־בכו אל תבכו בבית לעפרה עפר התפלשתי [Q: התפלשי] [No book]
[11]עברי לכם יושבת שפיר עריה בשת לא יצאה יושבת צאנן־מספד בית האצל יקח מכם עמדתו [No book]
[12]כי חלה לטוב יושבת מרות כי ירד רע מאת יהוה לשער ירושלם [No book]
[13]רתם המרכבה לרכש יושבת לכיש ראשית חטאת היא לבת ציון כי בך נמצאו פשעי ישראל [No book]
[14]לכן תתני שלוחים על מורשת גת בתי אכזיב לאכזב למלכי ישראל [No book]
[15]עד הירש אבי לך יושבת מרשה עד עדלם יבוא כבוד ישראל [No book]
[16]קרחי וגזי על בני תענוגיך הרחבי קרחתך כנשר כי גלו ממך [No book]
Source: unbound.biola.edu
 Author: Samuel Prideaux Tregelles, LL. D. (1813–1875)
Source: www.hagiascriptura.com

See information...
Top