➕
←
Psalms
Psa
113
→
[1]ܫܲܒܲܚܘ ܥܲܒ̣ܕܵܘ̈ܗܝ ܕܡܵܪܝܵܐ. [2]ܫܲܒܲܚܘ ܠܲܫܡܹܗ ܕܡܵܪܝܵܐ. [3]ܢܸܗܘܸܐ ܫܡܹܗ ܕܡܵܪܝܵܐ ܡܒܲܪܲܟ݂. [4]ܡ̣ܢ ܥܵܠܲܡ ܘܲܥܕܲܡܵܐ ܠܥܵܠܲܡ. [5]ܡ̣ܢ ܡܲܕ݂ܢܵܚܵܘ̈ܗܝ ܕܫܸܡܫܵܐ ܘܲܥܕܲܡܵܐ ܠܡܲܥܪ̈ܵܒ̣ܵܘܗܝ. [6]ܪܲܒ̇ܘܼ ܫܡܹܗ ܕܡܵܪܝܵܐ. [7]ܘܪܵܡ ܥܠ ܟܠܗܘܿܢ ܥܲܡܡܹ̈ܐ ܡܵܪܝܵܐ. [8]ܘܥܲܠ ܫܡܲܝܵܐ ܐܝܼܩܵܪܹܗ. [9]ܡܲܢ̣ܘܼ ܐܲܝܟ݂ ܡܵܪܝܵܐ ܐܲܠܵܗܲܢ. [10]ܕܝܵܬܹܒ̣ ܒܪܲܘܡܵܐ ܘܚܵܙܹ݁ܐ ܒܥܘܼܡܩܵܐ. [11]ܒܲܫܡܲܝܵܐ ܘܒܲܐܪܥܵܐ. [12]ܡܪܝܼܡ ܡ̣ܢ ܩܸܩܠ̱ܬ̣ܵܐ ܠܒ̣ܵܝܫܵܐ. [13]ܕܢܲܘܬ̇ܒ̣ܝܼܘܗܝ ܥܲܡ ܪܲܘ̱ܪ̈ܒ̣ܵܢܹܐ ܕܥܲܡܵܐ. [14]ܡܲܘܬܸ̇ܒ̣ ܥܩܲܪܬ̣ܵܐ ܒܒܲܝܬܵܐ. [15]ܘܐܸܡܵܐ ܕܲܒ̣ܢܲܝ̈ܵܐ ܟܲܕ݂ ܚܵܕ݂ܝܵܐ.
 
Top