|
|
| [1]Nunc autem derident me juniores tempore, quorum non dignabar patres ponere cum canibus gregis mei: |
[No book] |
| [2]quorum virtus manuum mihi erat pro nihilo, et vita ipsa putabantur indigni: |
[No book] |
| [3]egestate et fame steriles, qui rodebant in solitudine, squallentes calamitate et miseria. |
[No book] |
| [4]Et mandebant herbas, et arborum cortices, et radix juniperorum erat cibus eorum: |
[No book] |
| [5]qui de convallibus ista rapientes, cum singula reperissent, ad ea cum clamore currebant: |
[No book] |
| [6]in desertis habitabant torrentium, et in cavernis terræ, vel super glaream: |
[No book] |
| [7]qui inter hujuscemodi lætabantur, et esse sub sentibus delicias computabant: |
[No book] |
| [8]filii stultorum et ignobilium, et in terra penitus non parentes. |
[No book] |
| [9]Nunc in eorum canticum versus sum, et factus sum eis in proverbium. |
[No book] |
| [10]Abominantur me, et longe fugiunt a me, et faciem meam conspuere non verentur. |
[No book] |
| [11]Pharetram enim suam aperuit, et afflixit me, et frenum posuit in os meum. |
[No book] |
| [12]Ad dexteram orientis calamitates meæ illico surrexerunt: pedes meos subverterunt, et oppresserunt quasi fluctibus semitis suis. |
[No book] |
| [13]Dissipaverunt itinera mea: insidiati sunt mihi, et prævaluerunt, et non fuit qui ferret auxilium. |
[No book] |
| [14]Quasi rupto muro, et aperta janua, irruerunt super me, et ad meas miserias devoluti sunt. |
[No book] |
| [15]Redactus sum in nihilum; abstulisti quasi ventus desiderium meum, et velut nubes pertransiit salus mea. |
[No book] |
| [16]Nunc autem in memetipso marcescit anima mea, et possident me dies afflictionis. |
[No book] |
| [17]Nocte os meum perforatur doloribus, et qui me comedunt, non dormiunt. |
[No book] |
| [18]In multitudine eorum consumitur vestimentum meum, et quasi capito tunicæ succinxerunt me. |
[No book] |
| [19]Comparatus sum luto, et assimilatus sum favillæ et cineri. |
[No book] |
| [20]Clamo ad te, et non exaudis me: sto, et non respicis me. |
[No book] |
| [21]Mutatus es mihi in crudelem, et in duritia manus tuæ adversaris mihi. |
[No book] |
| [22]Elevasti me, et quasi super ventum ponens elisisti me valide. |
[No book] |
| [23]Scio quia morti trades me, ubi constituta est domus omni viventi. |
[No book] |
| [24]Verumtamen non ad consumptionem eorum emittis manum tuam: et si corruerint, ipse salvabis. |
[No book] |
| [25]Flebam quondam super eo qui afflictus erat, et compatiebatur anima mea pauperi. |
[No book] |
| [26]Expectabam bona, et venerunt mihi mala: præstolabar lucem, et eruperunt tenebræ. |
[No book] |
| [27]Interiora mea efferbuerunt absque ulla requie: prævenerunt me dies afflictionis. |
[No book] |
| [28]Mœrens incedebam, sine furore, consurgens, in turba clamabam. |
[No book] |
| [29]Frater fui draconum, et socius struthionum. |
[No book] |
| [30]Cutis mea denigrata est super me, et ossa mea aruerunt præ caumate. |
[No book] |
| [31]Versa est in luctum cithara mea, et organum meum in vocem flentium. |
[No book] |